Génesis 15:17 - Bible in Tzeltal Bachajón

¹⁷ Mahlix c'ahc'al, ihc'ubix q'uinal a, chicnaj tut yawil c'ahc' te yac ta loq'uel sch'ahilel, soc tuxul c'ahc', c'axic ta yohlil te chambahlametic te jaticlambil ta ohlil.

Bible in Tzeltal de Oxchuc y Tenejapa

¹⁷ Malix c'aal, ijc'ubix q'uinal a, la yil chicnaj yawil c'ajc' te ay xch'ailel, soc ay yan yac ta tilel tey a, c'axic ta yolil te chambalametic te jatbilic ta bojele.

Génesis 15:17 Referans Kwoze

Jueces 6:21

Te ch'ul a'bat yu'un Jehová la shach te snahbate' ay ta sc'ab, la stij a te ti'bal soc te panetic ma ba yich'oj levadura, hich loc' tal c'ahc' ta ton te la schic' te ti'bal soc te pane. Hich ch'ay ta sit te ch'ul a'bat yu'un te Jehová.

Jeremías 11:4

ha te la jcalbe ta mandar te ame'atatic te c'alal la jloq'ueslan tal ta sq'uinal Egipto, ta horno yu'un yuhltesel taq'uin, te hich la jcalbe: Ch'uhumbonic jc'op, pasahic spisil te bintic ya calbeyex ta mandar, hich pueblohex cu'un ya xc'ohex soc ho'on Dioson awu'unic ya xc'ohon.

1 Crónicas 21:26

Tey la spas a te scajtajib smahtan Jehová te David te banti la ya'be scohtol chic'bil mahtaniletic soc mahtaniletic scuenta lamal q'uinal. La sc'opon te Jehová, a'iybot sc'op yu'un soc la sticon tal c'ahc' c'alal ta ch'ulchan te c'oht ta sba te scajtajib scohtol chic'bil mahtanil.

Isaías 62:1

Ta scuenta te c'ux ta co'tan te Sión ma ba ya xch'abon ta c'op; ta scuenta te c'ux ta co'tan te Jerusalén ma ba ya jcux co'tan, ha to c'alal ya xtihl bahel te bin stojil ta pasel yu'une, soc te colel yu'un hich ya xtihl te bin ut'il tsumbil c'ahc'.

2 Samuel 22:9

Loc' ch'ahil ta sni', loc' lajinwanej c'ahc' ta ye, soc loc' tsumbil ac'aletic.

Jueces 13:20

Te c'alal tihl mohel c'ahc' ta stojol ch'ulchan ta scajtajib ta chiq'uel mahtanil, te Manoa soc te yihnam la yilic te mo bahel te ch'ul a'bat yu'un Jehová ta sc'ahc'al te scajtajib ta chiq'uel mahtanil; hich la spahcan sbahic ta lum.

Deuteronomio 4:20

Pero te ha'exe la yiq'uex te Jehová, la sloq'uesex tal ta Egipto, ta horno yu'un taq'uin c'ohem, scuenta yu'un ha pueblo ya c'ohex yu'un, hich te bin ut'il ayex ta ora ini.

Génesis 15:10

Hich te Abram la yic' tal spisil, la sjaticlan ta ohlil; te jujujaht jujuchohl la yac', jamal hil ta ohlil. Yan te mutetic ma ba la sjaticlan stuquel.

Éxodo 19:18

Potsot ta ch'ahil spisil te wits Sinaí, yu'un co tal ta yohlil c'ahc' tey a te Jehová. Te ch'ahil xtomet yac ta mohel hich te bin ut'il sch'ahilel horno, soc spisil te wits mero tulan yac ta nihquel.

1 Reyes 18:38

Hich co tal c'ahc' ta stojol Jehová, la schic' te mahtanil, te si', te tonetic, ts'ubil lum soc la slajin te ha' ay ta sch'acomal.

Éxodo 20:18

Spisil te pueblo yac ya'iybelic st'ohmel te chahwuc soc te tsantsehwaletic, te yoq'uel te xulubil soc te wits yac ta loq'uel sch'ahilel. C'alal hich la yilic nihquic yu'un soc namal la yac' sbahic.