Génesis 15:18 - Bible in Tzeltal Bachajón

¹⁸ Ha yorahil a te la schap sc'op soc Abram te Jehová, hich la yal: Ya ca'be ats'umbal te q'uinal ini, ya xhahch ta muc'ul-ha' yu'un Egipto c'alal ta muc'ul-ha' Éufrates;

Bible in Tzeltal de Oxchuc y Tenejapa

¹⁸ Jich yorail a te Abram albot yu'un te Cajwaltic ta swenta trato: —Yu'un ats'umbal ya xc'ot cu'un in q'uinal to c'alal ta beja' yu'un Egipto, c'alal ta muc'ja' Éufrates,

Génesis 15:18 Referans Kwoze

Génesis 12:7

Te Jehová la yac' sba ta ilel ta stojol Abram, hich la yalbe: Ya ca'be sq'uinalin ats'umbal te q'uinal ini, xchi. Hich te Abram tey la spasbe scajtajib ta chiq'uel smahtan a te Jehová, ha te mach'a la yac' sba ta ilel ta stojol.

Génesis 24:7

Te Jehová, te Dios yu'un te ch'ulchan, te la yic'on loq'uel tal ta sna te jtat soc ta slumal te quermanotac, te la sc'oponon soc te hich la yalbon ta jamal: Ya ca'be ats'umbal te q'uinal ini, te xchihe, ya sticon te ch'ul a'bat yu'un te ya xnahilij bahel awu'un, yu'un tey ya xc'oht alehbe yihnam a te jnich'ane.

Génesis 13:15

Yu'un spisil te q'uinal te yac awile, ya ca'bat aq'uinalin soc ats'umbal sbahtel q'uinal.

Isaías 27:12

Ta hich ora te Jehová ya me swuy c'alal ta muc'ul-ha' Éufrates ha to c'alal ta be-ha' yu'un Egipto, soc te ha'ex israeletic, ta jujutuhl yac awich'ic tal tsobel.

Nehemías 9:8

La awil te jun yo'tan ta atojol, la achap ac'op soc yu'un yac awa'be te sts'umbal te q'uinal yu'un te cananeo, heteo, amorreo, ferezeo, jebuseo soc te gergeseohetic. La awac' c'ohtuc ta pasel te bin la awal, como toj awo'tan.

Deuteronomio 11:24

Spisil te lugar banti yac ateq'uic, ha awu'unic ya xc'oht; ta jochol taquin q'uinal c'alal ta Líbano, ta muc'ul-ha' Éufrates c'alal ta mar ay ta stojol banti ya xmahl c'ahc'al, ha aq'uinalic ya xc'oht.

Números 34:5

tey ya sut sba a, ya xbaht ta uc'um yu'un Egipto, ya xhul ta loq'uel ta sti'il te Muc'ul Mar.

Hebreos 13:20

Te Dios yu'un lamal q'uinal, te ta scuenta te sch'ich'el te yach'il chapbil-c'op la scha'cuxajtes tal ta lajel te Cajwaltic Jesucristo, te muc'ul Jcanantaywanej yu'un te tuminchijetic,

Jeremías 32:40

Ya jpas chapbil-c'op soc te sbahtel q'uinal ya xhalaj: Ha te ma ba ya xquehchajon ta spasbeyel te bintic lec, soc ya cac' te ya yich'onic ta muc' scuenta yu'un mayuc bin ora ya yihquitayonic.

2 Crónicas 9:26

Soc scuentahinej spisil te ajwaliletic c'alal ta muc'ul-ha' Éufrates, c'alal ta sq'uinal te filisteohetic, ha to ta mojon yu'un Egipto.

Deuteronomio 34:4

Hich halbot yu'un te Jehová: Ha te q'uinal ini te jc'axel la jcalbe ta jamal te Abraham, Isaac soc Jacob: Ya ca'be ats'umbal, te xchihone. La jca'bat awil ta asit, pero ma ba ya x'ochat bahel tey a, xchi sc'oblal.

Éxodo 23:23

Te ch'ul a'bat cu'un ya xnahilij bahel awu'un soc ya yiq'uex bahel ta sq'uinal te amorreo, heteo, ferezeo, cananeo, heveo soc te jebuseo; ha'ic te jc'axel ya jlajinlan.

Génesis 26:4

Ya cac' p'ohluc ats'umbal hich yipal te bin ut'il eq'uetic ta ch'ulchan, soc ya ca'be sq'uinalin ats'umbal spisil te q'uinal ini. Ta scuenta ats'umbal ya x'a'botic bendición spisil nacionetic ta bahlumilal,

1 Reyes 4:21

Te Salomón la scuentahin spisil te yantic nacionetic c'alal ta muc'ul-ha' Éufrates ha to ta sq'uinal filisteohetic soc ta sti'il sq'uinal Egipto. La yich'beyic tal mahtaniletic soc la yac' sbahic ta a'batinel yu'un Salomón te jayeb c'ahc'al cuxule.

Salmos 105:11

te hich la yal: Ya ca'bat te sq'uinal Canaán ha te bin ya xc'oht ta acuenta te yac awich' hilel, te xchihe.

Josué 15:4

tey ya xc'ax bahel ta Asmón, ya xloc' bahel ta uc'um yu'un Egipto, soc ya xc'oht ta loq'uel ta ti' mar. Ha mojon ta stojol sur.

Deuteronomio 7:1

Te c'alal la yic'atix ochel a te Jehová te Dios awu'un ta q'uinal te yac awu'untay, soc te c'alal la stenticlan loq'uel ta atojol tsobol nacionetic, ha te heteo, gergeseo, amorreo, cananeo, ferezeo, heveo soc te jebuseo, huqueb nacionetic te c'ax bayelic soc c'ax hich yipic a te bin ut'il ha'ate,

Génesis 50:24

Te José hich la yalbe ya'iyic te yermanotac: Te ho'one ya xchamonix; pero Dios me ya xtal scoltayex, ya me yiq'uex loq'uel li' ta q'uinal ini, ya me yiq'uex bahel tey ta q'uinal te yaloj ta jamal te ya ya'be te Abraham, te Isaac soc te Jacob, xchi.

Génesis 35:12

Te q'uinal la jca'be te Abraham soc Isaac, ha'at ya ca'bat soc ats'umbal ta patil bahel, xchi.

Génesis 28:4

Ac'a ya'bat te bendición yu'un Abraham soc ats'umbal, scuenta yu'un yac aq'uinalin te q'uinal banti yacat melmonel, te a'bot yu'un Dios te Abraham, xchi.

Éxodo 34:11

Pasa te bin ya calbat ta mandar yo'tic. Ya jtenticlan loq'uel ta atojolic te amorreo, cananeo, heteo, ferezeo, heveo soc te jebuseo.

Éxodo 6:4

Soc la jchap jc'op soc, ha te ya ca'be sq'uinalin te sq'uinal Canaán, ha te q'uinal banti hich nahinic te bin ut'il jbehyometic.

Éxodo 3:8

Ha yu'un cohonix tal ta scoltayel loq'uel ta sc'ab te egipciohetic soc ta sloq'uesel bahel tey ta q'uinal; ya quic' bahel ta q'uinal te buen lec soc buen jamal, te q'uinal te banti ya x'oquin leche soc chab, ta banti ay te cananeo, heteo, amorreo, ferezeo, heveo soc te jebuseo.

1 Crónicas 5:9

Soc nahinic ta stojol banti ya xloc' tal c'ahc'al c'alal ta yochibal te jochol taquin q'uinal, c'alal ta muc'ul-ha' Éufrates, como bayel p'ohlem te schansbahlam ta sq'uinal Galaad.

2 Samuel 23:5

Ha scuentahil te yich'oj yip ta stojol Dios te jna; Dios schapoj sc'op ta jtojol scuenta sbahtel q'uinal; chapal ta lec soc canantaybil, aunque ma to la yac' nichinuc spisil te jcolel soc te bin ya sc'an co'tan.

Génesis 2:14

Hidekel sbihil te yoxebale, ha te ya x'oquin c'axel ta stojol banti ya xloc' tal c'ahc'al yu'un te sq'uinal Asiria. Éufrates sbihil te schanebale.

Isaías 55:3

Jama achiquin, la'ic ta jtojol; a'iya awa'iyic yu'un hich ya xcuxaj ach'uhlelic a. Ya jpas chapbil c'op ta atojolic te sbahtel q'uinal ay, ha te sc'uxul co'tan ta stojol David te stalel ay.

2 Samuel 8:3

Ha nix hich te David la stsal te Hadad-ezer snich'an Rehob, ajwalil yu'un Soba, te c'alal yac ta yich'el suhtel te sq'uinal ta muc'ul-ha' Éufrates.

Hechos 7:5

Ma ba la ya'be sq'uinal tey a, ni jxeht'uc banti ya xc'oht te yoque; pero halbot yu'un Dios te ha ya x'a'bot sq'uinalin soc sts'umbal ta patil te q'uinal, aunque ma to ayuc snich'an a.

Apocalipsis 9:14

Hich la yalbe te swaquebal ch'ul a'bat te yich'oj te corneta: Tila te chaneb ch'ul a'batetic chuculic ta sti'il te muc'ul-ha' Éufrates, xchi sc'oblal.

Éxodo 6:8

Ya cotsesex tey ta q'uinal te la jtoy jc'ab ta yalel ta jamal te ya ca'be te Abraham, Isaac soc Jacob. Ya ca'beyex awu'untayic te q'uinale. Ho'on Jehovahon, xchi.

Éxodo 13:11

C'alal ya yic'at ochel te Jehová ta sq'uinal te cananeohetic, hich te bin ut'il jc'axel yalbeyejat ta jamal soc te antiguo ame'atatic, te c'alal la ya'batix ta ac'ab te sq'uinale,

Éxodo 32:13

Na'a me te Abraham, Isaac, soc Israel, te a'batetic awu'un, te jc'axel awalbeyej ta jamal ta atojol nix, te hich la awalbe: Ya cac' p'ohluc ats'umbalic hich te bin ut'il eq'uetic ta ch'ulchan; soc ya ca'be ats'umbalic spisil te q'uinal ini te la jcalbeyex sc'oblal, ha yu'unic ya xc'oht spisil ora, te xchihate, xchi.

Deuteronomio 12:20

Te c'alal ya smuc'ubtesbat aq'uinal te Jehová te Dios awu'un, hich te bin ut'il la yalbat, soc teme yac awal: Ya jti' ti'bal, teme xchihate, yu'un yac amulan sti'el, ya xhu' yac awe' te ban c'alal yac amulan.

Deuteronomio 19:8

Teme ya smuc'ubtesbat aq'uinal te Jehová te Dios awu'un, hich te bin ut'il jc'axel la yalbe ta jamal te ame'atatic, teme ya ya'bat spisil te q'uinal te la yalbe te ame'atatic te ya ya'be,

2 Crónicas 7:8

Hich te Salomón la spas q'uin huqueb c'ahc'al soc spisil Israel, c'ax tsobolic, talemic c'alal ta yochibal Hamat ha to ta uc'um yu'un Egipto.

2 Crónicas 8:7

Spisil te mach'atic hilemic yu'un te hitita, amorreo, ferezeo soc te jebuseohetic, te ma ha'uc israeletic,

Esdras 4:20

Soc chicnaj ajwaliletic ta Jerusalén te bayel yipic, te hu' yu'untaybelic te q'uinal ay ta jehch muc'ul-ha' Éufrates, te la yich'ic tojbeyel spatanic soc yantic pataniletic.

Éxodo 2:24

A'iybot yu'un Dios te yahcanic, soc la sna' xan te c'op schapoj soc Abraham, Isaac soc Jacob.

Éxodo 34:24

Ya jten loq'uel ta atojol te nacionetic soc ya jmuc'ubtesbat te aq'uinale. Mayuc mach'a ya sbic'tal-o'tantaybat aq'uinal te c'alal ya xtal atehc'an aba oxeb buelta ta jujun ha'bil ta stojol Jehová te Dios awu'une.

Levítico 26:42

hich ya jna' a te jc'op la jchahp soc Jacob, soc te jc'op la jchahp soc Isaac, soc te jc'op la jchahp soc Abraham, soc ya jna' te lumq'uinale.

Levítico 26:45

Ya me jna'ic ta scuenta te namey chapbil-c'op cu'un te c'alal la jloq'ues tal ta sq'uinal Egipto ta stojol sit te nacionetic, yu'un ho'on Dioson ya xc'ohon yu'unic. Ho'on, Jehovahon, xchi.

Josué 13:3

c'alal Sihor te ay ta stojol banti ya xloc' tal c'ahc'al yu'un Egipto, ha to ta sti'il Ecrón ta stojol norte, te ha yu'un cananeohetic ta halele; te sq'uinal te ho'tuhl ajwaliletic filisteohetic ta Gaza, Asdod, Ascalón, Gat soc Ecrón; soc nix te sq'uinal te aveohetic

1 Reyes 5:1

Te Hiram ajwalil yu'un Tiro la sticon a'batetic yu'un ta stojol Salomón c'alal la ya'iy te och ta ajwalil ta sjelol te state; como te Hiram spisil ora lec yo'tan ta stojol David.

1 Crónicas 16:16

ha te c'op la schap soc Abraham, ha te bin la yal ta jamal ta stojol Isaac,

Jeremías 32:22

La awa'be yich'ic te q'uinal ini te la awal ta jamal te sme'static te yac awa'be, ha te q'uinal te banti ya x'oquin leche soc chab.