Génesis 20:17 - Bible in Tzeltal Bachajón

¹⁷ Ha yu'un te Abraham la sc'opombe Dios, hich lecubtesot yu'un Dios te Abimelec, te yihnam soc te scriadahetique; hich alajic,

Bible in Tzeltal de Oxchuc y Tenejapa

¹⁷ Jich yu'un te Abraham la sc'oponbey Dios, jich col te Abimelec, te yinam soc te criadaetique, alajic ta spisilic.

Génesis 20:17 Referans Kwoze

Santiago 5:16

Talel c'axel halbeya abahic te amulique, soc talel c'axel c'opombeya abahic Dios, scuenta yu'un hich me ya xlecubex ta chamel a. Te ya sc'opon Dios te mach'a toj yo'tan, ay yu'el soc bayel bin ya xc'oht ta pasel yu'un.

Filipenses 4:6

Ma me ayuc bin ya sna'ulan awo'tanic yu'un, pero ta scuenta sc'oponel Dios soc yalel wocol, a'beya sna' Dios spisil te bintic yac ac'ambeyic, soc halbeyahic wocol Dios yu'un.

1 Tesalonicenses 5:25

Quermanotac, c'opombotcotic me Dios.

San Mateo 21:22

Spisil te bin yac ac'anic ta sc'oponel Dios, teme ya xch'uhun awo'tanic, ya me x'a'botex, xchi.

San Mateo 7:7

C'anahic, hich me ya x'a'botex. Lehahic, hich me yac atahic ta lehel. C'opojanic, hich me ya xjambotex.

Isaías 45:11

Hich ya yal te Jehová, te Ch'ul Dios yu'un Israel, te Jchahpanwanej yu'une: ¿Ya bal ajoc'obonic sc'oblal te jnich'nabe, o ya bal apason ta mandar yu'un te ya'tel te jc'abe?

Proverbios 15:8

Te Jehová ya yihlay te chic'bil mahtanil ya yaq'uic te mach'atic chopol yo'tanic, pero lec yo'tan yu'un te mach'atic toj yo'tanique.

Esdras 6:10

scuenta yu'un ya ya'beyic milbil mahtaniletic te lec yo'tan yu'un te Dios ta ch'ulchan, soc te yacuc sc'opombeyic Dios yu'un te ajwalil soc te yal-snich'nabe.

Génesis 29:31

Te Jehová la yil te mayuc stuc ta o'tanil te Lea, hich la yac' alajuc; yan te Raquel ma x'alaj stuquel.

Génesis 20:7

Ha yu'un ticona bahel te ants ta stojol te smamalal, como ha jalwanej, ya xc'opoj awu'un ta jtojol scuenta yu'un cuxul ya xhilat. Yan teme ma ba yac aticon bahel, na'a me te ya xlajat soc spisil mach'atic ay awu'un, xchi.

Hechos 3:24

Spisil te jalwanejetic c'alal Samuel soc ta patil, te jayeb c'opojic, ha nix la yalbeyic sc'oblal te yorahil ayotic.

Proverbios 15:29

Te Jehová namal ay ta stojol te mach'atic chopolic, pero ya ya'iybe sc'op te mach'atic toj yo'tanic.

Números 12:13

Ha yu'un te Moisés awon ta stojol Dios: Awocoluc, Dios, lecubtesa ta chamel, xchi.

Números 21:7

Ha yu'un te pueblo talic ta stojol Moisés, hich la yalbeyic: La jta jmulcotic ta scontrac'optayel te Jehová soc te ha'ate. C'ambeya Jehová te yacuc sloq'ues te chanetic, xchihic. Hich te Moisés la sc'opombe Dios te pueblo.

Job 42:8

Ha yu'un yo'tic ya me atsaquic huqueb jcolel torohetic soc huqueb tat tuminchijetic, bahanic ta stojol te ca'bat Job, ac'ahic scohtol chic'bil mahtanil ta acuentahic. Te ca'bat Job ya sc'opombeyex Dios, soc ya quich'be ta cuenta te sc'op scuenta yu'un ma ba ya ca'beyex awocolic yu'un te ma ba stojil la awalbonic jc'oblal, hich te bin ut'il la yal te ca'bat Job, xchi.

Génesis 12:17

Pero te Jehová la ya'be tulan wocol ta chamel te faraón soc sjunal sna ta scaj te Sarai, te yihnam Abram.