Génesis 21:10 - Bible in Tzeltal Bachajón

¹⁰ Ha yu'un la yalbe te Abraham: Tena loq'uel soc yal te criada ini, yu'un ma xhu' te pajal ya yich'bat hilel abiluc soc te cal Isaac, la yut.

Bible in Tzeltal de Oxchuc y Tenejapa

¹⁰ Te Sara jich la yalbey te Abraham: —Tena loq'uel te ants soc te yale, ac'a bajt'uc. Ma me xju' te pajal ya yich'bat jilel abiluc soc te cal Isaac te yal jcriada —la yut.

Génesis 21:10 Referans Kwoze

San Juan 8:35

Te mach'a ay ta mosohil, ma spisiluc ora ya xhil ta na; yan te mach'a al-nich'anil, spisil ora ha xhil stuquel.

1 Juan 2:19

Loq'uemic hahchel ta cohliltic, pero ma junuc ayotic soc a, como te junuc ayucotic soc, la sjoquinotic te hichuque; pero loq'uic bahel yu'un tey chicnaj a te ma ba jun ayotic soc ta spisilic.

1 Pedro 1:4

soc scuenta yu'un ya x'ac'ot quich'tic te bin ma xjihn, te mayuc yabaquil soc te ma xtaquij, te q'uejbil ta ch'ulchan yu'un ha awu'unic ya xc'oht,

Gálatas 4:7

Ha yu'un ma ba mosohatix, ha al-nich'anilatix; soc te bin ut'il al-nich'anilat, Dios la yac' te yac awich'be hilel te bintic ay yu'un ta scuenta Cristo.

Gálatas 3:18

como teme ya xtal ta scuenta te Ley te bin ya x'a'bot yich' hilel, ma ha'uquix ta scuenta te bin yaloj Dios te hichuque; pero Dios la ya'be te Abraham ta scuenta te bin halbil ta hamal yu'une.

San Mateo 22:13

Ha yu'un te ajwalil la yalbe te a'batetic yu'une: Chucbeyahic yoc sc'ab, ch'ojahic bahel ta fuera ta yihc'al q'uinal, tey ya xc'oht yoq'uetay sba a soc tey ya xc'oht sc'uxuxan ye a, xchi.

Génesis 25:19

Hich ay sc'oblal te sts'umbal Isaac snich'an Abraham: Te Abraham ha stat te Isaac.

Génesis 25:6

Yan te yalatac te yan antsetic yu'un, la yac'ticlambe smahtanic. Pero te c'alal cuxul to a te Abraham la sticonlan loq'uel ta stojol Isaac, la sticonlan bahel ta q'uinal ta stojol banti ya xloc' tal c'ahc'al.

Génesis 22:10

Te Abraham la stsac te cuchillo yu'un ya slow a te snich'ane.

Génesis 20:11

La sjac' te Abraham: La jcal ta co'tan: Melel li' ta lugar ini mayuc ta xi'el te Diose, ya me smilonic ta scaj quihnam.

Génesis 17:21

Pero ya jchap te c'op cu'un soc Isaac, ha te anich'an te ya x'ayin ta scuenta Sara ta hich ora ta yan ha'bil, xchi.

Génesis 17:19

La sjac' te Diose: Ya me x'ayin squerem-al te awihnam Sara, ya me awa'be sbihilin Isaac. Ha nix hich ya ca'be te chapbil-c'op cu'un scuenta chapbil-c'op yu'un te sts'umbal ta patil bahel te ma xlaj sc'oblal.

Proverbios 22:10

Teme ya yich' loq'uesel te jlabanwanej, ya xloc' bahel te jach-c'op, soc ya xlahmaj c'op soc te labanwaneje.

Jueces 11:2

Te yihnam Galaad la yalataybe snich'nab; te c'alal muc'ubic a, la stenic loq'uel te Jefté, hich la yalbeyic: Mayuc bin yac awich'be ta sna te jtatic, como yalat yan ants, xchihic.