Génesis 18:23 - Bible in Tzeltal Bachajón

²³ Nohpoj xan bahel te Abraham, hich la yal: ¿Pajal bal yac awac' lajuc soc mach'a chopol yo'tan te mach'a toj yo'tan?

Bible in Tzeltal de Oxchuc y Tenejapa

²³ Noptsaj xan bael te Abraham, jich la sjojc'obey: —¿Pajal bal ya awac' lajuc soc mach'a amen yo'tan te mach'a toj yo'tane?

Génesis 18:23 Referans Kwoze

Números 16:22

Pero te Moisés soc Aarón la spahcan sbahic c'alal ta lum, hich la yalic: ¡Diosat, Diosat yu'un te scuxlejal spisil ch'ich'-baq'uet! ¿ma bal jtuhluc nax winic te la sta smul? ¿Bin yu'un ilinat ta stojol spisil te pueblo? xchihic.

2 Samuel 24:17

C'alal la yil David te ch'ul a'bat te yac ta slajinel te pueblo, hich la yalbe te Jehová: Ho'on la jta jmul, ho'on la jpas te bin chopole. ¿Bin la spasic te ants-winiquetic ini? Ya calbat wocol te ha'uc ya xc'oht ac'ab ta jtojol soc ta stojol te sna te jtate, xchi.

Génesis 20:4

Pero te Abimelec ma to ba stahoj sba soc, ha yu'un la yal: Cajwal, ¿ya bal amil te mach'a mayuc smul?

Hebreos 10:22

Ha yu'un jun co'tantic ac'a nohpojucotic bahel ta stojol Dios soc lec sch'uhunel co'tantic, pocbiluc me loq'uel spisil sbohlil co'tantic soc pocbiluc ta lequil ha' te jbaq'uetaltique.

Job 34:17

¿Ya bal ya'iy cuentahinwanej te mach'a ya sp'aj te bin toj? ¿Ya bal awalbe smul te Mach'a toj soc te ay yu'el,

Génesis 18:25

Ma hichuc ay ta pasel awu'un te pajal yac awac' lajuc soc te mach'a chopol yo'tan te mach'a toj yo'tan, te pajal bin ya xc'oht ta stojol te mach'a toj yo'tan soc te mach'a chopol yo'tan. ¡Mayuc bin ora te hich yac apas! Te Jchahpanwanej yu'un swohlol te bahlumilal ¿ma bal ha'uc ya spas te bin toj ta pasele? xchi.

Jeremías 30:21

Ya xloc' ta yohlilic te príncipal yu'unic, tey nix ya xloc' tal ta yohlilic a te ajwalil yu'unique. Ya cac' te ya xnohpoj tal ta jtojol, hich ya xtal ta jtojol, como ¿mach'a ya c'an nohpojuc tal ta jtojol ta stuquel nax? xchi te Jehová.

Salmos 73:28

Pero te ho'one, lec te nopol ayon ta stojol Dios. La jcac' te ha smuc'ul co'tan te Cajwaltic Jehová, ya calbe sc'oblal spisil bintic apasoj.

Job 8:3

¿Ya bal showiytes Dios te bin toj ay, o ya bal showiytes te stojil chahpanel te Mach'a ya xhu' yu'un spisil?

Santiago 5:17

Te Elías pajal mayuc quiptic soc, pero tulan la sc'opon Dios yu'un te manchuc ya xtal ha'al, hich ma ba tal ha'al ta bahlumilal j'ohlil schaneb ha'bil.

Santiago 5:16

Talel c'axel halbeya abahic te amulique, soc talel c'axel c'opombeya abahic Dios, scuenta yu'un hich me ya xlecubex ta chamel a. Te ya sc'opon Dios te mach'a toj yo'tan, ay yu'el soc bayel bin ya xc'oht ta pasel yu'un.

Génesis 18:24

¿Ha xan teme ay lajuneb yoxwinic (50) ta tuhl tey a te toj yo'tanic, ya bal alajin, ma bal yacuc apasbe perdón te pueblo ta scuenta te lajuneb yoxwinic (50) ta tuhl tey a te toj yo'tanic?

Éxodo 23:7

Namaluc me ya xhil awu'un te lotil c'op, soc ma me xawac' ta milel te mach'a mayuc smul soc te mach'a toj yo'tan, como ma ba ya cal te mayuc smul te mach'a chopole.