Génesis 15:15 - Bible in Tzeltal Bachajón

¹⁵ Yan te ha'ate lamal awo'tan a yac atsob aba soc te chawinic ame'atat, mamalatix a yac awich' muquel.

Bible in Tzeltal de Oxchuc y Tenejapa

¹⁵ Yan te ja'ate mamalatix a te ya xlajate, jun awo'tan ya xbaat ta muquel soc te antiguo ame'-atate.

Génesis 15:15 Referans Kwoze

Job 5:26

Mamalatix soc ay awip a ya xbahat ta muquenal, hich te bin ut'il tombil trigo te ya xtsobot ta yorahil.

2 Crónicas 34:28

Ya cac' te lamal q'uinal ya xchamat soc yac awich' muquel, ma ba yac awil spisil bintic chopol ya cac' tal ta stojol te lugar ini soc ta stojol te mach'atic nahinemic tey a, xchi. Hich c'oht yalbeyic te ajwalil te suhtib te c'ope.

Números 27:13

Teme la awilixe, ha nix hichat ya xchamat, hich te bin ut'il te abanquil Aarón.

Daniel 12:13

Pero te ha'ate, ya xbahat c'alal ta slajibal acuxlejal, yac acux awo'tan, soc ta slajibal c'ahc'al ya xhahchat yu'un yac awich' te bin ya xc'oht ta acuenta, xchi.

Hechos 13:36

Melel te jayeb ha'bil te David la spas te bin lec yo'tan yu'un Dios ta stojol te jcaj ts'umbalil yu'un, cham, mucot ta banti mucul sme'stat, soc c'a' sbaq'uetal stuquel.

Eclesiastés 12:7

o te ya suht xan bahel ta lumq'uinal te ts'ubilum, hich te bin ut'il ay ta nahil to, soc te ch'uhlelal ya suht xan bahel ta stojol Dios te ha nix a'bibil yu'une.

Job 42:17

Mero mamalix a te cham te Job.

1 Crónicas 29:28

Mero mamalix a cham, bayel sc'ulejal soc yutsilal. Ha la sjelolin ta ajwalil te Salomón te snich'ane.

Jueces 2:10

Soc ha nix hich chamic spisil te mach'atic pajal scolelic soc; pero te patil al-nich'anetic ma ba la sna'beyic sba te Jehová soc te bintic la spas ta stojol Israel.

Génesis 49:29

Ta patil hich la spasticlan ta mandar: Ya xchamonix. Ya me amuconic ta banti mucul te jme'jtatic ta ch'en te ay ta sq'uinal Efrón te heteo-winic,

Números 20:24

Ya xchamix te Aarón. Ma ba ya x'och bahel tey ta q'uinal la jca'be te snich'nab Israel, como ha'ex la atoy abahic ta sc'axuntayel jmandar ta banti sloq'uib ha' Meriba.

Génesis 35:29

Hich quehchaj yich'bel ic' te Isaac, cham, la sjoquin ta muquenal te sme'stat, mamalix, bayel c'ahc'al cuxaj. Mucot yu'un Esaú soc Jacob te snich'nabe.

San Mateo 22:32

Ho'on Dioson yu'un Abraham, Dioson yu'un Isaac, soc Dioson yu'un Jacob, te xchihe? Ma ha'uc Dios yu'un te mach'atic chamenic, ha Dios yu'un te mach'atic cuxulic, xchi te Jesús.

Eclesiastés 6:3

Te winic, aunque ya yac' ho'winic (100) ta tuhl snich'nab soc bayel ha'bil ya xcuxaj, bayel ya xmamalub, teme ma ba ya ya'iybe yutsil te bintic lec, soc teme ma ba ya yich' muquele, ho'on ya cal te ha lec xan a te c'axem alale.

Salmos 37:37

Nopa awa'iy bin ut'il ay te mach'a jun yo'tan soc ilawil te mach'a toj yo'tan, yu'un ay bin quechel ya xc'oht ta stojol te mach'a lamal yo'tan.

1 Crónicas 23:1

C'alal mamalix a te David, la yotses ta ajwalil yu'un Israel te Salomón te snich'ane.

Génesis 50:13

la yich'beyic bahel sbaq'uetal ta sq'uinal Canaán, la smuquic hilel ta muquenal ch'en ta sq'uinal Macpela te ay ta stojol banti ya xloc' tal c'ahc'al yu'un Mamre, ha te ch'en soc te q'uinal te Abraham la smambe te Efrón te heteo-winic scuenta muquenal.

Génesis 49:31

Tey mucot a te Abraham soc Sara te yihnam; soc tey mucot a te Isaac soc Rebeca te yihnam; soc tey nix la jmuc a te Lea.

Génesis 23:19

Patil te Abraham la smuc te Sara te yihnam ta ch'en ay ta sq'uinal Macpela te ay ta stojol banti ya xloc' tal c'ahc'al yu'un Mamre, (te Hebrón yan sbihil), te ay ta sq'uinal Canaán.

Génesis 23:4

Ho'on jyanlumon soc jmelmonelon ta awohlilic. A'bon q'uinal yu'un muquenal, yu'un tey ya jmuc a te mach'a chamen cu'un, xchi.

Génesis 47:30

C'alal ya xchamon ya me awic'on loq'uel li' ta Egipto soc ya me amucon ta smuquenal te jme'jtate, xchi. Ya jpas te bin yac awalbon, xchi te José.

Deuteronomio 31:16

Te Jehová hich la yalbe te Moisés: Ilawil, ya xchamatix. Te pueblo ini ya me xhahch yac' sbahic ta antsinel c'ohem ta stojol te yantic diosetic yu'un te q'uinal te banti ya xbahtic. Ya me yihquitayon soc ya me sjin te chapbil-c'op jpasoj soc.

Salmos 49:19

ya me sjoquin te jcaj ts'umbalil yu'un sme'stat, mayuc bin ora ya yilix te sacal q'uinale.

Job 41:32

Saclimlim ya xhil yu'un te ha' te banti ya xbaht, hich c'ohem te sac sjol te sc'ubulil mar.