Génesis 14:15 - Bible in Tzeltal Bachajón

¹⁵ Ta ahc'abal te Abram soc te a'batetic yu'un c'oht stsac sbahic soc te ajwaliletic, la snutsic bahel c'alal ta Hoba te ay ta norte yu'un Damasco.

Bible in Tzeltal de Oxchuc y Tenejapa

¹⁵ Ta ajc'ubal te Abram soc te swinictac c'o stsac sba soc te muc' ajwaliletique. La yejch'entesic soc la snutsic c'alal ta Hoba te ay ta norte yu'un te lum Damasco.

Génesis 14:15 Referans Kwoze

Hechos 9:2

la sc'an bahel cartahetic ta sinagogahetic ta Damasco, scuenta yu'un teme ya sta winic o ants te ay ta scuenta te Be ini, ya yic'ticlan talel ta chuquel ta Jerusalén.

Salmos 112:5

Lec ya xc'oht te mach'a soc sc'uxul yo'tan ya yac' ta majanel, te stojil ya spas te ya'tele.

1 Reyes 15:18

Ha yu'un te Asa la sloq'ues spisil te plata soc oro te ay ta yawil c'ulejalil ta sna Jehová soc ta sna ajwalil, la ya'be te a'batetic yu'un, la sticonlan bahel ta stojol Ben-adad snich'an Tabrimón, snich'an Hezión, te ajwalil yu'un Siria te nahinem ta Damasco. Hich la yalbe bahel:

Deuteronomio 15:2

Hich ay ta ch'ayel betiletic: ya me sch'ay ta yo'tan te bin sbetanej te spat-xuhc; ma me sc'ambeyix sbet te spat-xuhc o te yermano, como la yich'ix halel te ha yorahil yu'un Jehová te sch'ayel betiletic.

Hechos 9:8

Hich te Saulo la stam sba hahchel ta lum, pero c'alal la swic' sit, ma ba la yilix q'uinal. Ha yu'un la snitic ta sc'ab, hich la yotsesic ta Damasco

Hechos 9:10

Ay jtuhl jnopojel ta Damasco, Ananías sbihil, ta snahalsit hich c'oponot yu'un te Cajwaltic: Ananías, xchi. ¿Li' ayon, Cajwal? xchi te Ananías.

Génesis 15:2

La sjac' te Abram: Cajwal Jehová, ¿bin yac awa'bon te bin ut'il mayuc jnich'an? Te mach'a ya yich'bon te bintic ay cu'un, ha te Eliezer te talem ta Damasco, xchi.

Jueces 7:16

Te Gedeón la yac' ta oxchahp te ho'lajunwinic (300) ta tuhl winiquetic, la yac'ticlambe xulubil ta spisilic, soc jochol q'uibetic te yac ta tihlel c'ahc' ta yutile.

Isaías 7:8

Como te jolal yu'un Siria, ha te Damasco, soc te jolal yu'un Damasco, ha te Rezín. Ma to sta ho'eb schanwinic (65) ha'bil a ya yich' jinel te Efraín, ma pueblohuc ya xhil.

Isaías 17:1

Ha te bin halbot sc'oblal te Damasco: Ilawil, te Damasco ma pueblohuc ya xc'oht; ha busul jihnem ts'ahquetic ya xhil.

Jeremías 49:23

Hich ay sc'oblal te Damasco: Te Hamat soc Arfad ma sna'ic bin ya spasic, como la ya'iyic te bintic ma lecuc te ya xc'oht ta pasel; ya xnihc yo'tanic yu'un xiwel, hich te bin ut'il mar te ma xhu' ta lahmajtesel.

Ezequiel 27:18

Te Damasco la ya'iy mambajel soc chombajel ta atojol yu'un ay bayel abiluc soc ac'ulejal; la sjelbat abiluc ta vino yu'un Helbón soc saquil stsotsel tuminchij.

Ezequiel 47:16

Berota, soc Sibraim te ay ta ohlil yu'un te sti'il Damasco soc te sti'il Hamat; ya xbaht ta Hazar-haticón te ay ta sti'il Haurán.