Génesis 21:14 - Bible in Tzeltal Bachajón

¹⁴ Hich buen sab hahch te Abraham, la yich' tal pan soc jun nuhcul yawil ha', la ya'be sq'uech bahel te Agar, soc la ya'be te yal, la sticon bahel soc. Hich loc' bahel, melmonel ta behel ta jochol taquin q'uinal Beerseba.

Bible in Tzeltal de Oxchuc y Tenejapa

¹⁴ Ta buen sab jajch' te Abrahame. La yich' tel we'elil, soc jun yawil ja' nojel ta ya'lel te pasbil ta nujc'ul, la yac'bey xcuch bael te Agare. Soc la yac'bey ta sc'ab te yale, la sticun bael soc. Jich a bajt' te Agar, loc' bael ta melmonel ta jochol taquin q'uinal ta nopol Beerseba.

Génesis 21:14 Referans Kwoze

San Juan 8:35

Te mach'a ay ta mosohil, ma spisiluc ora ya xhil ta na; yan te mach'a al-nich'anil, spisil ora ha xhil stuquel.

Eclesiastés 9:10

Spisil te bintic yac apas, pasa soc spisil awip, como ta stsobojibal mach'atic chamenic, te banti ya xbahat, mayuc a'tel, mayuc bin ay ta chahpanel, mayuc bin ay ta na'el soc mayuc p'ijil-o'tanil tey a.

Proverbios 27:14

Te mach'a ya yalbe ta aw lec sc'oblal te amigo ta buen sab, ha ma lecuc sc'oblal ya x'a'iyot.

Salmos 119:60

Ya jsuj jba, ora nax ya jpas te mandariletic awu'une.

Salmos 107:4

Ay howiyic ta behel ta jochol taquin q'uinal, ma ba la stahbeyic sbehlal junuc pueblo te banti ya xhu' ya xnahinic.

1 Reyes 19:3

Te Elías la xi', hich baht ta ahnel ta scoltayel scuxlejal, baht ta Beerseba te ay ta sq'uinal Judá, tey la yihquitay a te ya'bate.

Génesis 26:31

Ta sab hahchic soc ay bin jamal la yalbe sbahic. Te Isaac la yac'ticlan bahel, hich lamal yo'tanic a suhtic bahel.

Génesis 25:6

Yan te yalatac te yan antsetic yu'un, la yac'ticlambe smahtanic. Pero te c'alal cuxul to a te Abraham la sticonlan loq'uel ta stojol Isaac, la sticonlan bahel ta q'uinal ta stojol banti ya xloc' tal c'ahc'al.

Génesis 21:31

Ha yu'un Beerseba sbihil c'oht te lugar, yu'un tey ay bin la yalbe sbahic ta jamal ta schebalic a.

Génesis 16:7

Te ch'ul a'bat yu'un Jehová la sta te Agar ta banti sloq'uib-ha' ta jochol taquin q'uinal, ha te sloq'uib-ha' ay ta sbehlal Shur.

Isaías 16:8

Te q'uinaletic yu'un Hesbón taquijemic, ha nix hich te ts'usubiletic yu'un Sima. Te ajwaliletic yu'un te nacionetic la sts'o'ts'o'teclanic te tsahbil ts'usubiletic te c'ohemic c'alal Jazer soc spucoj sbahic bahel c'alal ta jochol taquin q'uinal. Puhquic bahel te ts'usubiletic yu'un c'alal ta mar.

Génesis 46:1

Hich loc' bahel te Israel soc spisil sbiluc, c'oht ta Beerseba, tey c'oht ya'be milbil smahtan a te Dios yu'un Isaac te state.

Génesis 37:15

C'alal yac ta slehel a tahot yu'un jtuhl winic, hich joc'obot yu'un te winic: ¿Bin yac ale? xchi sc'oblal.

Génesis 26:33

Te Isaac la ya'be sbihilin Seba. Ha scuentahil te Beerseba sbihil c'oht te pueblo c'alal ora ini.

Génesis 24:54

Patil we' te winic soc te mach'atic sjoquinej tal, bahtic ta wayel. C'alal hahch ta sab hich la yal te winique: Ac'awonic suhtel ta stojol te cajwal, xchi.

Génesis 22:19

Te Abraham suht bahel ta stojol te a'batetic yu'un, hahchic ta behel, bahtic ta Beerseba; tey nahin a te Abraham.

Génesis 22:3

Hich te Abraham buen sab hahch, la schahpan sburro, soc la yic' bahel cheb ya'bat soc te Isaac te snich'ane. La sch'uybe si'il te scohtol milbil mahtanil, hahch ta behel, baht ta banti halbot yu'un te Diose.

Génesis 21:33

Te Abraham la sts'un jtehc' tamarisco ta Beerseba, tey la sc'opon a te Jehová Dios te stalel cuxul sbahtel q'uinal.

Génesis 19:27

Sab hahch te Abraham, baht ta banti la stehc'an sba ta stojol Jehová.

Génesis 21:13

Soc te yal te criada, muc'ul nación ya xc'oht cu'un, como ha'at nix ats'umbal, xchi.

Génesis 21:15

C'alal laj ya'lel te nuhcul, la yihquitay hilel te querem ta ye'tal te',

Proverbios 27:8

Hich te bin ut'il ha'mal mut te ya yihquitay hilel te spechech, hich ay te mach'a ya yihquitay hilel te slumale.

Génesis 28:18

C'alal sacub q'uinal, hahch te Jacob, la stsac te ton te la sts'amjolin, la stehc'an scuenta seña, soc la smalbe aceite ta sba.

Josué 3:1

Te Josué sab hahch, loc' bahel ta Sitim soc spisil snich'nab Israel, c'ohtic c'alal ta muc'ul-ha' Jordán, tey c'oht spas scampamentohic te c'alal ma to ba sohlic bahel a.

1 Samuel 15:12

Sab hahch te Samuel yu'un ya xbaht sta te Saúl, pero c'oht ta halbeyel te Samuel: Bahem ta Carmel te Saúl soc la stehc'an ton scuenta sna'ojibal yu'un; patil co bahel ta Gilgal, xchi.

2 Crónicas 29:20

Te ajwalil Ezequías hahch ta buen sab, la stsob te príncipaletic yu'un te pueblo, mo bahel ta sna Jehová.