Génesis 18:14 - Bible in Tzeltal Bachajón

¹⁴ ¿Ay bal bin wocol ta pasel ya ya'iy te Diose? Ya suhton tal ta atojol ta yorahil te la jcalbate, ha yorahil a te ya x'ayin squerem-al te Sara, xchi.

Bible in Tzeltal de Oxchuc y Tenejapa

¹⁴ Ma'yuc bi wocol ta pasel yu'un te Diose. C'alal ya sta yorail, ya me sujt'on tel ta atojol. Ja' me yorail ya x'ayin yal a te Sara —xi'.

Génesis 18:14 Referans Kwoze

San Lucas 1:37

Como mayuc bin ma xhu' yu'un stuquel te Diose, xchi.

San Mateo 19:26

Ilticlambot sitic yu'un te Jesús, hich la yalbe: Te ants-winiquetic ma xhu' yu'unic spasel ini, pero te Dios spisil ya xhu' yu'un stuquel, xchi.

San Marcos 10:27

Te Jesús la yilticlambe sitic, hich la yalbe ya'iyic: Te ants-winiquetic ma xhu' yu'unic, yan te Diose ma hichuc stuquel, como spisil ya xhu' yu'un, xchi.

Jeremías 32:27

Ho'on Jehovahon, te Dioson yu'un spisil te bintic cuxajtic. ¿Ay bal bin wocol ta pasel cu'un?

Efesios 3:20

Te Mach'a te ha ta scuenta yu'el te c'ax hich ya xhu' yu'un spasel ta jtojoltic a te bin ya jc'ambetic o te ya xtal ta co'tantic,

Job 42:2

Ya jna' te spisil ya xhu' awu'un, soc te ma xhu' ta comel te bin anopoje.

Filipenses 4:13

Spisil ya xhu' cu'un ta scuenta Cristo te ya ya'bon yip co'tan.

Jeremías 32:17

Cajwal Jehová, ta scuenta ahachoj ac'ab soc smuc'ul awu'el la apas te ch'ulchan soc te bahlumilal. Mayuc bin wocol yac awa'iy.

Romanos 4:21

yu'un c'ohem ta yo'tan te ay yu'el te Dios ta spasel spisil te bintic yaloje.

Números 11:23

Ha yu'un te Jehová la yalbe te Moisés: ¿Yu'un bal xot'bilix sc'ab te Jehová? Yo'tic ya me awil teme ya xc'oht ta pasel o ma ba ya xc'oht ta pasel te jc'ope, xchi.

2 Reyes 4:16

Te Eliseo hich la yalbe: Ta yan ha'bil, ta hich ora, ya me apet awal, xchi. La sjac' te ants: Ma'uc, cajwal, winicat yu'un Dios, ma me xatse'lay te a'bat awu'une, xchi.

Deuteronomio 7:21

Ma me xlaj awip yu'un xiwel ta stojolic, como ay ta awohlil te Jehová te Dios awu'une; ha Dios te mero muc' soc te ay ta xi'el.

San Mateo 14:31

Ora la shach sc'ab te Jesús, la stsac te Pedro, hich la yalbe: ¡Winic te mayuc lec sch'uhunel awo'tan! ¿Bin yu'un te xchebet awo'tan? xchi sc'oblal.

Zacarías 8:6

Hich yaloj te Jehová te scuentahinej spisil: Aunque te mach'atic hilemic yu'un te pueblo hich ya yilic te ma xhu' ta pasel ini ta hich ora, ¿yu'un bal c'ax wocol ya quil te ho'one? xchi te Jehová te scuentahinej spisil.

Miqueas 7:18

¿Mach'a yan Dios te pajalat soc, te ya spas perdón yu'un te bin chopol, soc te ya sch'ay ta yo'tan te smul te mach'a cuxul hil yu'un te mach'atic ay yu'une? Ma spisiluc ora ay yilimba, como ya smulan te ya ya'iy c'uxultaywanej.

Salmos 95:3

Como te Jehová ha muc'ul Dios, ha muc'ul Ajwalil yu'un spisil yantic diosetic.

Deuteronomio 30:3

hich te Jehová ya me yic' suhtel tal te mach'atic chucajtic bahel awu'un, ya sna'bat yo'bolil aba, ya scha'tsobat loq'uel tal ta yohlil te nacionetic ta banti la spucat bahel te Jehová te Dios awu'une.

Génesis 18:10

Hich halbot yu'un: Jamal ya calbat, ya xcha'talon ta hich ora ta yan ha'bil, te awihnam Sara ya me x'ayin squerem-al, xchi. Te Sara yac ta ya'iyel te c'op ta sti'il te nahilpac' te ay ta spat.

San Lucas 1:13

Pero hich halbot yu'un te ch'ul a'bat: Ma xiwat, Zacarías, yu'un a'iyotix ac'op ta stojol Dios; ya me x'ayin jtuhl squerem-al te awihnam Elisabet, Juan sbihil ya me xc'oht awu'un.

Job 36:5

Mero muc' te Diose, pero mayuc mach'a ya sp'aj; bayel yip te sp'ijile.

Génesis 17:21

Pero ya jchap te c'op cu'un soc Isaac, ha te anich'an te ya x'ayin ta scuenta Sara ta hich ora ta yan ha'bil, xchi.

Hebreos 11:19

Como te Abraham sch'uhunej te ay yu'el te Dios te ya xhu' ya scha'cuxajtes ta yohlil mach'atic chamenic; soc hich ya'iyel te tey nix la scha'ic' a te snich'ane.

San Lucas 8:50

C'alal hich la ya'iy te Jesús, la yalbe te winic: Ma me xiwat; ha nax ch'uhuna, hich me ya xcol, xchi.

1 Samuel 14:6

Hich te Jonatán la yalbe te jcuch-a'tejibal yu'un: La' me, sohlucotic bahel ta banti ay te jchahp soldado yu'un te mach'atic ma ba yich'ojic circuncisión; ay wan bin ya spasbotic te Jehová, como ma ba wocol ya ya'iy stuquel te ya yac' tsalaw, teme ay tsobolic o teme mayuc tsobolic, xchi.

Filipenses 3:21

Ha ya sc'atp'umbotic te jbaq'uetaltic te mayuc yutsil, ha pajal ya xc'oht soc te sbaq'uetal te bayel yutsil stuquel, hich ya spas ta scuenta te yu'el te ya xhu' yu'un ya scuentahin spisil te bintic ay.

San Lucas 1:18

Te Zacarías hich la yalbe te ch'ul a'bat: ¿Bin ut'il ya xhu' ya jna' ini? como mamalonix soc ayix ya'bilal te quihname, xchi.

San Mateo 3:9

Ma me hichuc xawal ta awo'tanic: Ha jtatcotic te Abraham, ma me xchihuquex, como ya calbeyex, te Dios ya xhu' ya sutp'in ta yal-snich'an Abraham ha'i tonetic ini.

Salmos 93:1

¡Ha ajwalil te Jehová! ¡Sc'u'inej yutsilal! ¡Te Jehová sc'u'inej yu'el! Yich'oj yip te bahlumilal, ma xhu' ta loq'uesel bahel.

Salmos 90:13

¡Suhtan tal, Cajwal! ¿Jayeb xan ora? ¡Na'beya yo'bolil sbahic te a'batetic awu'une!

Génesis 18:13

Te Jehová hich la yalbe te Abraham: ¿Bin yu'un tse'ejin te Sara, te hich la yal: ¿Ya to bal x'alajon te bin ut'il me'elonix? te xchihe?

Génesis 18:15

Xiw te Sara, la smuc ta yo'tan: Ma ba tse'ejinon, xchi. Pero halbot yu'un: Ma hichuc, tse'ejinat, xchi.

Génesis 21:1

Te Jehová suht tal ta stojol Sara hich te bin ut'il yaloj, hich nix la spasbe te bin yalojix ta jamal.

Génesis 21:2

Hahch yal te Sara, hich ayin snich'an Abraham te c'alal mamalix a, ha nix ta yorahil te halbot yu'un Dios.

Isaías 50:2

¿Bin yu'un mayuc mach'a la jta te c'alal talon, o te c'alal la jquic'ticlan mayuc mach'a la sjac'bon? ¿Yu'un bal com jc'ab te ma xhu' ya sloq'uesex ta libre? ¿Yu'un bal mayuc quip te ya caq'uex ta libre? Teme ya cut te mar, ya xtaquij, soc ya jsutp'in ta jochol taquin q'uinal te muc'ul-ha'etic, ya xtuhub te schayul ta scaj mayuc ya'lel, ya xchamic yu'un taquinti'il

Daniel 6:20

Te c'alal nopoj ta ch'en, smeloj yo'tan a la yawtay te Daniel, hich la yalbe: Daniel, a'batat yu'un te cuxul Dios, te Dios awu'un, te spisil ora awac'oj aba ta a'batinel yu'une, ¿hu' bal yu'un te la scoltayat ta ye te chojetic? xchi.

Génesis 17:16

Ya ca'be bendición, soc ya ca'bat anich'an ta scuenta. Hich, ya ca'be bendición soc ha nanil ya xc'oht yu'un bayel nacionetic; ya xchicnaj ta scuenta bayel ajwaliletic, xchi.

Jueces 13:3

Chicnaj ch'ul a'bat yu'un Jehová ta stojol te ants, hich la yalbe: Te ha'ate, jma'alat, mayuc ayinem awal; pero ya me xhahch awal, ya me x'ayin aquerem-al.