Génesis 17:11 - Bible in Tzeltal Bachajón

¹¹ Yac ajoybe loq'uel ta bojel te snuhculel sjol sc'unilic, ha seña ya xc'oht yu'un te chapbil-c'op cu'untic.

Bible in Tzeltal de Oxchuc y Tenejapa

¹¹ Ja' me ya ajoybey loq'uel ta bojel snujc'ulel sjol te abaq'uetale, ja' me te circuncisión sbiile. Ja' seña ya xc'ot te trato albil cu'un ta atojolic.

Génesis 17:11 Referans Kwoze

Romanos 4:11

Ha la yich' circuncisión scuenta seña, ha sello c'oht yu'un te toj ay yu'un te sch'uhunel yo'tan te c'alal ma to ba yich'oj circuncisión a. Ha scuentahil te ha tatil yu'un spisil mach'atic ay sch'uhunel yo'tanic te ma ba yich'ojic circuncisión, scuenta yu'un ha nix hich toj ya x'ilotic yu'un Dios te bin ut'il ay sch'uhunel yo'tanic.

Hechos 7:8

Soc la ya'be Abraham te chapbil-c'op yu'un circuncisión. Ha yu'un c'alal ayin te snich'an Abraham, ha te Isaac, la ya'be yich' circuncisión ta swaxaquebal c'ahc'al yayinel a; te Isaac la ya'be te Jacob, soc Jacob la yac'ticlambe te lahchaytuhl tatiletique.

Deuteronomio 10:16

Pasahic circuncisión ta awo'tanic, ma me xawac' tonobuc xan awo'tanic.

2 Samuel 3:14

Soc te David la sticon bahel mach'atic hich baht yalbeyic te Is-boset snich'an Saúl: Sutbon tal te quihnam Mical te la jquic', te la jel ta ho'winic (100) snuhculel sjol sc'unil sbaq'uetal filisteohetic, xchi.

Josué 5:3

Hich te Josué la spas cuchillohetic ta tulan ton, la ya'be yich'ic circuncisión te snich'nab Israel ta wits Aralot.

Éxodo 12:48

Teme ay jyanlum te sjoquinejex te ya sc'an ya spas te Q'uin Pascua yu'un Jehová, ya me yich' circuncisión spisil te winiquetic, hich ya xhu' ya spas te Q'uin Pascua, como hich ya xc'oht te bin ut'il alumal. Pero te mach'a ma ba yich'oj circuncisión ma xhu' ya swe' stuquel.

Éxodo 4:25

Ha yu'un te Séfora te yihnam la stsac tulan ton te ay ye, la sbojbe loq'uel snuhculel sni'il sc'unil te yale, la sch'ojbe ta ye'tal yoc Moisés, hich la yal: Melel jmamalalat ta scuenta ch'ich', xchi.

Génesis 9:12

Soc la yal te Diose: Hich ay te seña yu'un te chapbil-c'op te ma xlaj sc'oblal te ya cac' ta jtojol soc ta atojolic soc spisil bintic cuxajtic: