Génesis 17:21 - Bible in Tzeltal Bachajón

²¹ Pero ya jchap te c'op cu'un soc Isaac, ha te anich'an te ya x'ayin ta scuenta Sara ta hich ora ta yan ha'bil, xchi.

Bible in Tzeltal de Oxchuc y Tenejapa

²¹ Yan te Isaac jc'axel me ya jpas trato soc stuquel, ja' me te anich'an ya x'ayin ta swenta Sara ta yan ja'wil, jich ora te bit'il to —xi' sc'oplal yu'un.

Génesis 17:21 Referans Kwoze

Gálatas 3:29

Teme yu'unex Cristo, hich sts'umbalex Abraham, soc ya x'a'botex awich'ic bendición hich te bin ut'il yaloj te Diose.

Génesis 18:10

Hich halbot yu'un: Jamal ya calbat, ya xcha'talon ta hich ora ta yan ha'bil, te awihnam Sara ya me x'ayin squerem-al, xchi. Te Sara yac ta ya'iyel te c'op ta sti'il te nahilpac' te ay ta spat.

Hebreos 11:9

Ta scuenta sch'uhunel yo'tan hich nahin te bin ut'il jbehyom ta yan q'uinal te halbot ya x'a'bot yich', la snahin nahilpac' soc Isaac soc Jacob, te ha nix yu'unic ya xc'oht te bin yaloj te Diose,

Romanos 9:9

como hich ay te bin yaloj ta jamal te Diose: Ta hichilan ora ya xtalon soc ya x'ayin jtuhl squerem-al te Sara, te xchihe.

Hechos 1:7

La yal te Jesús: Mayuc ta acuentahic sna'el bin ora o bin c'ahc'alil te chapal yu'un te Tatil te ha nax ay ta scuenta stuquel;

San Lucas 1:72

yu'un ya sc'uxultay te jme'jtatic, soc yu'un sna'el te ch'ul chapbil-c'op yu'une,

San Lucas 1:55

te Abraham soc te sts'umbal scuenta sbahtel q'uinal, hich te bin ut'il yalbeyej te jme'jtatic, xchi te María.

Job 14:13

¡Ayuc bin ut'il yac anac'on ta stsobojibal te mach'atic chamenic, te yacuc anac'on ha to c'alal ya xlahmaj te awilimba; te yacuc awahtaybon corahil, patil yacuc ana'on xan!

Éxodo 3:6

Soc hich la yal xan: Ho'on Dioson yu'un te atate, ha te Dios yu'un Abraham, te Dios yu'un Isaac, soc te Dios yu'un Jacob, xchi. Ha yu'un te Moisés la smuc yelaw, yu'un la xi' ya yil te Diose.

Éxodo 2:24

A'iybot yu'un Dios te yahcanic, soc la sna' xan te c'op schapoj soc Abraham, Isaac soc Jacob.

Génesis 46:1

Hich loc' bahel te Israel soc spisil sbiluc, c'oht ta Beerseba, tey c'oht ya'be milbil smahtan a te Dios yu'un Isaac te state.

Génesis 48:15

La ya'be bendición te José, hich la yal: Te Dios, te ha ta stojol behenic te Abraham soc Isaac te tatiletic cu'un, ha te Dios te scanantayejon ta spisil jcuxlejal ha to c'alal ora,

Génesis 17:19

La sjac' te Diose: Ya me x'ayin squerem-al te awihnam Sara, ya me awa'be sbihilin Isaac. Ha nix hich ya ca'be te chapbil-c'op cu'un scuenta chapbil-c'op yu'un te sts'umbal ta patil bahel te ma xlaj sc'oblal.

Génesis 18:14

¿Ay bal bin wocol ta pasel ya ya'iy te Diose? Ya suhton tal ta atojol ta yorahil te la jcalbate, ha yorahil a te ya x'ayin squerem-al te Sara, xchi.

Génesis 21:1

Te Jehová suht tal ta stojol Sara hich te bin ut'il yaloj, hich nix la spasbe te bin yalojix ta jamal.