Génesis 13:10 - Bible in Tzeltal Bachajón

¹⁰ Te Lot la shach sit, la yil spisil te spamlej yu'un Jordán te ay bayel ha'etic tey a, hich yilel te bin ut'il sts'unub-yawal Jehová, hich yilel te bin ut'il te sq'uinal Egipto ta stojol Zoar. Hich ay a te c'alal ma to ba sjinoj Jehová te Sodoma soc te Gomorra.

Bible in Tzeltal de Oxchuc y Tenejapa

¹⁰ Te Lot la stoy sit, la yil spamal te spamlej yu'un Jordán c'alal ta lum Zoar, la yil ma'yuc swocol yu'un ja' tey a. Yu'un jich ay yilel te bit'il t'ujbil awalts'unubile, ja' pajal yilel soc te sq'uinal Egipto. (Jich ay ta spamlejal te c'alal ma to xjinot yu'un Cajwaltic a te lum Sodoma soc te lum Gomorra.)

Génesis 13:10 Referans Kwoze

Deuteronomio 34:3

te Neguev, te spamlej yu'un Jericó, ha te pueblo yu'un xanetic, c'alal ta Zoar.

Isaías 51:3

Te Jehová ya me smuc'ubtesbe q'uinal ya'iy te Sión, ya smuc'ubtesbe q'uinal ya'iy spisil te bintic jihnem yu'un. Ya me yac' te hich ya xc'oht te bin ut'il Edén te jochol taquin q'uinal yu'un, te hich ya xc'oht te bin ut'il t'ujbil ts'umbil q'uinal yu'un Jehová te jochol q'uinal yu'un. Tey ay yutsil q'uinal a soc tse'el-o'tanil, yalel wocol soc c'ayoj.

Génesis 14:8

Loq'uic bahel te ajwaliletic yu'un Sodoma, Gomorra, Adma, Zeboim, soc te ajwalil yu'un Bela, ha te Zoar, la schahpan sbahic ta spamlej Sidim

Joel 2:3

Spisil ya xlaj ta c'ahc' ta stojolic, soc ya xlaj ta yat c'ahc' ta spatic. Te q'uinal hich yilel te bin ut'il ts'umbil q'uinal Edén te c'alal ma to ba c'axemic a, ta spatic hich ya xc'oht te bin ut'il jochol taquin q'uinal; mayuc bin ya xcol hilel ta stojolic.

Génesis 14:2

la ya'beyic guerra te Bera ajwalil yu'un Sodoma, te Birsa ajwalil yu'un Gomorra, te Sinab ajwalil yu'un Adma, te Semeber ajwalil yu'un Zeboim, soc te ajwalil yu'un Bela, ha te Zoar.

Ezequiel 28:13

Ayat ta Edén, ta ts'umbil-te'etic yu'un Dios; ch'albilat ta spisil ta chahp t'ujbil tonetic: chicmulmul, c'anmulmul, sts'aylajan-ton, yax-el'el, yaxcancan, ónice, yaxts'ajts'aj, granate, yaxal-ton; te ch'ahlelaletic soc te staq'uinal chiquiniletic awu'un pasticlambilic ta oro; la yich'ic chahpanel ta acuenta te bin c'ahc'alil pasotat.

1 Reyes 7:46

Te ajwalil la yac' ta pasel spisil ta uhltesbil taq'uin ta moldehetic ta ch'uyuy lum ta spamlej yu'un Jordán, ta ohlil yu'un Sucot soc Saretán.

Ezequiel 31:8

Te cedrohetic ta ts'umbil te'etic yu'un Dios mayuc banti pajal soc; te taj mayuc banti pajal sc'abc'ab soc, te castaño-te' mayuc banti pajal sc'abc'ab soc; mayuc junuc te' ta ts'umbil te'etic yu'un Dios te pajal st'ujbilal soc.

Jeremías 48:34

Te aw yu'un Hesbón ya xc'oht c'alal ta Eleale; c'alal Jahaza awonic, ta Zoar c'alal ta Horonaim soc Eglat-selisiyá, como taquijiquix te ha'etic yu'un Nimrim.

Isaías 15:5

Ya x'awon co'tan ta scuenta Moab; te mach'atic yu'un te loq'uic ta ahnel, ya xbahtic c'alal ta Zoar, c'alal ta Eglat-selisiya. Ta mohel q'uinal yu'un Luhit ya xmohic bahel ta oq'uel; ta sbehlal bahel Horonaim ya x'awonic yu'un te jinele.

Salmos 107:34

te lequil q'uinal ya sc'atp'un ta mayuc bin ya xcol a, ta scaj schopolilic te mach'atic nahinemic tey a.

Génesis 6:2

te yal-snich'nab Dios la yilic te buen t'ujbilic te yantsil-nich'nab ants-winiquetic, hich la yic' yihnaminic te banti la smulanique.

Génesis 3:6

C'alal la yil te ants te lec ta lo'beyel sit te te' soc t'ujbil ta ilel, soc te bic'tal-o'tantic sba te ya yac' p'ijil-o'tanil, hich la stulbe sit, la slo', soc la ya'be te smamalal te ha nix hich la slo'.

Génesis 11:27

Ha sts'umbal Taré ini: ha snich'nab Taré te Abram, Nacor soc Harán. Ha snich'an Harán te Lot.

Génesis 13:9

¿Ma bal ayuc ta atojol spisil te q'uinale? Ya calbat wocol te yacuc awihquitayon hilel. Teme ya xbahat ta q'uexam, ho'on ya xbohon ta wa'el; teme ya xbahat ta wa'el, ho'on ya xbohon ta q'uexam, xchi.

Génesis 13:11

Ha yu'un te Lot la stsa spisil te spamlej Jordán. Ha yu'un behen bahel ta stojol banti ya xloc' tal c'ahc'al; hich la yihquitay sbahic.

Génesis 47:6

Ay ta atojol spahmal te sq'uinal Egipto, ac'a nahinicuc ta banti ay te mero lequil q'uinal te atat soc abanquiltac; ac'a nahinicuc ta sq'uinal Gosén. Soc teme yac ana' te ay mach'atic ay bin ya sna'ic spasel ta lec yac awil, a'beyahic scanantaybon te wacaxetic cu'un, xchi.

Job 40:23

Teme xju'et snojel ha', ma ba ya xi'; jun yo'tan ay aunque ya xmajot ta ye yu'un spisil te muc'ul-ha' Jordán.

Ezequiel 16:46

Te amuc'ul-wix, ha te Samaria soc te yalatac te nahinemic ta stojol norte awu'un; soc te awihts'in ha te Sodoma soc te yalatac te nahinemic ta stojol sur awu'unic.

Ezequiel 16:49

Te schopolil te awihts'in Sodoma soc te yantsil-alatac hich ay: ha toybahil, c'ax bayel we'elil, soc sch'ajilal yu'un te ay bayel bintic ay yu'unic; ma ba la scoltayic te pobrehetic soc te mach'atic mayuc bin ay yu'unique.

Ezequiel 31:9

T'ujbil la jpas yu'un bayel sc'abc'ab c'oht; spisil te yantic te'etic yu'un Edén te ayic ta ts'umbil te'etic yu'un Dios la yil-o'tantayic.

Ezequiel 47:18

Te sti'il ta stojol banti ya xloc' tal c'ahc'al, ya xhahch bahel ta ohlil yu'un Haurán soc Damasco, ya xc'ax ta sti'il bahel te muc'ul-ha' Jordán ta ohlil yu'un Galaad soc te sq'uinal Israel, c'alal ta mar te ay ta stojol banti ya xloc' tal c'ahc'al c'alal ta Tamar; ha te sti'il ta stojol banti ya xloc' tal c'ahc'al.