Génesis 18:8 - Bible in Tzeltal Bachajón

⁸ Patil la yich' tal queso soc leche soc te alal wacax te pasbilix, la spahchambe swe'ic. La sjoquin ta we'el ta ye'tal te'.

Bible in Tzeltal de Oxchuc y Tenejapa

⁸ Soc la yich' tel queso soc leche, soc te alal wacax te la yich' chajbanel yu'une, la spajch'anbey swe'ic. Soc la stejc'an sba ta nopol ta yet'al te', ochic ta we'el.

Génesis 18:8 Referans Kwoze

Génesis 19:3

Pero te bin ut'il ma ba laj yo'tan ta c'op te Lot ta stojolic, bahtic soc ta sna. La spasbe we'elil, la spas pan te ma ba yich'oj levadura, hich we'ic.

Apocalipsis 3:20

Ilawil, teq'uelon ta ti'nahil, yacon ta c'op; teme ay mach'a ya ya'iybon jc'op soc ya sjambon te ti'nahil, ya x'ochon, ya joquin ta we'el soc ya sjoquinon ta we'el.

Gálatas 5:13

Ha'ex, quermanotac, ic'bilex scuenta yu'un libre ya x'ayinex; pero ma yu'unuc libre ayex ta spasel te bin ya smulan abaq'uetalic; ha me ya sc'an te talel c'axel yac awa'batin abahic ta scuenta sc'uxul awo'tanic.

Hechos 10:41

ma ha'uc yu'un spisil te pueblo, ha nax te testigohetic te nahil tsahbilic yu'un Dios, ho'otcotic te la joquincotic ta we'el ta uch'el te c'alal cha'cuxajemix tal ta yohlil mach'atic chamenic.

San Juan 12:2

La yiq'uic ta we'el tey a te Jesús; la ya'iy mac'linwanej te Marta, yan te Lázaro ay ta mesa soc Jesús soc te yantique.

San Lucas 24:43

La stsac te Jesús, la swe' ta scomonsitic.

San Lucas 24:30

Te Jesús, c'alal ay ta mesa soc, la stsac te pan, la yalbe wocol Dios yu'un, la xet' soc la spucbe.

San Lucas 17:8

¿Ma bal hichuc ya yalbe: Chahpambon jwe'el, chuca ach'uht, c'asesbon tal ta mesa, ha to teme laj co'tan ta we'el uch'el, patil ya xwe' x'uch'at te ha'ate, ma bal xchihuc?

San Lucas 12:37

Bayel me yutsil te a'batetic te wiq'uil sitic ta mahlab a ya xhulic ta tahel yu'un te yajwalique. Jamal ya calbeyex, ya me schahpan sba soc ya me x'ac'otic ta we'el ta mesa yu'un te yajwalic, soc ya me xtal yac' sba ta a'batinel yu'unic.

Nehemías 12:44

Ta hich ora ay winiquetic la yich' a'beyel ya'telic ta scuentahinel te yawil mahtaniletic, sba sit awal-ts'unubil soc te jun ta slajunebal, yu'un ya yich'ic q'uejel tey a te bintic ya yich'ic tal ta pueblohetic te ya yich'ic a'beyel te sacerdotehetic soc te levitahetic te hich ya yal te Ley. Como te mach'atic yu'un Judá mero tse'el yo'tanic ta stojol te sacerdotehetic soc te levitahetic te yaquic ta a'tele.

Jueces 13:15

Ha yu'un te Manoa la yalbe te ch'ul a'bat yu'un Jehová: Awocoluc, ma to xbahat, ya jchahpambatcotic jcohtuc tensun, xchi.

Jueces 5:25

Te Sísara la sc'an yuch' ha', pero te Jael la ya'be yuch' leche; la ya'be crema ta t'ujbil taza yu'un mach'a ich'bilic ta muc'.

Deuteronomio 32:14

la ya'be swe' mantequilla yu'un wacaxetic soc leche yu'un me' tuminchijetic, te sjuhp'el jcolel tuminchijetic soc tat tuminchijetic yu'un Basán soc tat tentsunetic, buen lequil trigo, soc la awuch' vino te ha sch'ich'el te ts'usube.

Génesis 18:7

Te Abraham ahnimal baht ta banti ay te wacaxetic, la stsac jcoht alal wacax te tut soc lec, la ya'be te ya'bat te la schahpan ta ora.

Génesis 18:9

La sjoc'oyic: ¿Banti ay te awihnam Sara? xchihic. Ay ta nahilpac', xchi.

Isaías 7:15

Ya me slo' tatuben leche soc chab te c'alal ya sna' stsahtayel te bin ma lecuc soc te bin leque.

Isaías 7:22

hich ya slo' tatuben leche ta scaj te bayel leche ya yaq'uic. Te mach'atic cuxul ya xhilic ta q'uinal ya me swe'ic tatuben leche soc chab.