Génesis 19:24 - Bible in Tzeltal Bachajón

²⁴ Hich te Jehová la yac' tal ta ch'ulchan azufre soc c'ahc' ta stojol Sodoma soc Gomorra.

Bible in Tzeltal de Oxchuc y Tenejapa

²⁴ Te Cajwaltic la yac' tel azufre soc c'ajc' ta ch'ulchan jich bit'il ja'al ta stojol te lum Sodoma soc te lum Gomorra.

Génesis 19:24 Referans Kwoze

Deuteronomio 29:23

Spisil te q'uinal ha azufre soc ats'am, c'ahq'uem spisil te lum, mayuc bin ya yich' ts'unel soc mayuc bin ya sitin, ni junuc ha'mal ya xch'ihy tey a, hich te bin ut'il c'oht ta pasel c'alal laj te Sodoma, Gomorra, Adma soc Zeboim, te la slajinlan te Jehová ta scuenta sc'ahc'al yo'tan soc yilimba.

Isaías 13:19

Te Babilonia, te t'ujbil perla yu'un te nacionetic, te yutsilal soc stoybahil te caldeohetic, hich ya xc'ohtic te bin ut'il Sodoma soc Gomorra te jinotic yu'un Dios.

Judas 1:7

Hich te bin ut'il te Sodoma soc Gomorra soc te pueblohetic ta sjoyobal, ha nix hich la ya'iyic chijil-o'tanil soc la spasic te bin ya scontrahin te stalel te baq'uete. Yich'oq'uehlic c'oht te bin ut'il c'ax swocolic yu'un castigo ta c'ahc' sbahtel q'uinal.

2 Pedro 2:6

Soc la ya'be castigo te pueblohetic Sodoma soc Gomorra, jc'axel la yac' tanubuc ta c'ahq'uel, ha yich'oq'uehl c'oht te mach'atic ya spasulanic te bintic chopole.

Amós 4:11

La jinex hich te bin ut'il la jin Sodoma soc Gomorra; hich hilat te bin ut'il xutunte' loq'uesbil tal ta c'ahc'; pero ma ba suhtex tal ta jtojol yu'un, xchi te Jehová.

Jeremías 50:40

Hich te bin ut'il jinot yu'un Dios te Sodoma soc Gomorra soc te pueblohetic ta sjoyobalic, xchi te Jehová, hich mayuc mach'a ya xnahinic tey a, ni jtuhluc mach'a ya xnahin tey a.

Sofonías 2:9

Ha yu'un, ya cal ta jamal te bin ut'il cuxulon, xchi te Jehová te scuentahinej spisil, te Dios yu'un Israel, te Moab hich ya xc'oht te bin ut'il Sodoma, soc te amonetic hich ya xc'ohtic te bin ut'il Gomorra; ha q'uinal yu'un ch'ixetic ya xc'oht soc yawil banti ya xloc' ats'am, jimbil ya xhil sbahtel q'uinal. Te mach'atic cuxulic hilel yu'un te pueblo cu'un ya me spojbeyic sbiluquic soc ya me yich'beyic te sq'uinalique.

Lamentaciones 4:6

C'ax hich smul c'oht a te jlumal te bin ut'il te smul Sodoma, te ora nax jinot, aunque mayuc mach'a tal ta contrahinel yu'un.

Jeremías 20:16

Te winic ini hichuc me te bin ut'il te pueblohetic te jinotic yu'un Jehová te ma ba la sna'be yo'bolil sba. Ac'a ya'iy awetic ta sahb, soc c'op yu'un guerra ta ohlil c'ahc'al,

Job 18:15

Ya xnahinic ta nahilpac' te ma ha'uquix yu'un, ya yich' puhquel asufre ta sba sna.

Oseas 11:8

¿Bin ut'il ya xhu' ya quihquitayat, Efraín? ¿Bin ut'il ya xhu' ya cac'at ta c'abal, Israel? ¿Bin ut'il ya xhu' te hich ya jpasbat te bin ut'il Adma, o te hich ya cac'at te bin ut'il Zeboim? Bayel ya xc'opoj co'tan, hahchemix spisil te c'uxultaywanej cu'une.

Jeremías 49:18

Hich te bin ut'il jihn te Sodoma, Gomorra soc te pueblohetic ta sjoyobal, xchi te Jehová, ha nix hich mayuc mach'a ya xnahin tey a, ni jtuhluc ya xnahin tey a.

Isaías 1:9

Te manchuc la yihquitaybotic jtut chahp te Jehová te scuentahinej spisil, hich c'ohotic te bin ut'il Sodoma, hich te bin ut'il Gomorra, te hichuque.

Salmos 11:6

Ta stojol te mach'atic chopolic ya me yac' cohuc tal wocoletic hich te bin ut'il ha'al; ya x'a'bot yich'ic ac'al, azufre soc c'ahc'al ic'.

San Lucas 10:12

Ya calbeyex, te c'alal ya sta sc'ahc'alel, c'ax hich castigo ya yich' a te pueblo ini te bin ut'il ya yich' te Sodoma, xchi.

Apocalipsis 14:10

ha nix hich ya me yuch' te vino scuenta yilimba Dios te mayuc scahp a ya xcohcombot ta stasahil te yilimba Dios. Ya x'a'bot swocolic ta c'ahc' soc azufre ta stojol te ch'ul a'batetic soc ta stojol te Jcolel Tuminchij.

Génesis 13:10

Te Lot la shach sit, la yil spisil te spamlej yu'un Jordán te ay bayel ha'etic tey a, hich yilel te bin ut'il sts'unub-yawal Jehová, hich yilel te bin ut'il te sq'uinal Egipto ta stojol Zoar. Hich ay a te c'alal ma to ba sjinoj Jehová te Sodoma soc te Gomorra.

Génesis 13:12

Te Abram hil ta nahinel ta sq'uinal Canaán stuquel, yan te Lot c'oht nahinuc ta pueblohetic ta spamlej, la spasulan bahel snahilpac' ha to c'alal c'oht ta Sodoma.

Génesis 18:17

La yal te Jehová: ¿Ya bal jmuc ta stojol Abraham te bin ya xbaht jpas,

Génesis 19:23

Loq'uix tal c'ahc'al a te och ta Zoar te Lot.

Éxodo 9:23

Hich te Moisés la stoy mohel te snahbate'; te Jehová la yac' tal chahwuc soc bat, soc co tal c'ahc' ta lumq'uinal. Te Jehová la yac' tal bat ta spahmal sq'uinal Egipto.

Job 1:16

Yac to ta c'op a, tal yan te hich c'oht yal: Co tal c'ahc' yu'un Dios ta ch'ulchan te la schic' te tuminchijetic soc te jcananetic yu'unic; ho'on xanix colon hilel te tal calbat awa'iy, xchi.

Isaías 30:33

Como ayix c'ahc'al chapal te Tofet, chapalix yu'un te ajwalile. Jamal soc c'ubul la yich' pasel te yawil c'ahc' yu'un, soc bayel c'ahc' soc si'. Te yic'al Jehová ya schic' te si' hich te bin ut'il bayel azufre te ya xmal bahel.

Deuteronomio 28:24

Te Jehová ya me yac' cohel tal ts'ubil lum soc hi' scuenta sjelol ha'al ta aq'uinal; ya me xco tal ta ch'ulchan ha to c'alal ya xch'ayat bahel.

Deuteronomio 29:22

Te jaycaj xan awal-anich'nab te ya xchicnaj ta patil, soc te jyanlum te ya xtal ta namal q'uinal, ya me yilic te bintic wocol c'oht ta q'uinal soc te chameletic te a'bot yu'un te Jehová.

Jeremías 23:14

Soc ta yohlil te jalwanejetic ta Jerusalén, quiloj bintic ilobtic sba: ya ya'iyic antsiwej soc ya ya'iyic lot, ya ya'beyic yip yo'tanic te mach'atic chopolic, scuenta yu'un mayuc mach'a ya suhtes yo'tanic yu'un te bin chopol ya spase. Hich c'ohemic ta co'tan te bin ut'il Sodoma, te mach'atic nahinemic tey a hich c'ohemic te bin ut'il Gomorra.