Génesis 19:25 - Bible in Tzeltal Bachajón

²⁵ La slajin te pueblohetic soc spisil te spamlej, soc spisil mach'atic nahinemic tey ta pueblohetic, soc sts'unub-yawalic.

Bible in Tzeltal de Oxchuc y Tenejapa

²⁵ Jich la slajin te cha'pam lum soc spamal te stenlej xatal q'uinale, soc spisil mach'a nainemic ta lumetic soc yawal-sts'unubic.

Génesis 19:25 Referans Kwoze

Salmos 107:34

te lequil q'uinal ya sc'atp'un ta mayuc bin ya xcol a, ta scaj schopolilic te mach'atic nahinemic tey a.

Génesis 14:3

Spisil la stsob sbahic ta spamlej Sidim, ha te Mar Salado.

Génesis 13:10

Te Lot la shach sit, la yil spisil te spamlej yu'un Jordán te ay bayel ha'etic tey a, hich yilel te bin ut'il sts'unub-yawal Jehová, hich yilel te bin ut'il te sq'uinal Egipto ta stojol Zoar. Hich ay a te c'alal ma to ba sjinoj Jehová te Sodoma soc te Gomorra.

2 Pedro 2:6

Soc la ya'be castigo te pueblohetic Sodoma soc Gomorra, jc'axel la yac' tanubuc ta c'ahq'uel, ha yich'oq'uehl c'oht te mach'atic ya spasulanic te bintic chopole.

Génesis 13:12

Te Abram hil ta nahinel ta sq'uinal Canaán stuquel, yan te Lot c'oht nahinuc ta pueblohetic ta spamlej, la spasulan bahel snahilpac' ha to c'alal c'oht ta Sodoma.

Deuteronomio 29:23

Spisil te q'uinal ha azufre soc ats'am, c'ahq'uem spisil te lum, mayuc bin ya yich' ts'unel soc mayuc bin ya sitin, ni junuc ha'mal ya xch'ihy tey a, hich te bin ut'il c'oht ta pasel c'alal laj te Sodoma, Gomorra, Adma soc Zeboim, te la slajinlan te Jehová ta scuenta sc'ahc'al yo'tan soc yilimba.

Isaías 13:19

Te Babilonia, te t'ujbil perla yu'un te nacionetic, te yutsilal soc stoybahil te caldeohetic, hich ya xc'ohtic te bin ut'il Sodoma soc Gomorra te jinotic yu'un Dios.

Jeremías 20:16

Te winic ini hichuc me te bin ut'il te pueblohetic te jinotic yu'un Jehová te ma ba la sna'be yo'bolil sba. Ac'a ya'iy awetic ta sahb, soc c'op yu'un guerra ta ohlil c'ahc'al,

Jeremías 49:18

Hich te bin ut'il jihn te Sodoma, Gomorra soc te pueblohetic ta sjoyobal, xchi te Jehová, ha nix hich mayuc mach'a ya xnahin tey a, ni jtuhluc ya xnahin tey a.

Jeremías 50:40

Hich te bin ut'il jinot yu'un Dios te Sodoma soc Gomorra soc te pueblohetic ta sjoyobalic, xchi te Jehová, hich mayuc mach'a ya xnahinic tey a, ni jtuhluc mach'a ya xnahin tey a.

Lamentaciones 4:6

C'ax hich smul c'oht a te jlumal te bin ut'il te smul Sodoma, te ora nax jinot, aunque mayuc mach'a tal ta contrahinel yu'un.

Ezequiel 16:50

Nojel ta toybahil soc la spasic te bintic ilobtic sba ta jtojol; c'alal hich la jquil, la jloq'ueslan.

Amós 4:11

La jinex hich te bin ut'il la jin Sodoma soc Gomorra; hich hilat te bin ut'il xutunte' loq'uesbil tal ta c'ahc'; pero ma ba suhtex tal ta jtojol yu'un, xchi te Jehová.

Jeremías 23:14

Soc ta yohlil te jalwanejetic ta Jerusalén, quiloj bintic ilobtic sba: ya ya'iyic antsiwej soc ya ya'iyic lot, ya ya'beyic yip yo'tanic te mach'atic chopolic, scuenta yu'un mayuc mach'a ya suhtes yo'tanic yu'un te bin chopol ya spase. Hich c'ohemic ta co'tan te bin ut'il Sodoma, te mach'atic nahinemic tey a hich c'ohemic te bin ut'il Gomorra.

Sofonías 2:9

Ha yu'un, ya cal ta jamal te bin ut'il cuxulon, xchi te Jehová te scuentahinej spisil, te Dios yu'un Israel, te Moab hich ya xc'oht te bin ut'il Sodoma, soc te amonetic hich ya xc'ohtic te bin ut'il Gomorra; ha q'uinal yu'un ch'ixetic ya xc'oht soc yawil banti ya xloc' ats'am, jimbil ya xhil sbahtel q'uinal. Te mach'atic cuxulic hilel yu'un te pueblo cu'un ya me spojbeyic sbiluquic soc ya me yich'beyic te sq'uinalique.