Génesis 21:17 - Bible in Tzeltal Bachajón

¹⁷ Dios la ya'iybe yoq'uel te querem. Hich te ch'ul a'bat yu'un Dios la yawtay te Agar c'alal ta ch'ulchan: ¿Bin la apas, Agar? Ma xiwat, yu'un Dios a'iybotix te yoq'uel te querem te banti ay.

Bible in Tzeltal de Oxchuc y Tenejapa

¹⁷ Ja'uc me to, Dios la yaiybey yoq'uel. Jich te ch'ul abat yu'un Dios la yawtay te Agar c'alal ta ch'ulchan: —¿Bi la apas, Agar? Ma xamel awo'tan, Dios la yaiybeyix sc'op te quereme.

Génesis 21:17 Referans Kwoze

Génesis 16:11

Soc halbot xan yu'un te ch'ul a'bat yu'un Jehová: Hahchemix awal, ya x'ayin atut querem-al; ya me awa'be sbihilin Ismael, yu'un ya'iyej te Jehová te ay awocole.

Salmos 50:15

C'oponawon te c'alal ayat ta wocol; ya cac'at ta libre, soc ya me awich'on ta muc', xchi te Jehová.

Éxodo 3:7

Patil hich la yal te Jehová: Melel la jquilbeyix swocol te pueblo cu'un te ay ta Egipto, soc la jca'iybeyix yawic yu'un te jsujawetic yu'unic ta a'tel. Ya jna'be yo'bolil sbahic yu'un te swocolique.

Salmos 91:15

Ya sc'oponon, ya me jac'be sc'op; ya joquin c'alal ay ta wocol, ya cac' ta libre soc ya cac' ta ich'el ta muc'.

San Marcos 5:36

C'alal la ya'iy te Jesús te bin hul ta halbeyel, la yalbe te principal yu'un te sinagoga: Ma me xiwat; ha nax ac'a sch'uhunel awo'tan, xchi sc'oblal.

San Mateo 15:32

Te Jesús la yic'ticlan tal te jnopojeletic yu'un, hich la yal: Ya jna'be yo'bolil sba te ants-winiquetic, como yoxebalix c'ahc'al a te sjoquinejonic, mayuc bin ya swe'ic; ma jc'an ya jticonlan bahel como ma ba we'emic, ya wan xlaj yipic ta be, xchi.

Isaías 41:10

Ma me xiwat, como joquinejat; ma me xamel awo'tan, como ho'on te Dioson awu'une; ya ca'bat awip, ya jcoltayat, ya jtsacat ta jwa'el-c'ab te ya xtsalawane.

Isaías 22:1

Ha te sc'op jalwanej ta stojol te spamlej yu'un nahalsitil: ¿Bin ut'il ay a te apisilic mohemex ta ba nahetic?

Salmos 65:2

Ha'at yac awa'iybe sc'op te mach'a ya sc'oponat, spisilic ya xtalic ta atojol.

2 Reyes 13:23

Pero te Jehová sts'ujet ta yo'tan ta stojolic, la sna'be yo'bolil sbahic yu'un te chapbil-c'op soc Abraham, Isaac soc Jacob. Ma ba la sc'an la slajinlan soc te la sloq'ues ta stojol c'alal ora.

2 Reyes 13:4

Te Joacaz la sc'opon te Jehová, a'iybot sc'op yu'un, como la yilbe swocol Israel te a'botic yu'un te ajwalil yu'un Siria.

1 Samuel 11:5

Ha yorahil yac ta hulel ta a'tel soc j'a'tel-wacaxetic a te Saúl, hich la sjoc'oy: ¿Bin la spas te pueblo te yacalic ta oq'uel? xchi. La yalbeyic ya'iy te bin la yalic te winiquetic yu'un Jabes.

Jueces 18:23

La yawtayic te snich'nab Dan, hich la sut sitic, la sjoc'obeyic te Micaía: ¿Bin la apas te la atsob winiquetic? xchihic.

Éxodo 22:27

como ha nax te ya smuc sba a, ha sc'u' te ya smuc a te sbaq'uetale. ¿Bin ya smuquix sbaq'uetal ta wayel a? Te c'alal ya yawtayon ya me ca'iybe sc'op, como ho'on Jc'uxultaywanejon.

Éxodo 22:23

Teme yac awuts'in, soc teme ya sc'oponon, ya me ca'iybe te sc'ope;

Éxodo 14:13

Te Moisés hich la yalbe te pueblo: Ma xiwex, ayuc me yip awo'tanic, ya me awilic te colel te ya ya'botic yo'tic te Jehová; como te egipciohetic te yac awilique mayuc bin ora yac awilic xan.

Génesis 46:3

La yal te Diose: Ho'on Dioson, te Dioson yu'un te atate. Ma me xaxi' te ya xcohat bahel ta Egipto, yu'un tey ya cac' a te muc'ul nación ya xc'ohat.

Génesis 16:9

Hich halbot yu'un te ch'ul a'bat yu'un Jehová: Suhtan bahel ta stojol awajwal, ac'a xan aba ta cuentahinel yu'un, xchi.

Génesis 15:1

Ta patil te c'ohtix ta pasel ini, tal te sc'op Jehová ta stojol Abram ta scuenta nahalsitil, hich la yal: Ma xiwat, Abram, ho'on jcanantaywanejon awu'un, mero muc' ya xc'oht amahtan, xchi sc'oblal.

Génesis 16:7

Te ch'ul a'bat yu'un Jehová la sta te Agar ta banti sloq'uib-ha' ta jochol taquin q'uinal, ha te sloq'uib-ha' ay ta sbehlal Shur.

Génesis 22:11

Pero te ch'ul a'bat yu'un Jehová hich la yawtay c'alal ta ch'ulchan: Abraham, Abraham, xchi. Li' ayoni, xchi te Abraham.

Génesis 24:7

Te Jehová, te Dios yu'un te ch'ulchan, te la yic'on loq'uel tal ta sna te jtat soc ta slumal te quermanotac, te la sc'oponon soc te hich la yalbon ta jamal: Ya ca'be ats'umbal te q'uinal ini, te xchihe, ya sticon te ch'ul a'bat yu'un te ya xnahilij bahel awu'un, yu'un tey ya xc'oht alehbe yihnam a te jnich'ane.

Génesis 26:24

Te Jehová tey la yac' sba ta ilel ta ahc'abal ta stojol, hich la yalbe: Ho'on Dioson yu'un te atat Abraham, ma me xiwat, yu'un joquinejat, ya ca'bat bendición, ya cac' p'ohluc ats'umbal ta scuenta bin ut'il c'ux ta co'tan te ca'bat Abraham, xchi.

Éxodo 3:2

Tey chicnaj ta stojol a te ch'ul a'bat yu'un Jehová ta c'ahc' te yac ta tihlel ta yohlil jpeht ch'ix. La yil te yac ta tihlel te ch'ix, pero ma xlaj ta c'ahq'uel.

Deuteronomio 26:7

Hich awonotcotic ta stojol Jehová te Dios yu'un te jme'jtatic; te Jehová la ya'iybotcotic jc'opcotic soc la yilbotic te jwocolcotic, te tulan ca'telcotic soc te uts'inel te ay jwocolcotic yu'une.

Salmos 6:8

¡Loc'anic ta jtojol, apisilic te chopol awa'telic, como te Jehová la ya'iybonix te coq'uele!

Génesis 16:8

Hich la yalbe: Agar, scriadahat Sarai, ¿banti talat soc banti ya xbahat? xchi. Yacon ta ahnel ta stojol te cajwal Sarai, xchi te Agar.

Salmos 10:14

Ha'at awiloj, yu'un yac awil te bintic chopol soc te uts'inel, yu'un yac awa'be stoj ta ac'ab. Ya yac' sba ta atojol te mach'a ma xhu' scanantaybel sba; ha'at jcoltaywanejat yu'un te me'ba'.