Génesis 21:1 - Bible in Tzeltal Bachajón

¹ Te Jehová suht tal ta stojol Sara hich te bin ut'il yaloj, hich nix la spasbe te bin yalojix ta jamal.

Bible in Tzeltal de Oxchuc y Tenejapa

¹ Te Cajwaltic la sna' te Sara, jich nix pasbot yu'un te bit'il albot yu'une.

Génesis 21:1 Referans Kwoze

Salmos 12:6

Te bintic yaloj ya spas te Jehová, mayuc bin capal tey a, hich ayic te bin ut'il plata te lecubtesbil ta horno pasbil ta lum, te huqueb buelta yich'oj lecubtesel.

Génesis 18:10

Hich halbot yu'un: Jamal ya calbat, ya xcha'talon ta hich ora ta yan ha'bil, te awihnam Sara ya me x'ayin squerem-al, xchi. Te Sara yac ta ya'iyel te c'op ta sti'il te nahilpac' te ay ta spat.

Génesis 18:14

¿Ay bal bin wocol ta pasel ya ya'iy te Diose? Ya suhton tal ta atojol ta yorahil te la jcalbate, ha yorahil a te ya x'ayin squerem-al te Sara, xchi.

Génesis 17:19

La sjac' te Diose: Ya me x'ayin squerem-al te awihnam Sara, ya me awa'be sbihilin Isaac. Ha nix hich ya ca'be te chapbil-c'op cu'un scuenta chapbil-c'op yu'un te sts'umbal ta patil bahel te ma xlaj sc'oblal.

Tito 1:2

te ha ya yac' smuc'ul co'tantic ta smahliyel te cuxlejal scuenta sbahtel q'uinal. Te Dios, te ma xya'iy lot, te c'alal ma to ayuc bintic ay a la yal ta jamal te ya me xchicnaj te cuxlejal ini,

Gálatas 4:23

Te yal te moso-ants ayin ta scuenta ch'ich'-baq'uet, yan te yal te ants te ay ta libre, ayin ta scuenta te bin yaloj te Diose.

San Mateo 24:35

Ya xlaj ch'ulchan soc bahlumilal, pero ma ba ya xlaj stuquel te jc'ope.

1 Samuel 2:21

Te Jehová la sna' te Ana, hich hahch yal, ayin xan oxeb squerem-al soc cheb yantsil-al. Te querem Samuel xquechcon ta muc'ubel ta stojol Jehová.

Gálatas 4:28

Ha yu'un, quermanotac, ho'otic al-nich'anotic ta scuenta te bin yaloj Dios, hich te bin ut'il Isaac.

Rut 1:6

Tey ta sq'uinal Moab la ya'iy te Jehová tal scoltay te pueblo yu'un, ha te la yac'ticlambe we'elil, ha yu'un hahch bahel soc te schebal yalib, loc' bahel ta sq'uinal Moab.

Génesis 50:24

Te José hich la yalbe ya'iyic te yermanotac: Te ho'one ya xchamonix; pero Dios me ya xtal scoltayex, ya me yiq'uex loq'uel li' ta q'uinal ini, ya me yiq'uex bahel tey ta q'uinal te yaloj ta jamal te ya ya'be te Abraham, te Isaac soc te Jacob, xchi.

Génesis 17:21

Pero ya jchap te c'op cu'un soc Isaac, ha te anich'an te ya x'ayin ta scuenta Sara ta hich ora ta yan ha'bil, xchi.

Génesis 17:16

Ya ca'be bendición, soc ya ca'bat anich'an ta scuenta. Hich, ya ca'be bendición soc ha nanil ya xc'oht yu'un bayel nacionetic; ya xchicnaj ta scuenta bayel ajwaliletic, xchi.

San Lucas 1:68

Bayel yutsil te Cajwaltic, te Dios yu'un Israel, yu'un tal swehtesbe scolel te pueblo yu'une.

Éxodo 4:31

La sch'uhun yo'tanic te pueblo, soc c'alal la ya'iyic te Jehová ya sna'be yo'bolil sbahic te snich'nab Israel soc yac yilbel te swocolic, la snijan sbahic soc la sch'uhuntayic.

Salmos 106:4

Na'awon, Jehová, te c'alal yac apasbe bin lec te pueblo awu'une; na'awon te c'alal yac acoltaylan,

Éxodo 20:5

Ma me xaquejan aba ta stojolic soc ma me xawich' ta muc', como ho'on Jehovahon te Dioson awu'un, xut'et co'tan, ya ca'be castigo yu'un smul sme'static te yal-snich'nabic ta yoxcajal soc ta schancajal te mach'atic ya yil-o'tantayonic,

Éxodo 3:16

Bahan, tsoba te mamaletic yu'un Israel soc halbeya: Te Jehová te Dios yu'un ame'atatic, te Dios yu'un Abraham, Isaac, soc Jacob la yac' sba ta ilel ta jtojol, hich la yalbon: Ta mero melel la jquilexix soc la jquilix te bin ya xpasbotex ta Egipto.

San Lucas 19:44

ya me sjinat cohel c'alal ta lum soc te awal-anich'nab te tey ayic a, soc ni junuc ton cajal ya xhil ta sba yan ton, como ma ba la ana' te bin ora talat ta ilel, xchi.

Génesis 24:36

Te Sara te yihnam te cajwal me'elix a te la ya'be squerem-nich'an te cajwal, te ha la ya'be hilel spisil te bin ay yu'une.

1 Samuel 1:19

Hahchic ta sab, la sch'uhuntayic te Jehová, suhtic bahel ta sna ta Ramá. Te Elcana way soc te Ana te yihnam; te Jehová la sna' te antse.

2 Reyes 4:17

Pero hahch yal te ants, ayin yal ta yan ha'bil, ha nix ta yorahil te halbot yu'un te Eliseo.