Génesis 11:7 - Bible in Tzeltal Bachajón

⁷ Ha yu'un cohucotic bahel, ya jc'atp'umbetic sc'opic scuenta yu'un hich ma xya'iybe sba sc'opic ta tuhlultuhl a, xchi.

Bible in Tzeltal de Oxchuc y Tenejapa

⁷ Jich yu'un ja' lec coucotic bael, ya jc'atp'unbeytic sc'opic, swenta yu'un jich ma xyaiybey sbaic sc'opic juju-jtul”, xi' te Cajwaltique.

Génesis 11:7 Referans Kwoze

Salmos 33:10

Te Jehová ya slajimbe sc'oblal te bin schapojic te nacionetic, ya sjimbe te bin snopojic te pueblohetique.

Salmos 55:9

Lajinlana, Jehová, te mach'atic chopolic, yanijtesbeya te sc'opique, yu'un ya quil uts'inel soc hahch c'op ta pueblo.

Génesis 1:26

La yal te Diose: Ya jpastic ants-winic te ya jlop'tay jbahtic a, te hich yilel te bin ut'il ho'otique. Ha ya scuentahin spisil schayul ha'etic, te mutetic te ya xwihlic ta toyol soc te chambahlametic, spisil te lumq'uinal soc spisil bintic ya stas sbahic ta lumq'uinal, xchi.

1 Corintios 14:23

Ha yu'un teme spisil te iglesia ya stsob sbahic soc spisilic ya xc'opojic ta yan c'op, teme ya x'och tal mach'atic ma sna'beyic scuentahil o te ma ba sch'uhunejic te Diose, ¿ma bal yacuc yalic te sohquem ajolic?

Jeremías 5:15

Sts'umbalex Israel, ya quic' tal ta atojol jun nación te namal ay, xchi te Jehová; jun nación te ay yip soc te nameyix, te ma xana'beyic sc'op, ma xawa'iy te bin ya yalique.

Salmos 2:4

Te Mach'a nahinem ta ch'ulchan ya stse'lay; te Cajwaltic ya xlabanot yu'un.

Job 12:20

Ma xyac' ta c'op te j'ac'-o'tanil te ich'bilic ta cuenta, soc ya spojbe sp'ijil te mamaletique.

Deuteronomio 28:49

Te Jehová ya me yic' tal scontrahinat jun nación te namal ay, te ay ta sti'il te q'uinal, te ya xwihl tal hich te bin ut'il jxic, jun nación te ma xana'be sc'op;

Isaías 6:8

Patil la jca'iybe sc'op te Jehová, hich yac ta yalel: ¿Mach'a ya jticon bahel? ¿Mach'a ya xbaht cu'untic? xchi. La jac'be sc'op: Li' ayon, ticonawon bahel, xchihon.

Génesis 42:23

Pero ma ba la sna'ic te a'iybot sc'opic yu'un te José, como ay jc'asesej-c'op yu'un ya xhu' ya sc'oponlan.

Génesis 11:5

Te Jehová co tal ta yilel te muc'ul pueblo soc te muc'ul toyol ts'ahc te yacalic ta spasel te snich'nab winiquetic.

Génesis 10:20

Ha'ic te snich'nab Cam ta jujuchahp soc ta jujun sc'opic, jsehpelsehp sq'uinalic soc ta jujuchahp nacionetic.

Génesis 3:22

Soc hich la yal te Jehová Dios: Pajal c'ohemix soc ho'otic te winique, te bin ut'il ya sna' bin lec soc te bin ma lecuc. Ha yu'un ma sc'an te ya shach sc'ab yu'un ya stsac slo'be sit te te' scuenta cuxajel, te hich ya xcuxaj sbahtel q'uinal a, xchi.

Génesis 10:32

Hich ay te snich'nab Noé ta cajalcaj sts'umbal soc ta jujuchahp nacionetic. Tey hahchic tal a te jujuchahp nacionetic te la spuc sbahic bahel ta q'uinal te c'alal c'axix a te puhlele.

Génesis 10:5

Ha'ic te nahinic ta ti'mar, chahpalchahp la stsob sbahic, ha chican bin ut'il ay te sc'opique.

Éxodo 4:11

Hich la sjac' te Jehová: ¿Mach'a la spasbe ye te ants-winic? ¿Mach'a ya spas te uma' soc te cohc, te mach'a ya yil q'uinal soc te ts'o'sit? ¿Ma bal ho'ucon te Jehovahon?

Isaías 33:19

Ma ba yac awiliquix te jtoyba pueblo, te pueblo te wocol ta a'iybeyel sc'op, te ma xna'bot bin ya yal, te mayuc mach'a ya sna'be scuentahil.