Génesis 15:14 - Bible in Tzeltal Bachajón

¹⁴ Pero ho'on ya ca'be stoj te nación te ya xmosohinotic yu'une; patil ya xloq'uic tal soc bayel sc'ulejalic.

Bible in Tzeltal de Oxchuc y Tenejapa

¹⁴ Ja'uc me to, jo'on me ya cac'bey castigo te mach'atic ya smozoinwanique. Patil te ats'umbale ya me xloq'uic tel soc bayal sc'ulejalic.

Génesis 15:14 Referans Kwoze

1 Samuel 12:8

Te c'alal och ta Egipto te Jacob soc te tulan awonic yu'un swocolic ta stojol Jehová te ame'atatique, te Jehová la sticon bahel Moisés soc Aarón te la sloq'uesic tal ta Egipto te ame'atatic soc la yaq'uic nahinuc ta lugar ini.

Salmos 135:14

Te Jehová stojil me ya schahpan te pueblo yu'un, ya me sna'be yo'bolil sbahic te a'batetic yu'une.

Josué 24:17

Como ha te Jehová te Dios cu'untic te la sloq'uesotic tal soc te jme'jtatic ta sq'uinal Egipto te banti ayotic ta mosohil; ha te mach'a la spas te muc'ul señahiletic ini soc te la scanantayotic ta spisil be banti behenotic soc ta spisil te nacionetic banti c'axotic tale.

Deuteronomio 6:22

Te Jehová la spas ta jsitic señahiletic soc jchahp a'teliletic te xiweltic sba ta Egipto, ta stojol faraón soc spisil mach'atic ay yu'un ta sna.

Deuteronomio 4:20

Pero te ha'exe la yiq'uex te Jehová, la sloq'uesex tal ta Egipto, ta horno yu'un taq'uin c'ohem, scuenta yu'un ha pueblo ya c'ohex yu'un, hich te bin ut'il ayex ta ora ini.

Salmos 135:9

La sticon tal señahiletic soc jchahp a'teliletic ta awohlil, ha'at Egipto, ta scontrahinel te faraón soc spisil te a'batetic yu'une.

Salmos 51:4

Ha'at nax ta atojol te jtahoj jmul, ha'at nax atuquel, la jpas ta atojol te bin chopol, scuenta yu'un ya xna'ot te stojil bin yac awal, soc te stojil ya xchahpanwanat.

Éxodo 3:10

La' me hiche, ya jticonat bahel ta stojol faraón scuenta yu'un yac aloq'ues tal ta Egipto te pueblo cu'un, ha te snich'nab Israel, xchi.

Salmos 105:42

como la sna' te sch'ul c'op te yaloj ta stojol te Abraham te a'bat yu'une.

Génesis 48:21

Te Israel hich la yalbe te José: Ya xwayix jbaq'uetal; pero ya me sjoquinex te Dios soc ya me yiq'uex suhtel bahel ta slumal te ame'atatique.

Génesis 50:24

Te José hich la yalbe ya'iyic te yermanotac: Te ho'one ya xchamonix; pero Dios me ya xtal scoltayex, ya me yiq'uex loq'uel li' ta q'uinal ini, ya me yiq'uex bahel tey ta q'uinal te yaloj ta jamal te ya ya'be te Abraham, te Isaac soc te Jacob, xchi.

Éxodo 12:29

Ta ohlil ahc'abal te Jehová la yehchentes scuenta lajel spisil te ba-alaletic ta sq'uinal Egipto, te ba-alal yu'un faraón te hucul ta shuctajib c'alal ta ba-alal yu'un te mach'a ay ta cárcel, soc spisil sba-al chambahlametic.

Hechos 7:7

Pero ya me ca'be castigo te nación te banti ayic ta mosohinel; patil ya xloq'uic tal soc ya yac' sbahic ta a'batinel cu'un li' ta lugar ini, xchi.