Génesis 21:2 - Bible in Tzeltal Bachajón

² Hahch yal te Sara, hich ayin snich'an Abraham te c'alal mamalix a, ha nix ta yorahil te halbot yu'un Dios.

Bible in Tzeltal de Oxchuc y Tenejapa

² Jich la yic' yal te Sara, jich ayin snich'an te Abraham manchuc me mamalix. Jich ora ayin te alal te bit'il albot yu'un te Diose.

Génesis 21:2 Referans Kwoze

Hebreos 11:11

Ha nix hich ta scuenta sch'uhunel yo'tan te Sara, aunque jma'al, a'bot yip yu'un ya xhahch yal; hich ayin yal aunque c'axemix ya'bilal a, como la sch'uhun te stalel jun yo'tan te mach'a yaloj te hich ya xc'oht ta pasele.

Gálatas 4:22

Como ts'ihbabil hilel te ay cheb snich'nab te Abraham, te jtuhle, ha yal te moso-ants, te yane, ha yal te ants ay ta libre.

Hechos 7:8

Soc la ya'be Abraham te chapbil-c'op yu'un circuncisión. Ha yu'un c'alal ayin te snich'an Abraham, ha te Isaac, la ya'be yich' circuncisión ta swaxaquebal c'ahc'al yayinel a; te Isaac la ya'be te Jacob, soc Jacob la yac'ticlambe te lahchaytuhl tatiletique.

San Lucas 1:36

Ha nix hich te amohlol ats'ahquil Elisabet, te mach'a jma'al ta halel yu'unic, swolojix yal aunque me'elix, swaquebalix u shahchel a te yale.

Génesis 18:14

¿Ay bal bin wocol ta pasel ya ya'iy te Diose? Ya suhton tal ta atojol ta yorahil te la jcalbate, ha yorahil a te ya x'ayin squerem-al te Sara, xchi.

Génesis 18:10

Hich halbot yu'un: Jamal ya calbat, ya xcha'talon ta hich ora ta yan ha'bil, te awihnam Sara ya me x'ayin squerem-al, xchi. Te Sara yac ta ya'iyel te c'op ta sti'il te nahilpac' te ay ta spat.

Génesis 17:19

La sjac' te Diose: Ya me x'ayin squerem-al te awihnam Sara, ya me awa'be sbihilin Isaac. Ha nix hich ya ca'be te chapbil-c'op cu'un scuenta chapbil-c'op yu'un te sts'umbal ta patil bahel te ma xlaj sc'oblal.

Génesis 17:21

Pero ya jchap te c'op cu'un soc Isaac, ha te anich'an te ya x'ayin ta scuenta Sara ta hich ora ta yan ha'bil, xchi.

Romanos 9:9

como hich ay te bin yaloj ta jamal te Diose: Ta hichilan ora ya xtalon soc ya x'ayin jtuhl squerem-al te Sara, te xchihe.

Josué 24:3

La jquic' loq'uel ta jehch muc'ul-ha' te atatic Abraham soc la jquic' tal ta spahmal sq'uinal Canaán; la jcac' p'ohluc te sts'umbal soc la jca'be te Isaac.