Génesis 19:29 - Bible in Tzeltal Bachajón

²⁹ Hich te c'alal Dios la slajinlan te pueblohetic ta spamlej, la sna' te Abraham, hich la sticon loq'uel te Lot ta yohlil te jinel te la slajinlan te pueblohetic ta banti nahinem.

Bible in Tzeltal de Oxchuc y Tenejapa

²⁹ Jich te Dios la yac' lajuc te lumetic ta spamlej. Ja'uc me to, na'ot yu'un Dios te Abraham, jich yu'un la sticun loq'uel te Lot c'alal la slajin te lumetic ta bay naineme.

Génesis 19:29 Referans Kwoze

Deuteronomio 9:5

Ma yu'unuc ta scaj stojil awa'tel o ta scaj stojil awo'tan te yac awu'untaybe te sq'uinalique, ha ta scaj chopol ya'telic te nacionetic ini te Jehová te Dios awu'un ya stenticlan loq'uel ta atojol, soc scuenta yu'un ya sc'ohtes ta pasel te bin jc'axel la yalbe ta jamal te atatic Abraham, Isaac soc Jacob.

Génesis 8:1

Te Dios la sna' te Noé soc spisil chambahlametic, spisil bintic cuxajtic te sjoquinejic ta barco. Dios la yac' taluc ic' ta bahlumilal, hich ts'uj cohel te ha'e.

Salmos 25:7

Ma me xana'bonix te muliletic cu'un c'alal queremon to a, soc te toybahil cu'une. Hich te bin ut'il ay sc'uxul awo'tan, na'awon, Jehová, ta scuenta yutsil awo'tan.

2 Pedro 2:7

Pero la scoltay loq'uel te Lot, te toj ta winiquil, te bayel la smel yo'tan yu'un te bintic chopol la spasic te mach'atic chopol yo'tanic,

Oseas 11:8

¿Bin ut'il ya xhu' ya quihquitayat, Efraín? ¿Bin ut'il ya xhu' ya cac'at ta c'abal, Israel? ¿Bin ut'il ya xhu' te hich ya jpasbat te bin ut'il Adma, o te hich ya cac'at te bin ut'il Zeboim? Bayel ya xc'opoj co'tan, hahchemix spisil te c'uxultaywanej cu'une.

Salmos 145:20

Te Jehová ya scanantay spisil te mach'atic c'ux ya x'a'iyot yu'unic, pero ya sjinticlan spisil te mach'atic chopolique.

Salmos 136:23

Te mach'a la sna'otic te c'alal ayotic ta wocol a, como sbahtel q'uinal ay sc'uxul yo'tan;

Salmos 106:4

Na'awon, Jehová, te c'alal yac apasbe bin lec te pueblo awu'une; na'awon te c'alal yac acoltaylan,

Salmos 105:42

como la sna' te sch'ul c'op te yaloj ta stojol te Abraham te a'bat yu'une.

Nehemías 13:22

Patil la jcalbeyic te levitahetic te yacuc slecubtes sbahic soc te yacuc xtal scanantayic te puertahetic, scuenta yu'un ch'ultesbil ya xhil te sc'ahc'alel cux-o'tanil. ¡Dios cu'un, ha nix hich na'awon yu'un te bin la jpas, c'uxultayawon ta scuenta te smuc'ul sc'uxul awo'tan! xchihon ta sc'oponel Dios.

Nehemías 13:14

¡Dios cu'un, ich'bon me ta cuenta te bin la jpas, soc ma me xatup' te bintic la jpas scuenta c'uxultayel ta sna te Dios cu'un soc ta a'tel yu'une! xchihon ta sc'oponel Dios.

Génesis 30:22

Te Dios la sna' te Raquel, la ya'iybe sc'op, la yac' te ya x'alaj.

Génesis 12:2

Muc'ul nación ya xc'ohat cu'un, soc ya ca'bat bendición ta atojol, muc' ya xc'oht abihil cu'un, soc ha'at bendición ya xc'ohat.

Salmos 105:8

Spisil ora ya sna' te chapbil-c'op yu'un, ha te c'op te la yal ta mandar yu'un jmil ta caj ts'umbalil,

Génesis 11:27

Ha sts'umbal Taré ini: ha snich'nab Taré te Abram, Nacor soc Harán. Ha snich'an Harán te Lot.

Deuteronomio 7:8

Pero ha ta scaj te c'uxex ta yo'tan te Jehová soc la sc'an te la sc'ohtes ta pasel te bin jc'axel la yalbe ta jamal te ame'atatique; hich la sloq'uesex tal ta scuenta yu'el sc'ab soc la scoltayex loq'uel ta mosohil ta sc'ab faraón te ajwalil yu'un Egipto.

Deuteronomio 9:27

Na'a me te awa'bat Abraham, Isaac soc Jacob; ma me xawich'be ta cuenta te stulanil yo'tan te pueblo ini soc te sbohlil soc te smule.

Ezequiel 14:16

te teyuc ay ta yohlilic a te oxtuhl winiquetique, ho'on cuxulon, xchi te Jehová te Ajwalil, ma ba ya xhu' ya yaq'uic ta libre ni te squerem-nich'nabic o te yantsil-nich'nabique. Ha'ic nax ya xcolic stuquelic, yan te q'uinal ya xc'atp'uj ta jochol taquin q'uinal.

Job 35:8

Te bin chopol yac apas, ha nax yac awuts'in a te ants-winic te pajalat soque, soc te bin stojil yac apas, ha nax ay bin ya sta a te snich'nab winic.