Génesis 18:18 - Bible in Tzeltal Bachajón

¹⁸ te bin ut'il muc'ul nación ya xc'oht te ay bayel yip, soc te bin ut'il spisil te nacionetic ta bahlumilal ya x'a'bot bendición ta scuenta?

Bible in Tzeltal de Oxchuc y Tenejapa

¹⁸ te melel muc'ul lum ya xc'ot sts'umbal, soc ich'bil ta muc' ya xc'ot. Spisil ta jchajp nacionetic ya me x'ac'bot bendición ta swenta Abraham.

Génesis 18:18 Referans Kwoze

Gálatas 3:8

Te Shun Dios, te bin ut'il nahil yiloj te toj ya x'ilotic yu'un Dios te jyanlumetic ta scuenta sch'uhunel yo'tanic, nahil la yalbe te Abraham te lec yach'il c'op, te hich la yal: Ya me x'a'bot bendición spisil nacionetic ta acuenta, te xchi sc'oblale.

Génesis 26:4

Ya cac' p'ohluc ats'umbal hich yipal te bin ut'il eq'uetic ta ch'ulchan, soc ya ca'be sq'uinalin ats'umbal spisil te q'uinal ini. Ta scuenta ats'umbal ya x'a'botic bendición spisil nacionetic ta bahlumilal,

Gálatas 3:14

scuenta yu'un ta scuenta Cristo Jesús ya xc'oht ta stojol te jyanlumetic te bendición yich'oj te Abraham, scuenta yu'un ta scuenta sch'uhunel co'tantic ya xhu' ya quich'tic te Espíritu te yaloj Dios te ya ya'botique.

Efesios 1:3

Bayeluc me yutsil sc'oblal Dios te Stat te Cajwaltic Jesucristo, te ha ta scuenta Cristo ya'beyejotic spisil ta chahp bendicionetic te ayic ta ch'ulchan.

Salmos 72:17

Ac'a ayinuc spisil ora te sbihile; ac'a halajuc te c'alal ay te c'ahc'ale. Spisil te nacionetic ac'a yich'ic bendición ta scuenta, ac'a yalbeyic lec sc'oblal.

Génesis 28:14

Hich yipal ats'umbal ya xc'oht te bin ut'il ts'ubil lum, soc ya jpucat bahel ta stojol smahlib c'ahc'al, ta stojol banti ya xloc' tal c'ahc'al, ta stojol norte, soc ta stojol sur; soc ya x'a'bot bendición spisil ants-winiquetic ta swohlol bahlumilal ta acuenta soc ta scuenta ats'umbal.