Génesis 19:17 - Bible in Tzeltal Bachajón

¹⁷ C'alal loq'uix bahel ta fuera yu'unic a, la yalbeyic: Loc'anic ta ahnel yu'un te acuxlejal, ma me xasut asit ta apat soc ma me ayuc banti ya xhalajat ta spamlej ini; bahan ta ahnel ta witsiltic scuenta yu'un ma ba ya xlajat a, xchihic.

Bible in Tzeltal de Oxchuc y Tenejapa

¹⁷ C'alal loq'uix bael yu'unic a, la yalbey mandal: —Anan me bael, ma me xasujt'es aba ta yilel, soc ma me xjalajat ta spamlej. Anan bael ta witstiquil, teme ma x'ac'an ya xlajate —xiic.

Génesis 19:17 Referans Kwoze

San Lucas 9:62

Mayuc mach'a te stsacoj arado te ya yil suhtel ta spat te ya xtuhun te banti ay te cuentahinel yu'un Dios, xchi te Jesuse.

Génesis 19:26

Pero te yihnam te Lot la sut sit ta spat, hich c'atp'uj ta teq'uel bahlal ats'am.

Génesis 19:22

Suja aba, bahan me ta ahnel tey a, yu'un mayuc bin ya xhu' ya jpas ha to teme ya xc'ohat tey a, xchi. (Ha scuentahil te Zoar c'oht sbihil te pueblo.)

San Mateo 3:7

C'alal la yil te Juan te tal tsobol fariseohetic soc saduceohetic ta banti yac yac'bel ich'-ha', hich la yalbe: ¡Ha'ex sts'umbalex ti'awal chanetic! ¿mach'a la yalbeyex te ya me x'ahnex bahel ta stojol te ilimba talel yac?

Jeremías 48:6

¡Ahnanic bahel, coltaya acuxlejalic, hichuquex te bin ut'il ch'ix ta jochol taquin q'uinal!

1 Reyes 19:3

Te Elías la xi', hich baht ta ahnel ta scoltayel scuxlejal, baht ta Beerseba te ay ta sq'uinal Judá, tey la yihquitay a te ya'bate.

Génesis 13:10

Te Lot la shach sit, la yil spisil te spamlej yu'un Jordán te ay bayel ha'etic tey a, hich yilel te bin ut'il sts'unub-yawal Jehová, hich yilel te bin ut'il te sq'uinal Egipto ta stojol Zoar. Hich ay a te c'alal ma to ba sjinoj Jehová te Sodoma soc te Gomorra.

Salmos 121:1

Ya quil bahel te witsiltic. ¿Banti ya xtal te coltayel cu'une?

1 Samuel 19:11

Te Saúl la sticon bahel winiquetic ta yilel ta sna te David yu'un ya smilic ta sab. Pero te Mical te yihnam, la yalbe te David: Teme ma ba yac acoltay aba ta ahc'abal ini, pajel lajematix a, xchi.

Génesis 18:22

Loq'uic bahel tey a te winiquetic, bahtic ta stojol Sodoma: pero te Abraham teq'uel hil ta stojol Jehová stuquel.

Hebreos 2:3

¿bin ut'il c'an ahnucotic loq'uel teme ma ba ya quich'tic ta cuenta te muc'ul colele? Te colel ini, te nahil halbot sc'oblal yu'un te Cajwaltic, la yalbotic te melel te mach'atic la ya'iyic,

Génesis 14:10

Ta spamlej Sidim ay bayel pozohetic yu'un chapapote. Te c'alal loq'uic ta ahnel te ajwaliletic yu'un Sodoma soc yu'un Gomorra, ay mach'atic ch'ayic ochel tey a, te yantique ahnic bahel ta wits.

Génesis 19:18

Pero te Lot la yalbe: Ma'uc, awocoluc, jtatiquetic.

Génesis 19:30

Te Lot la xi' te ya xnahin ta Zoar, ha yu'un baht ta nahinel ta witsiltic soc te cha'tuhl yantsil-nich'nab. Nahin ta ch'en soc te cheb yantsil-nich'nab.

Números 16:26

Hich la yalbe te pueblo: Loc'anic bahel ta stojol te snahilpaq'uic te bohl winiquetic ini, soc ma xapicbeyic te bin ay yu'unic, scuenta yu'un ma ba ya xlajex ta scuenta spisil te smulique, xchi.

1 Reyes 1:12

La' me hiche, ay bin ya calbat awa'iy scuenta yu'un ya xcuxajat soc te awal Salomón.

San Lucas 12:23

Te cuxlejalil c'ax hich sc'oblal a te bin ut'il te we'elil; soc te baq'uet c'ax hich sc'oblal a te bin ut'il te c'u'ul.