Génesis 18:32 - Bible in Tzeltal Bachajón

³² La yalbe xan: Ma me x'ilinat, Cajwal, teme ya jc'oponat jun xan buelta: ¿Ha xan teme ay lajuntuhl (10) tey a? xchi. Halbot yu'un: Ma ba ya jlajin ta scaj te lajuntuhl (10), xchi te Jehová.

Bible in Tzeltal de Oxchuc y Tenejapa

³² La yalbey xan: —Ma me x'ilinat te ja'at Cajwal, teme ya jc'oponat jun xan buelta: ¿Ja'xan teme ay nax lajuntul ya atae? —xi'. Albot yu'un: —Ta scaj te lajuntule, ma ba ya cac' lajuc —xi'.

Génesis 18:32 Referans Kwoze

Jueces 6:39

Pero te Gedeón la yalbe te Diose: Ma me xtihl awilimba ta jtojol teme ya jc'oponat xan: ya jpas jun xan prueba quil soc te stsotsel tuminchij. Awocoluc, taquin ac'a hiluc te stsotsel, ac'a cohuc ta lum te ts'ujule, xchi.

San Mateo 7:7

C'anahic, hich me ya x'a'botex. Lehahic, hich me yac atahic ta lehel. C'opojanic, hich me ya xjambotex.

Efesios 3:20

Te Mach'a te ha ta scuenta yu'el te c'ax hich ya xhu' yu'un spasel ta jtojoltic a te bin ya jc'ambetic o te ya xtal ta co'tantic,

Miqueas 7:18

¿Mach'a yan Dios te pajalat soc, te ya spas perdón yu'un te bin chopol, soc te ya sch'ay ta yo'tan te smul te mach'a cuxul hil yu'un te mach'atic ay yu'une? Ma spisiluc ora ay yilimba, como ya smulan te ya ya'iy c'uxultaywanej.

Isaías 65:8

Hich ya yal te Jehová: C'alal ay mach'a ya sta ya'lel ta jchej sit ts'usub, hich ya yal: Ma me xawixtalan, como ay bendición tey a, xchi, hich nix ya jpas ho'on ta stojol te a'batetic cu'un, ma ba ya jin spisilic.

Proverbios 15:8

Te Jehová ya yihlay te chic'bil mahtanil ya yaq'uic te mach'atic chopol yo'tanic, pero lec yo'tan yu'un te mach'atic toj yo'tanique.

Salmos 86:5

Como ha'at, Cajwal, lec awo'tan soc jpas-perdonat, c'ax bayel sc'uxul awo'tan ta stojol spisil te mach'atic ya yalbat wocol.

Job 33:23

Pero teme ay jtuhl ch'ul a'bat ta sts'ehl te winic, te mach'a ya xc'opoj yu'un, jtuhl ta yohlil jmil, te ya yalbe te winic te bin lec ya sc'an ya spas,

Éxodo 32:14

Ha yu'un te Jehová la suhtes yo'tan yu'un te bin chopol yaloj te ya spasbe te pueblo yu'une.

Génesis 18:30

Te Abraham la yalbe xan: Ma me x'ilinat, Cajwal, teme ya jc'oponat xane. ¿Ha xan teme ay lajuneb scha'winic (30) ta tuhl tey a? xchi. Ma ba ya jpas teme ay lajuneb scha'winic (30) ta tuhl ya jta tey a, xchi te Jehová.

Génesis 18:31

Te Abraham la yalbe xan: Mero hahchemonix ta c'op soc te Cajwal: ¿Ha xan teme ay jtahb (20) ta tuhl tey a? xchi. Ma ba ya jlajin ta scuenta te jtahb (20) ta tuhl, xchi te Jehová.

Génesis 44:18

Ha yu'un te Judá nohpoj tal ta stojol, hich la yalbe: Ay, cajwal, awocoluc, ac'a sc'oponat ta achiquin te a'bat awu'un, ma me xawilintay te awa'bate, como te ha'ate pajal c'ohemat soc faraón.

Jeremías 5:1

Behenanic ta callehetic yu'un Jerusalén, ila me awilic ta lec, nopa awa'iyic, lehahic ta plazahetic; teme yac atahic jtuhluc te ya spas te bin toj, te ya sle te bin smelelil, yu'un ya jpasbe perdón.