Génesis 22:17 - Bible in Tzeltal Bachajón

¹⁷ ya me ca'bat bendición soc ya cac' te ya xp'ohl ats'umbal hich yipal te bin ut'il eq'uetic te ay ta ch'ulchan soc te hi' te ay ta sti'il mar; soc te ats'umbal ya me stsal spisil scontratac.

Bible in Tzeltal de Oxchuc y Tenejapa

¹⁷ jich yu'un jelawen to xan ya cac'bat esmajuc bendición ta atojol. Jelawen to xan ya cac' esmajuc ats'umbal, jich yipal ya xc'otic te bit'il sji'al mar, soc te ats'umbale ya me stsal spisil yajcontro.

Génesis 22:17 Referans Kwoze

Génesis 15:5

Hich la yic' loq'uel ta fuera soc la yalbe: Ilawil te ch'ulchan, ahtaya te eq'uetic teme ya xhu' awu'une, xchi. Soc la yalbe xan: Hich yipal ats'umbal ya xc'oht, xchi.

Jeremías 33:22

Hich te bin ut'il ma xhu' ta ahtayel te eq'uetic ta ch'ulchan o te shi'al mar, hich ya cac' te ya xp'ohl te sts'umbal te ca'bat David soc te levitahetic te ya x'a'tejic ta jtojol, xchi.

Génesis 13:16

Hich yipal ats'umbal ya xc'oht cu'un te bin ut'il ts'ubil lum. Teme ay mach'a ya xhu' ya yahtay te ts'ubil lum, ha nix hich ya xhu' ya yahtay te ats'umbale.

Génesis 26:4

Ya cac' p'ohluc ats'umbal hich yipal te bin ut'il eq'uetic ta ch'ulchan, soc ya ca'be sq'uinalin ats'umbal spisil te q'uinal ini. Ta scuenta ats'umbal ya x'a'botic bendición spisil nacionetic ta bahlumilal,

Génesis 24:60

La ya'beyic bendición te Rebeca, hich la yalic: Ha'at quihts'inatcotic, ha'uc me nanil ya xc'ohat yu'un tsobol ta mil, soc te ats'umbal ya yu'untaybeyic spuertahul te scontratac, xchihic.

Apocalipsis 11:15

Te shuquebal ch'ul a'bat la yoq'uesin te scorneta, ay mach'atic tulan c'opojic ta ch'ulchan, hich yacalic ta yalel: Te cuentahinel yu'un te bahlumilal, ha yu'unix te Cajwaltic Dios soc te Cristo yu'une, ha ya xcuentahinwan sbahtel q'uinal, xchihic.

Efesios 1:3

Bayeluc me yutsil sc'oblal Dios te Stat te Cajwaltic Jesucristo, te ha ta scuenta Cristo ya'beyejotic spisil ta chahp bendicionetic te ayic ta ch'ulchan.

Deuteronomio 1:10

Te Jehová te Dios awu'unic la sp'oltesexix hich yipal te bin ut'il eq'uetic ayic ta ch'ulchan.

Génesis 32:12

Hich awaloj: Ya cac' te lec ya xc'ohat, soc hich yipal ya xc'oht ats'umbal cu'un te bin ut'il shi'al mar te ma xhu' ta ahtayel, xchi ta sc'oponel Dios.

1 Corintios 15:57

Pero wocol yal Dios yu'un te ya yac' ca'iytic tsalaw ta scuenta te Cajwaltic Jesucristo.

Jeremías 32:22

La awa'be yich'ic te q'uinal ini te la awal ta jamal te sme'static te yac awa'be, ha te q'uinal te banti ya x'oquin leche soc chab.

Miqueas 1:9

Como mayuc spoxil te yehchen, c'ohtix c'alal ta Judá; c'ohtix c'alal ta pueblo cu'un, c'alal ta Jerusalén.

1 Reyes 9:26

Te ajwalil Salomón la spasticlan barcohetic ta Ezión-geber te ay ta nopol Elat ta sti'il te Mar Rojo, ta sq'uinal Edom.

Deuteronomio 21:19

hich te sme'stat ya me yiq'uic bahel ta stojol te mamaletic te ayic ta yochibal te pueblo banti nahinem,

Génesis 28:3

Ac'a ya'bat bendición te Dios te spisil ya xhu' yu'un, soc ac'a p'ohlucat, bayeluc me ats'umbal ya xc'oht ha to c'alal bayel ta chahp pueblohetic ya xc'ohat.

Génesis 17:6

Ya cac' te c'ax bayel ya xp'ohlat, bayel ta chahp nacionetic ya xc'ohat soc bayel ajwaliletic ya xchicnaj ta acuenta.

Génesis 12:2

Muc'ul nación ya xc'ohat cu'un, soc ya ca'bat bendición ta atojol, muc' ya xc'oht abihil cu'un, soc ha'at bendición ya xc'ohat.

Romanos 4:13

Ma ha'uc ta scuenta te Ley te halbot yu'un Dios te Abraham soc te sts'umbal te ya x'a'bot yich'ic te bahlumilal, pero ta scuenta bin ut'il ilot te toj ay ta scuenta sch'uhunel yo'tan;

Romanos 9:27

Ha nix hich te Isaías la yawtaybe sc'oblal te Israel: Te hichuc yipal sts'umbal Israel te bin ut'il shi'al mar, stsahbenal xanix te ya xcolic,

Hebreos 6:14

Ya me ca'bat bayel bendición soc ya me cac' p'ohluc ats'umbal, xchi.

Hebreos 11:12

Ha yu'un ta scuenta jtuhl winic te c'ax mamalix, tsobol loq'uic a hich te bin ut'il eq'uetic ta ch'ulchan soc hich te bin ut'il shi'al mar te ma xhu' ta ahtayel.

Génesis 25:11

C'alal chamenix a te Abraham, Dios la ya'be bendición te Isaac te snich'an. Tey nahin ta pozo ‘Te mach'a cuxul te ya yilon’ te xchi sbihile.

Génesis 26:24

Te Jehová tey la yac' sba ta ilel ta ahc'abal ta stojol, hich la yalbe: Ho'on Dioson yu'un te atat Abraham, ma me xiwat, yu'un joquinejat, ya ca'bat bendición, ya cac' p'ohluc ats'umbal ta scuenta bin ut'il c'ux ta co'tan te ca'bat Abraham, xchi.

Génesis 28:4

Ac'a ya'bat te bendición yu'un Abraham soc ats'umbal, scuenta yu'un yac aq'uinalin te q'uinal banti yacat melmonel, te a'bot yu'un Dios te Abraham, xchi.

Deuteronomio 10:22

Lajuneb schanwinic (70) ta tuhl cohic bahel ta Egipto te ame'atat, pero Jehová la yac' te ya xp'ohlucat hich te bin ut'il eq'uetic ta ch'ulchan.

Deuteronomio 13:17

Ma me xatsac te bin ac'bil ta scuenta lajel, scuenta yu'un te Jehová ya sloq'ues ta atojol te sc'ahc'al yilimba, ya sc'uxultayat soc ya sna'bat yo'bolil aba, ya yac' p'ohlucat, hich te bin ut'il jc'axel yalbeyej ta jamal te ame'atatic,

1 Crónicas 27:23

Te David ma ba la yahtay te mach'atic ma to stahojic jtahb (20) ya'bilal, como te Jehová yaloj te ya yac' p'ohluc te Israel hich te bin ut'il eq'uetic ta ch'ulchan.

2 Crónicas 1:9

Ha yu'un, Jehová Dios, c'ohtesa ta pasel te bin la awalbe te jtat David; como ha'at awac'ojon ta ajwalil ta stojol jun pueblo te hich yipal te bin ut'il ts'u'lum ta q'uinal.

Oseas 1:10

Aunque hich ay, te israeletic hich ya xc'ohtic te bin ut'il shi'al mar, te ma xhu' ta p'isel o ta ahtayel. Ta banti hich ya xhalbotic: Ma puelohuquex cu'un, te xchihe, hich ya xhalbotic: Yal-snich'anex te cuxul Dios, xchi sc'oblalic.

Génesis 32:13

Tey way ta ahc'abal a, soc ta yohlil te bintic ay yu'un la stsabe smahtan te Esaú te sbanquil:

Éxodo 32:13

Na'a me te Abraham, Isaac, soc Israel, te a'batetic awu'un, te jc'axel awalbeyej ta jamal ta atojol nix, te hich la awalbe: Ya cac' p'ohluc ats'umbalic hich te bin ut'il eq'uetic ta ch'ulchan; soc ya ca'be ats'umbalic spisil te q'uinal ini te la jcalbeyex sc'oblal, ha yu'unic ya xc'oht spisil ora, te xchihate, xchi.

Deuteronomio 1:11

¡Te Jehová, te Dios yu'un te ame'atatic, ac'a p'ohluquex mil buelta xan a te bin ut'il ayex ta ora ini, soc ac'a ya'beyex bendición hich te bin ut'il yaloj!

Deuteronomio 13:18

te c'alal yac ach'uhumbe sc'op te Jehová te Dios awu'un, te yac ach'uhun spasel spisil te mandariletic yu'un te ya jpasat ta mandar ta ora ini, yu'un yac apas te bin stojil ta pasel ta stojol Jehová te Dios awu'une.

2 Samuel 17:11

Ho'on ya calbat, ac'a stsob tal sbahic ta atojol spisil Israel ta Dan ha to ta Beerseba, c'ax bayelic hich te bin ut'il hi' ta ti'mar; soc ha'at nix ya me xbahat ta guerra.

1 Reyes 4:20

Te Judá soc Israel mero bayelic, hich te bin ut'il hi' ta ti'mar. Yacalic ta we'el uch'el, soc mero tse'el yo'tanic.

Nehemías 9:23

La awac' p'ohluc te yal-snich'anic hich te bin ut'il eq'uetic ta ch'ulchan. La awic'ticlan bahel ta q'uinal te awalbeyej te sme'static te yac awa'be yu'untayic.

Isaías 48:19

Te ats'umbal hich c'oht te bin ut'il hi', te awal-anich'nab hich c'oht te bin ut'il hi' te ma xhu' ta ahtayel; mayuc bin ora ya xlajimbot sbihilic o te ya yich' tup'el ta jtojol te hichuque, xchi te Jehová.

Oseas 2:1

Halbeyahic te awermanotac winiquetic: Pueblo cu'un, xchihex, soc halbeyic te awermanatac antsetic: Na'bil yo'bolil sba, xchihex.