Génesis 21:6 - Bible in Tzeltal Bachajón

⁶ Hich la yal ta yo'tan te Sara: Dios la yac'on ta tse'ej, soc mach'ayuc a te ya ya'iy, pajal ya xtse'ejinon soc, xchi.

Bible in Tzeltal de Oxchuc y Tenejapa

⁶ Jich la yal ta yo'tan te Sara: “Dios la yac' tse'enucon yu'un, soc jich me ya xbujts'naj yo'tanic spisil mach'atic ya yaiyic stojol te ayix ch'in alal cu'une.

Génesis 21:6 Referans Kwoze

Isaías 54:1

¡awonan yu'un yutsil q'uinal, jma'alat, ha'at te ma ba alajat! ¡Hahchan ta c'ayoj, awonan soc yutsil q'uinal, ha'at te mayuc bin ora te alajate! como ha bayel xan yalatac te mach'a ihquitaybil te bin ut'il te mach'a ay smamalal, xchi te Jehová.

Salmos 126:2

Bayel tse'ejinotic yu'un, soc te quetic noj ta c'ayojetic yu'un yalbeyel yutsil sc'oblal. Hich la yich' halel ta yohlil te nacionetic: ¡Te Jehová mero muc' bintic spasoj ta stojolic! xchihic.

Génesis 17:17

Te Abraham la spahcan sba la ya'be sta lum yelaw ta stojol te Diose, hahch ta tse'ej, hich la yal ta yo'tan: ¿Ya to bal xhu' ya x'ayin snich'an te winic te ayix ho'winic (100) ya'bilal? Soc ¿bin ut'il c'an alajuc te Sara te ayix lajuneb yo'winic (90) ya'bilal? xchi ta yo'tan.

San Lucas 1:58

C'alal la ya'iyic te spat-xuhc soc smohlol sts'ahquil te la yich'ix bayel c'uxultayel yu'un Dios, pajal bayel yutsil yo'tanic soc.

San Lucas 1:14

Bayel yutsil awo'tan soc tse'el awo'tan yu'un, soc tsobol mach'atic ay yutsil yo'tanic yu'un te ya x'ayine,

Isaías 49:21

Hich yac awal ta awo'tan: ¿Mach'a la yalataybon te alaletic ini? como mayuc calatac soc jma'alon, loq'uesbilon bahel soc p'ajbilon. Ha yu'un ¿mach'a la scoltes ini? Jtuquel ihquitaybilon, ¿banti talemic ini? xchihat.

Salmos 113:9

Ya yac' te ya xnahin ta sna te jma'al, soc te tse'el yo'tan te ay yalatac. ¡Aleluya!

Romanos 12:15

Tse'eluc me awo'tanic soc te mach'atic tse'el yo'tanic; oc'anic me soc te mach'atic ya x'oq'uic.

Hebreos 11:11

Ha nix hich ta scuenta sch'uhunel yo'tan te Sara, aunque jma'al, a'bot yip yu'un ya xhahch yal; hich ayin yal aunque c'axemix ya'bilal a, como la sch'uhun te stalel jun yo'tan te mach'a yaloj te hich ya xc'oht ta pasele.

1 Samuel 1:26

Te Ana hich la yalbe te Elí: ¡Cajwal! Te bin ut'il cuxulat, cajwal, ho'on me te la jc'opon Jehová li' ta atojol.

Isaías 49:15

¿Ya bal xch'ay ta yo'tan te ants te yal te la ya'be schu', yu'un ma ba ya sc'uxultay te mach'a la yalatay? ¡Aunque ya xch'ay ta yo'tan te yale, mayuc bin ora ya xch'ayat ta co'tan te ha'ate!

Jeremías 20:15

¡Ma me lecuc sc'oblal te mach'a hich la yalbe te jtate: Ayinix aquerem-nich'an! te xchihe.