Génesis 13:13 - Bible in Tzeltal Bachajón

¹³ Pero te mach'atic nahinemic ta Sodoma c'ax chopol yo'tanic, la spasic mero chopol muliletic ta stojol Jehová.

Bible in Tzeltal de Oxchuc y Tenejapa

¹³ Ja'uc me to, amen yat'elic te yajwal lum Sodoma, mero jmulawiletic ta stojol te Cajwaltique.

Génesis 13:13 Referans Kwoze

2 Pedro 2:10

soc c'ax hich a te mach'atic ya st'unic te bintic chopol ya sc'an te sbaq'uetal soc ya sp'ajic te ya xcuentahinotique. Tulan yo'tanic soc biluc ya slomic ta pasel, ma xiwic te ya yixta'c'optayic te mach'atic tulan ya'telic ta ch'ulchan.

Judas 1:7

Hich te bin ut'il te Sodoma soc Gomorra soc te pueblohetic ta sjoyobal, ha nix hich la ya'iyic chijil-o'tanil soc la spasic te bin ya scontrahin te stalel te baq'uete. Yich'oq'uehlic c'oht te bin ut'il c'ax swocolic yu'un castigo ta c'ahc' sbahtel q'uinal.

Romanos 1:27

Ha nix hich te winiquetic, la yihquitayic bin ut'il ay stalel te ya sjoquin sbahic soc ants, talel c'axel la smulan sbahic. Q'uexlaltic sba te bin la spasbe sbahic te pajal winiquetic, hich la yich'ic te castigo yu'un te showiyemalique.

Jeremías 23:24

¿Ay bal mach'a ya xhu' ya snac' sba te banti ma xhu' ya quil? xchi te Jehová. ¿Ma bal nojeluc cu'un te ch'ulchan soc te bahlumilal? xchi te Jehová.

Hebreos 4:13

Mayuc bin pasbil te ma ba ya x'ilot yu'un Dios; spisil jamal chican ta ilel ta sit te Mach'a ya xc'ohotic ta pasbeyel cuenta yu'une.

San Mateo 9:13

Bahanic, nopahic bin scuentahil te hich halbil: Ha ya jc'an te yac awa'iyic c'uxultaywanej, ma ha'uc ya jc'an milbil mahtanil, te xchihe. Como ma ha'uc tal quic'ticlan te mach'atic toj yo'tanic, ha tal quic' te jmulawiletique, xchi.

Génesis 18:20

Ha yu'un te Jehová la yalbe te Abraham: Te bin ut'il yac ta behbe tohyel c'opetic ta stojol te Sodoma soc Gomorra, soc te c'ax bayel te smulique,

San Juan 9:31

Jna'ojtic te ma x'a'iybot sc'opic yu'un Dios te jmulawiletique; yan te mach'a ha xi'oj te Dios soc te ya spasbe te bin ya sc'an yo'tan, ya x'a'iybot sc'op yu'un stuquel.

San Mateo 9:10

Te c'alal c'oht shuhcan sba ta we'el ta na te Jesús, tsobol jc'an-patanetic soc yantic jmulawiletic te talemic, pajal c'oht shuhcan sbahic soc Jesús soc te jnopojeletic yu'une.

Isaías 1:9

Te manchuc la yihquitaybotic jtut chahp te Jehová te scuentahinej spisil, hich c'ohotic te bin ut'il Sodoma, hich te bin ut'il Gomorra, te hichuque.

2 Reyes 21:6

Soc la yac' ta chiq'uel te snich'an; la spasbe seña ta ilel soc j'ac'-chamel, la sc'oponlan te mach'a ya sc'opon ch'uhlelaletic soc te j'ilojel. Hich p'ohl yu'un te bin chopol ta stojol Jehová te la shachbe yilimba a.

1 Samuel 15:18

Te Jehová ay bin la sticonat ta spasel, hich la yalbat: Bahan, jc'axel lajina te jmulawiletic ta Amalec, a'beya guerra ha to c'alal yac alajinlan spisilic, xchi.

Génesis 38:7

Te Er te sba-nich'an Judá, ma lecuc ilot yu'un Jehová, hich lajimbot scuxlejal yu'un.

Génesis 15:16

Ta schancajal ats'umbal ya suhtic tal li'i, yu'un ma to sts'acay te smul te amorreohetique, xchi.

Génesis 10:9

Mero jnutsojel winic ta stojol Jehová, ha scuentahil te hich ay ta halel: Hich te bin ut'il Nimrod, te mero jnutsojel winic ta stojol Jehová, te xchihe.

Génesis 6:11

Mero bohlob te bahlumilal ta stojol Dios, ha nojel ta uts'inwanej.

San Juan 9:24

Ha yu'un la scha'ticonic ta iq'uel tal te winic te ts'o'sit ta nahil to, hich la yalbeyic: ¡Halbeya yutsilal te Diose! Jna'ojcotic te ha jmulawil te winique, xchihic.

Génesis 39:9

Mayuc yan mach'a toyol xan te bin ut'il ho'on li' ta na ini, soc mayuc bin ma ba ya'beyejon ta jcuenta, ha'at xanix te yihnamat. ¿Bin ut'il c'an jpas te bin chopol ini, te ya jta jmul ta stojol te Diose? xchi.

Números 32:23

Yan teme ma hichuc yac apasique, la ata amulic ta stojol Jehová. Na'a me te ya me stahex te amulique.

Génesis 19:13

yu'un ya me jlajincotic te lugar ini, como bayel c'opetic ta scontra te yajwal te pueblo ini te c'ohtix ta stojol Jehová; ha yu'un te Jehová la sticonotcotic talel ta slajinel, xchihic.

1 Samuel 2:17

Ha yu'un te smul te winiquetic ini mero muc' c'oht ta stojol Jehová, como mayuc scuentahil ta yo'tanic te mahtaniletic yu'un Jehová.

Jeremías 23:14

Soc ta yohlil te jalwanejetic ta Jerusalén, quiloj bintic ilobtic sba: ya ya'iyic antsiwej soc ya ya'iyic lot, ya ya'beyic yip yo'tanic te mach'atic chopolic, scuenta yu'un mayuc mach'a ya suhtes yo'tanic yu'un te bin chopol ya spase. Hich c'ohemic ta co'tan te bin ut'il Sodoma, te mach'atic nahinemic tey a hich c'ohemic te bin ut'il Gomorra.