Génesis 16:3 - Bible in Tzeltal Bachajón

³ Ha yu'un te Sarai, te yihnam Abram, la yic' tal te Agar, te scriada egipcia-ants, la ya'be yic' te Abram te smamalale.

Bible in Tzeltal de Oxchuc y Tenejapa

³ Jich yu'un te Sarai la yic' tel te Agar, te scriada ja' te egipcia-antse, la yac'bey yinamin te Abram, ja' te smamlale. C'axix lajuneb ja'wil a te bit'il nainem ta sq'uinal Canaán te Abrame.

Génesis 16:3 Referans Kwoze

Génesis 16:5

Ha yu'un te Sarai la yalbe te Abram: Ha'at ta acuenta te ay jwocol. Ho'on la jca'bat awic' te jcriada, pero te c'alal la ya'iy te hahchemix yal, ma ba leconix ta sit. Jehová ac'a schahpanotic jchebaltic, xchi.

Gálatas 4:25

Como te Agar, ha te wits Sinaí te ay ta sq'uinal Arabia, soc pajal c'ohem soc te Jerusalén te ay ta ora ini te pajal ay ta mosohil soc te yalataque.

1 Reyes 11:3

Ay ho'lajunwinic scha'bahc' (700) ta tuhl te la yihnamin, te ha yantsil-nich'anic ajwaliletic, soc ho'lajunwinic (300) ta tuhl yantic antsetic yu'un. Te antsetic yu'un la showiytesbeyic yo'tan te Salomón.

2 Samuel 5:13

Te David la yic' xan antsetic ta Jerusalén te c'alal loq'uemix tal ta Hebrón. Ayin yan snich'nab queremetic soc ach'ixetic.

Génesis 35:22

C'alal tey nahinem a te Israel, te Rubén way soc te Bilha te yan ants yic'oj te state. La ya'iy te Israel. Ay lahchaytuhl snich'nab te Jacob.

Génesis 32:22

Ta ahc'abal hahch te Jacob, la yic' tal schebal te yihnam, schebal te scriada soc te buluchtuhl (11) snich'nab, sohlic bahel ta uc'um Jaboc te banti ya xhu' c'axele.

Génesis 30:9

C'alal la yil te Lea te quechajemix ta al, la yic' tal te scriada, ha te Zilpa, la ya'be yic' te Jacob.

Génesis 30:4

La ya'be yic' te scriada; hich te Jacob way soc.

Génesis 28:9

Ha yu'un te Esaú baht ta stojol Ismael, aunque ay antsetic yu'un, la yic' yihnamin te Mahalat yantsil-nich'an Ismael, te snich'an Abraham, te Mahalat ha yihts'in Nebaiot.

Génesis 25:6

Yan te yalatac te yan antsetic yu'un, la yac'ticlambe smahtanic. Pero te c'alal cuxul to a te Abraham la sticonlan loq'uel ta stojol Isaac, la sticonlan bahel ta q'uinal ta stojol banti ya xloc' tal c'ahc'al.

Génesis 16:4

Hich te Abram la sta sba soc te Agar, hich hahch yal. Te c'alal la ya'iy te Agar te hahchemix yal, ma ba lequix ta sit te yajwale.

Génesis 16:16

Ay waqueb yo'winic (86) ya'bilal a te Abram c'alal Agar la yalatay te Ismael.

Génesis 21:21

Nahin ta jochol taquin q'uinal Parán; lehbot yihnam yu'un snan ta Egipto.