Génesis 2:25 - Bible in Tzeltal Bachajón

²⁵ Mayuc sc'u' spac' te Adán soc te yihnam, pero ma ba q'uexawic yu'un.

Bible in Tzeltal de Oxchuc y Tenejapa

²⁵ T'anal xchebalic te Adán soc te yiname; ja'uc me to, ma ba q'uexawic yu'un.

Génesis 2:25 Referans Kwoze

Génesis 3:7

Hich jahm sit schebalic soc la sna'ic te mayuc sc'u' spaq'uic. Ha yu'un la sts'isic ya'binal higuera, la smac sbaq'uetalic a.

Romanos 10:11

Hich ya yal te Shun Diose: Spisil mach'a ya sch'uhun, ma ba ya sta q'uexlal yu'un, xchi,

Joel 2:26

Ya me xwe'ex ha to c'alal ya xnoj ach'uhtic, soc ya me awalbeyic yutsil sc'oblal te sbihil te Jehová te Dios awu'unic, te c'ax lec bintic la spasbeyex; mayuquix bin ora ya xtahot yu'un q'uexlal te pueblo cu'une.

Jeremías 17:13

Jehová, te smuc'ulat yo'tan Israel, spisil te mach'atic ya yihquitayat ya x'ac'otic ta q'uexlal. Te mach'atic ya spit sbahic ta atojol, ya yich'ic ts'ihbayel ta ts'ubil lum ta scaj te la yihquitayic hilel te Jehová, te cuxul sloq'uib-ha'e.

Isaías 47:3

Jamal ya xchicnaj te watalat, ya x'ilot aq'uexlal. Ya ca'be castigo, mayuc mach'a ya xcol,

San Lucas 9:26

Te mach'a ya xq'uexaw cu'un soc yu'un te jc'ope, ha nix hich te Nich'anil ay ta scuenta winic ya me xq'uexaw ta stojol c'alal ya xtal soc yutsilal, soc te yutsilal te Stat soc te yutsilal te ch'ul a'batetique.

Ezequiel 16:61

Hich me yac ana' a bintic la apas soc ya me xq'uexawat c'alal ya ca'bat scuenta awantsil-alatac te awihts'inab soc awixiltac, pero ma ha'uc ta scuenta te chapbil-c'op awu'un,

Isaías 54:4

Ma me xiwat, ma ba ya xhilat ta q'uexlal; ma me xaxi' q'uexlaltesel, como ma ba yac awich' pehc'anel; ya me xch'ay ta awo'tan te q'uexlal yu'un aqueremil soc ma ba yac ana'ix te ihlayel yu'un te ame'ba'al.

Salmos 25:3

Melel mayuc mach'a te smuc'ulinejat yo'tan te ya xq'uexawan; ha ya stahic q'uexlal te mach'atic tojol nax ya stoy sbahique.

Éxodo 32:25

Te c'alal la yil Moisés te ma ba ya scom sbahic te pueblo, yu'un ma ba comotic yu'un Aarón, te la yac' sbahic ta q'uexlal yu'un te scontrahic,

San Marcos 8:38

Teme ay mach'a ya xq'uexaw ta jcuenta soc ta scuenta te jc'op ta yohlil te jcaj ts'umbalil ini te ha j'antsiwejetic soc jmulawiletic, ha nix hich te Nich'anil ay ta scuenta winic ya me xq'uexaw yu'un te c'alal ya xtal soc yutsilal te Stat soc te ch'ul a'batetique, xchi.

Jeremías 6:15

¿Q'uexawic bal yu'un te bin ihlaybil te spasojique? Ma'uc, jc'axel ma xq'uexawic; ma sna'ic bin a te q'uexlale. Ha yu'un ya xyahlic ta yohlil te mach'atic ya xyahlique; ya me xyahlic te c'alal ya ca'be castigo, xchi te Jehová.

Isaías 44:9

Te mach'atic ya spasic loc'ombahetic, mayuc sc'oblalic, soc ma xtuhun te bintic bayel sc'oblal ta yo'tanic. Ha'ic nix testigohetic te ma xyilic q'uinal te loc'ombahetic soc ma sna'beyic scuentahil, hich ya xq'uexawic yu'un.

Salmos 31:17

Ma me jta q'uexlal, Jehová, como la jcawtayat; ac'a sta q'uexlal te mach'atic chopolic, soc uma'ubuc ta muquenal.