Génesis 18:25 - Bible in Tzeltal Bachajón

²⁵ Ma hichuc ay ta pasel awu'un te pajal yac awac' lajuc soc te mach'a chopol yo'tan te mach'a toj yo'tan, te pajal bin ya xc'oht ta stojol te mach'a toj yo'tan soc te mach'a chopol yo'tan. ¡Mayuc bin ora te hich yac apas! Te Jchahpanwanej yu'un swohlol te bahlumilal ¿ma bal ha'uc ya spas te bin toj ta pasele? xchi.

Bible in Tzeltal de Oxchuc y Tenejapa

²⁵ Ma niwan jichuc ya apas te pajal ya amil te mach'atic ma'yuc smulic soc te mach'atic ay smulique, ma niwan jichuc awo'tan te pajal c'oem sc'oplalic awu'un. ¿Ma bal lecuc ya yaiy chajbanwanej te Mach'a swentainej chajbanwanej ta spamal te balumilale? —xi'.

Génesis 18:25 Referans Kwoze

Job 8:3

¿Ya bal showiytes Dios te bin toj ay, o ya bal showiytes te stojil chahpanel te Mach'a ya xhu' yu'un spisil?

Job 8:20

Te Dios ma ba ya sp'aj te mach'a toj, soc ma ba ya scoltay te mach'a chopol.

Salmos 58:11

Hich me ya yal te winiquetic: Melel nix a ay spremio te mach'a toj yo'tan; melel ay Dios te stojil ya xchahpanwan ta q'uinal, xchihic.

Deuteronomio 32:4

Ha Muc'ul Ton stuquel, c'ax lec te ya'tel, como toj spisil te behetic yu'une. Ha Dios te stalel jun yo'tan soc mayuc schopolil; ha toj soc lec stuquel.

Salmos 94:2

¡Hahchan, Jchahpanwanejat yu'un te bahlumilal; a'beya stojol te mach'atic stoyoj sbahique!

2 Corintios 5:10

como jpisiltic ya me xc'ohotic ta chahpajibal yu'un Cristo, scuenta yu'un jujutuhl ya yich' stojol, ha chican bin la spas te c'alal ay to ta sbaq'uetal a, teme lec o teme ma lecuque.

Malaquías 3:18

Ha yu'un ya me ana'ic yan buelta te yan yilel te mach'a lec yo'tan soc te mach'a chopol yo'tan, te mach'a ya yac' sba ta a'batinel yu'un Dios soc te mach'a ma ba ya yac' sba ta a'batinel yu'une.

Salmos 98:9

ta stojol te Jehová, yu'un ya xtal schahpan te bahlumilale. Stojil me ya schahpan te bahlumilal, pajal me ya schahpan te pueblohetique.

Jeremías 12:1

Toj te bin yac apas, Jehová, te c'alal ya calbat te bin ut'il ayon. Pero ay bin ya joc'obat: ¿Bin yu'un te lec ya xc'oht ta loq'uel te mach'atic chopolic, soc te lec ayic te j'ac'awetic ta c'abal?

Eclesiastés 7:15

Ta spisil ini quilojix te jayeb c'ahc'al cuxulon te mayuc scuentahil te jcuxlejale: ay mach'a toj yo'tan te ch'ay bahel aunque toj yo'tan, soc ay mach'a chopol yo'tan te bayel ha'bil cuxaj aunque chopol yo'tan.

Hebreos 12:23

ta banti stsoboj sbahic te ba-nich'aniletic te ts'ihbabil sbihilic ta ch'ulchan. Nohpojemex ta stojol Dios, te Jchahpanwanej yu'un spisilic, ta stojol te espírituhetic yu'un te mach'atic toj bin la spasic te ts'acal pasotic ta toj,

Génesis 18:24

¿Ha xan teme ay lajuneb yoxwinic (50) ta tuhl tey a te toj yo'tanic, ya bal alajin, ma bal yacuc apasbe perdón te pueblo ta scuenta te lajuneb yoxwinic (50) ta tuhl tey a te toj yo'tanic?

Deuteronomio 1:16

Soc hich la jcalbe mandar te juecetic awu'unic: Ya me awa'iyic te c'op ay ta yohlil te awermanotac, stojil me xachahpanic te winic soc yermano, o soc jyanlum.

Deuteronomio 1:17

Ma me tsahbiluc awu'unic te mach'a ya xtal ta chahpanel, pajal me xawa'iybeyic sc'op te mach'a peq'uel soc te mach'a muc' sc'oblal. Ma me ayuc mach'a yac axi'ic, como ha yu'un Dios te chahpanele. Te c'op te chuhcul yac awa'iyic ya me awich'ic tal ta jtojol, ho'on ya chahpan, xchihon.

Jueces 11:27

Ha yu'un mayuc jmul ta atojol, pero te ha'ate chopol bin yac apas yu'un te yac awa'bon guerra. Te Jehová, te ha juez stuquel, ac'a schahpan yo'tic te snich'nab Israel soc te snich'nab Amón, xchi te Jefté.

2 Crónicas 19:7

Ha yu'un, ich'ahic ta muc' te Jehová, tsahtayahic te bin yac apasic, como te Jehová te Dios cu'untic ma ha'uc te ma tojuc ya xchahpanwan, ma tsahbiluc nax mach'a ya sc'uxultay soc mayuc chahpanel yu'un ta scuenta taq'uin, xchi.

Nehemías 9:33

Pero te ha'at, toj awo'tan yu'un spisil te bintic c'oht ta jtojolcotic; como toj bin la apas, yan te ho'otcotic chopol bin jpasojcotic.

Job 34:10

Ha yu'un winiquex te ay ap'ijilic, a'iybon me awa'iyic jc'op: ¡Te Diose, jc'axel mayuc mulil ta scuenta, te Mach'a spisil ya xhu' yu'un ma ba ya spas te bin ma stojiluc!

Eclesiastés 3:17

Hich la jcal ta co'tan: Dios ya schahpan te mach'a toj yo'tan soc te mach'a chopol yo'tan, como ay yorahil spisil bin ya sc'an soc ay yorahil spisil bintic ay ta pasel, xchihon.

Jeremías 11:20

Pero, ha'at Jehová te acuentahinej spisil, te stojil yac achahpan, te yac atsahtaybe yo'tan soc te bin snopoj, a'bon quil te yac awac'ticlambe spacol, como cac'oj ta atojol te bin ut'il ayone.

Ezequiel 18:25

Teme hich yac awalic: Ma stojiluc te be yu'un te Cajwaltic, teme xchihexe, a'iya awa'iy, sna Israel: ¿Ma bal stojiluc te be cu'une? ¿Ma bal ha'uc te ma tojuc te behetic awu'unique?

Números 16:22

Pero te Moisés soc Aarón la spahcan sbahic c'alal ta lum, hich la yalic: ¡Diosat, Diosat yu'un te scuxlejal spisil ch'ich'-baq'uet! ¿ma bal jtuhluc nax winic te la sta smul? ¿Bin yu'un ilinat ta stojol spisil te pueblo? xchihic.

1 Crónicas 16:33

Hich ya xc'ayojinic ta stojol Jehová te te'etic te ayic ta montaña, yu'un ha ya xtal schahpan te bahlumilale.

Job 34:12

Ta mero melel, te Dios ma ba ya spas te bin ma stojiluc, te Mach'a spisil ya xhu' yu'un ma ba ya sjin te bin toj ta pasel.

Salmos 7:12

Teme ma suhtes yo'tan, ha ya shuxbe ye te espada yu'une; snitojix te st'ihmalte', chapalix yu'un.

Salmos 50:6

¡Te ch'ulchan ya me yal ta jamal te toj bin ya spas, como ha jchahpanwanej te Diose! Selah

Salmos 75:3

Te c'alal ya xnihc te lumq'uinal soc te mach'atic nahinemic tey a, ho'on ya ca'be yip te yich'o-ipique. Selah