Génesis 18:19 - Bible in Tzeltal Bachajón

¹⁹ Como ya jna' te ya me spas ta mandar te yal-snich'nab soc te mach'atic ay yu'un ta patil te ya me st'unic te be yu'un Jehová, ha te ya spasic te bintic toj soc te bintic lec ta pasel, scuenta yu'un te Jehová ya yac' c'ohtuc ta pasel ta stojol Abraham te bin yalbeyej ta jamal.

Bible in Tzeltal de Oxchuc y Tenejapa

¹⁹ Melel tsabil cu'un te ya me spas ta mandal yal-snich'nab soc te mach'atic ay yu'un ta patil bael, te ya spasic spisil te bitic ya cac'bey snopique, te ya me spasic spisil te bitic lec soc te bitic toj ta pasele, swenta yu'un jich me ya jc'otes ta pasel te bila calojbey sc'oplal ta jamale”, xi' ta yo'tan.

Génesis 18:19 Referans Kwoze

2 Timoteo 3:15

soc te ta awalalil to ana'oj bin ts'ihbabil ta sch'ul Shun Dios, te ha ya xhu' ya ya'bat ap'ijil scuenta colel ta scuenta sch'uhunel awo'tan ta stojol Cristo Jesús.

Efesios 6:4

Ha'ex te sme'statex, ma me xawac' bohlobuc yo'tan te awal-anich'nabique; coltesahic ta scuenta te tojobtesel soc te tsitsel yu'un te Cajwaltique.

2 Timoteo 2:19

Pero stalel ay te yich'o-ip yu'un Dios soc yich'oj te sellohil ini: Te Cajwaltic ya sna'be sba te mach'atic yu'une, xchi, soc: Ihquitayahic te bin chopol spisil mach'atic ya yich'ic ta muc' sbihil te Cristo, xchi.

1 Timoteo 3:12

Te diáconohetic ya sc'an te jtuhl nax yihnam, soc te ya sna'ic scuentahinel ta lec te yal-snich'nabic soc mach'atic ay yu'un ta sna.

Proverbios 22:6

Nohptesa te alal ta stojil be, aunque mamalix, ma ba ya yihquitay hilel.

1 Crónicas 28:9

Soc ha'at, jnich'anat Salomón, na'a me te Dios yu'un te atate, ac'a aba ta a'batinel ta stojol ta spisil awo'tan soc ta sc'anojel awo'tan; como te Jehová ya yilbe yo'tanic spisilic soc ya sna' spisil te bintic ya snopic ta yo'tanic. Teme yac ale, yac ata ta lehel; yan teme yac awihquitay, ha ya sch'ayat hilel sbahtel q'uinal.

Josué 24:15

Teme ma lecuc yac awa'iyic te yac awac' abahic ta a'batinel yu'un Jehová, tsaha mach'a yac awac' abahic ta a'batinel yu'un: teme ha te diosetic te la yac' sbahic ta a'batinel yu'un te ame'atatic ta jehch te muc'ul-ha', o ha te diosetic yu'un te amorreohetic te banti nahinemexix ta sq'uinalique; pero te ho'on soc te mach'atic ay cu'un ya cac' jbahcotic ta a'batinel yu'un te Jehová, xchi te Josué.

Deuteronomio 32:46

hich la yalbe: Ac'a ta awo'tanic spisil te bin yac calbelex ta ora ini, scuenta yu'un yac apasic ta mandar te awal-anich'nabic te tsahtaybiluc me ya spasic spisil te bin ya yal te mandariletic ini.

Salmos 34:15

Te sit Jehová ay ta stojol te mach'atic toj yo'tanic, ts'ehel schiquin ta ya'iybeyel yawic.

Salmos 11:4

Te Jehová ay ta ch'ul Templo yu'un; ay ta ch'ulchan te smuc'ul-huctajib Jehová. Ya yil ta lec te ants-winiquetic, ya stsahtay yil ta sit.

Job 1:5

Ta jujun buelta te ya xlaj te q'uin yu'unic, te Job ya sticon ta iq'uel soc ya slecubtesbe sc'oblalic. Ya xhahch ta sab, ya yac' scohtol chic'bil mahtaniletic ta scuenta jaytuhlic, yu'un hich ya yal te Job: Ay wan la sta smulic te jnich'nab soc ay wan la slabanic Dios ta yo'tanic, xchi. Hich la spasulan ta spisil ora.

2 Timoteo 1:5

Ya xtal ta co'tan te sch'uhunel awo'tan te melel ay ta awo'tan, te nahil ay ta yo'tan te achuchu'me'el Loida soc ta yo'tan te anan Eunice, soc ya jna' te ha nix hich ay ta awo'tan.

Hechos 27:31

Pero te Pablo la yalbe te capitán-soldado soc te soldadohetic: Ma xhu' ya xcolex teme ma ba ya xhilic ta barco te winiquetic ini, xchi.

San Juan 10:14

Ho'on te lequil jcanan-tuminchijon; ya jna'ticlambe sba te tuminchijetic cu'un, soc te tuminchijetic cu'un ya sna'bonic jba,

Isaías 38:19

Te mach'a cuxul, te mach'a cuxul, ha ya yalbat lec ac'oblal, hich te bin ut'il yacon ta spasel ta ora ini. Te tatiletic ya yalbeyic te snich'nabic sc'oblal te stalel jun awo'tane.

Salmos 1:6

Como te Jehová ya scanantaybe sbe te mach'atic toj yo'tanic, yan te sbe te mach'atic chopol yo'tanic ya yac' te ch'ayel ya xbahtic.

2 Samuel 7:20

¿Bin xan c'an yalbat David ta atojol? Ha'at ana'beyej sba te a'bat awu'un, Cajwal Jehová.

San Juan 21:17

Joc'obot xan ta yoxebal buelta: Simón, snich'an Jonás, ¿c'uxon bal ta awo'tan? xchi. Te Pedro la smel yo'tan yu'un te yoxebalix buelta te joc'obot: ¿C'uxon bal ta awo'tan? te xchihe. Ha yu'un hich la yal: Cajwal, ana'oj spisil; ana'oj te c'uxat ta co'tan, xchi. Halbot yu'un te Jesús: Mac'limbon te tuminchijetic cu'une.

Amós 3:2

Ta yohlil spisil te pueblohetic ta bahlumilal; ha'ex nax atuquelic te la jtsahex ha yu'un ya ca'beyex castigo yu'un spisil te bin chopol apasojique.

Génesis 12:2

Muc'ul nación ya xc'ohat cu'un, soc ya ca'bat bendición ta atojol, muc' ya xc'oht abihil cu'un, soc ha'at bendición ya xc'ohat.

Génesis 12:3

Ya ca'be bendición te mach'a ya ya'bat bendición, soc ya jbohlobtesbe sc'oblal te mach'a ya sbohlobtesbat ac'oblal. Soc ha'at ta acuenta ya me yich' bendición spisil ants-winiquetic ta bahlumilal, xchi sc'oblal.

Génesis 17:9

Hich halbot xan yu'un Dios te Abraham: Ya me ach'uhun spasel te chapbil-c'op cu'un, ha'at soc ats'umbal ta cajalcaj bahel.

Génesis 22:18

Ta scuenta ats'umbal ya x'a'bot bendición spisil nacionetic ta swohlol bahlumilal, yu'un te la ach'uhumbon te jc'ope, xchi.

Génesis 35:2

Hich te Jacob la yalbe te mach'atic ay yu'un ta sna soc spisil te mach'atic sjoquinejic: Loq'uesahic te jyanlum diosetic te ay ta awohlilic, poca abahic soc jeltaya ac'u'ic.

2 Samuel 22:22

Como la jcanantay te behetic yu'un, ma ba howiyon bahel ta spasel bin chopol ta stojol te Dios cu'une.

Nehemías 9:7

Ha'at, Jehová, te Dios te la stsa te Abram, la awic' loq'uel tal ta Ur yu'un te caldeohetic soc la awa'be sbihilin Abraham.

Levítico 14:42

Ya yich'ic tal yan tonetic yu'un sjelol te tonetic la yich'ticlan loq'uesel, soc yach'il slumil ya yich' maquel xan a te nahe.

Jueces 13:12

Ha yu'un te Manoa la sjoc'obe: Te c'alal ya xc'oht ta pasel te bin la awal, ¿bin yilel scuxlejal ya xc'oht te querem, soc bin ya sc'an ya jpasbecotic? xchi.

2 Crónicas 14:3

La sloq'ueslan te scajtajib ta chiq'uel mahtaniletic yu'un yantic diosetic soc te toyol awilaletic; la swuyticlan te ch'ul tonetic soc la slajin te loc'ombahetic yu'un Asera;

San Mateo 25:17

Ha nix hich te mach'a a'bot cheb talento, cheb xan talento jolon yu'un.