Génesis 14:13 - Bible in Tzeltal Bachajón

¹³ Pero ay jtuhl te loc' ta ahnel, c'oht yalbe ya'iy te Abram te hebreo-winic te nahinem ta banti ay te jihte' yu'un Mamre te amorreo-winique. Te Mamre ha yermano sba soc Escol soc Aner, te jun yo'tan sbahic soc Abram.

Bible in Tzeltal de Oxchuc y Tenejapa

¹³ Ja'uc me to, ay jtul loc' ta anel, c'o yalbey yaiy te Abram, te hebreo-winic, te nainem ta jijte'eltic yu'un te amorreo-winic te Mamre sbiil, te yermano sba soc te Escol soc te Aner, te jun yo'tan sbaic soc Abram.

Génesis 14:13 Referans Kwoze

Génesis 13:18

Hich te Abram la sjeltaybe yawil te snahilpac', c'oht ta nahinel ta banti jihte' yu'un Mamre, te ay ta Hebrón. Tey la spasbe scajtajib ta chiq'uel smahtan a te Jehová.

Génesis 14:24

Ha nax la jquich' te bintic la swe'ic te queremetique. Te winiquetic te c'ohon soc, ha te Aner, Escol soc Mamre, ac'a yich'ic jayeb ya xc'oht ta scuentahic stuquelic, xchi.

Génesis 40:15

Yu'un elc'ambilon tal ta sq'uinal te hebreohetic, soc mayuc bin jpasoj te ac'bilon ta chuquel yu'un, xchi.

Filipenses 2:5

Hichuc me awo'tanic te bin ut'il yo'tan te Cristo Jesús:

2 Corintios 11:22

¿Ha'ic bal hebreohetic? Ha nix hichon. ¿Ha'ic bal israeletic? Ha nix hichon. ¿Ha'ic bal sts'umbalic Abraham? Ha nix hichon.

Jonás 1:9

La sjac' te Jonás: Te ho'one hebreohon, quich'oj ta muc' te Jehová te Dios ta ch'ulchan, te la spas te mar soc te lumq'uinal, xchi.

Job 1:15

ochintayotic yu'un te sabeohetic, la yelc'anic bahel te chambahlametic soc la smilic hilel ta espada te a'batetic; ho'on xanix colon hilel te tal calbat awa'iy, xchi.

1 Samuel 4:12

Loc' ta ahnel ta guerra jtuhl winic yu'un Benjamín, c'oht ta Silo ta yorahil nix, ch'i'em sc'u' soc ay ts'u'lum ta sjol.

Números 21:21

Te Israel la sticonic bahel winiquetic ta stojol Sehón te ajwalil yu'un te amorreohetic, hich la yalbeyic:

Éxodo 2:11

C'alal muq'uix a te Moisés, ay jun c'ahc'al baht yil te yermanotac. La yil te ayic ta tulan a'tel; soc la yil jtuhl egipcio-winic te yac ta smajel jtuhl hebreo-winic te ha jun sts'umbal soque.

Éxodo 2:6

Te c'alal la sjam te moch, la yil te tut querem yac ta oq'uel. La sna'be yo'bolil sba, hich la yal: Ha yu'un te hebreohetic te tut alal ini, xchi.

Génesis 43:32

Parte a'bot swe'el te José, parte yu'un te yantique, soc parte yu'un te egipciohetic te la sjoquinic ta we'el, como te egipciohetic ma xhu' ya sjoquin sbahic ta we'el soc te hebreohetic, yu'un ilobtic sba ya ya'iyic te egipciohetique.

Génesis 41:12

Joquinejcotic jtuhl hebreo te ya'bat capitán yu'un soldadohetic te ya scanantayic ajwalil. La jcalbecotic ya'iy te jwayichcotic, la yal ca'iycotic te bin scuentahil te jujun jwayichcotique.

Génesis 10:16

soc te jebuseo, amorreo, gergeseo,

Génesis 39:14

la yic' tal te yantic winiquetic te ay ta sna, hich la yalbe ya'iyic: Ilawilic, te jmamalal la yic'botic ochel tal jtuhl hebreo yu'un ya stse'layotic. Tal ta jtojol yu'un ya c'an sjoquinon ta wayel, pero tulan awonon.

Génesis 18:1

Te Jehová la yac' sba ta ilel ta stojol Abraham ta jihte' yu'un Mamre te c'alal hucul ta sti'il snahilpac' ta yorahil sc'uxul c'ahc'al.

Génesis 21:27

Hich te Abraham la yic' tal tuminchijetic soc wacaxetic, la ya'be te Abimelec; la schap sc'opic ta schebalic.

Génesis 21:32

Hich la schap sc'opic ta Beerseba. Patil te Abimelec soc Ficol, te jtsobaw yu'un soldadohetic yu'un, suhtic bahel ta sq'uinal filisteohetic.

Éxodo 3:18

Ya me yich'ic ta cuenta te ac'ope. Ya me xbahat soc te mamaletic yu'un Israel ta stojol te ajwalil yu'un Egipto, hich me ya xc'oht awalbeyic: Te Jehová te Dios yu'un te hebreohetic tal stahotcotiquix; ha yu'un ac'awotcotic bahel te ya xbehenotcotic bahel oxeb c'ahc'al ta jochol taquin q'uinal yu'un ya ca'becotic milbil smahtan te Jehová te Dios cu'uncotic, xchihan me.

Números 13:23

C'ohtic c'alal ta spamlej Escol, tey la set'beyic jchej sit ts'usub te chebic ta sq'uechel tal ta te', soc la set'beyic granahetic soc higohetic.

Jeremías 34:9

te jujutuhl ya me yac' ta libre te mach'atic ayic ta mosohil yu'unic, chican teme winic o ants; ma me ayuc mach'a ya smosohin te slumale.

Génesis 21:24

La sjac' te Abraham: Ya cal ta jamal, xchi.

1 Samuel 29:3

Te jtsobawetic yu'un te filisteohetic hich la yalic: ¿Bin ya spasic li'i te hebreohetique? xchihic. Te Aquis hich la sjac'be sc'op te jtsobawetic yu'un te filisteohetic: ¿Ma bal yac awilic te ha te David te ya'bat Saúl, ajwalil yu'un Israel? Sjoquinejon bayel c'ahc'al. Mayuc jtahbeyej falta yu'un te jayeb c'ahc'al te c'axix tal ta jtojol c'alal ora, xchi.