Génesis 10:5 - Bible in Tzeltal Bachajón

⁵ Ha'ic te nahinic ta ti'mar, chahpalchahp la stsob sbahic, ha chican bin ut'il ay te sc'opique.

Bible in Tzeltal de Oxchuc y Tenejapa

⁵ Te sts'umbal Jafet la spuc sbaic ta ti'mar, chajbalchajp lum la yic' sbaic ta sq'uinalic. Spisilic la stsob sbaic ta sejpelsejp sq'uinalic, chican bit'il ay sc'opic ta chajbalchajp.

Génesis 10:5 Referans Kwoze

Sofonías 2:11

Te Jehová xiweltic sba ya xc'oht ta stojolic, ya sjinticlan spisil te diosetic ta q'uinal; spisil te nacionetic ta sti'il te q'uinal ya me squejan sbahic ta stojol tey nix ta banti ayique.

Jeremías 2:10

C'axanic bahel ta ti'mar yu'un Quitim soc ila awilic, ticonahic bahel ta Cedar soc tsahtaya awilic ta lec; ilawil teme ay hich c'ohem ta pasele.

Jeremías 25:22

spisil te ajwaliletic yu'un Tiro soc Sidón; te ajwaliletic yu'un te pueblohetic ta ti'mar ta sjehchelul;

Isaías 42:4

Ma ba ya xluhb, ma ba ya xlaj yip yo'tan ha to c'alal ya yac' chicnajuc te bin toj ta pasel ta bahlumilal. Te mach'atic ayic ta ti'ti'mar ya smahliyic te ley yu'une, xchi.

Génesis 10:20

Ha'ic te snich'nab Cam ta jujuchahp soc ta jujun sc'opic, jsehpelsehp sq'uinalic soc ta jujuchahp nacionetic.

Isaías 60:9

Ha barcohetic te yacalic ta talel ta ti'ti'mar, ha nahil yu'unic te barcohetic yu'un Tarsis, ya yiq'uic tal ta namal te anich'nab, soc oro soc plata yu'unic, scuenta yich'el ta muc' te Jehová, te Dios awu'un, te Ch'ul Dios yu'un Israel, te la ya'bat awutsilal.

Isaías 59:18

Ha chican bintic spasojic, hich ya ya'be stojic: ha ya yilintay te scontratac, soc ya ya'be spacol te mach'atic ya xcontrahinot yu'unic, ¡Ya me ya'be stoj te mach'atic nahinemic ta ti'ti'mar!

Isaías 51:5

Ya xnohpoj tal ta ora te bin toj ya jpas, loq'uemix tal te colel cu'un, soc ya schahpan te pueblohetic te jc'abe. Te mach'atic ayic ta ti'mar ya me smahliyonic, ha ya smuc'ulin yo'tanic te jc'abe.

Isaías 49:1

A'iya awa'iyic, ha'ex te ayex ta ti'ti'mar, a'iya awa'iyic ini, nacionetic ta namal: Te Jehová la yic'on te c'alal ma to x'ayinon a; c'alal swolojon to a te jnane la yalbon te jbihile.

Isaías 42:10

C'ayojtayahic te Jehová ta yach'il c'ayoj, halbeyahic yutsil sc'oblal c'alal ta sti'il bahlumilal, ha'ex te ya xcohex bahel ta mar soc spisil bintic ay tey a, te ti'ti'mar soc te mach'atic nahinemic tey a.

Isaías 41:5

Te mach'atic ta ti'ti'mar la yilic soc xiwic; nihquic te sti'il te lumq'uinale; stsoboj sbahic, nohpojic talel.

Isaías 40:15

Te nacionetic hich ayic ta stojol te bin ut'il t'ojob te ay ta balde, hich c'ohemic te bin ut'il ts'u'lum ta balanza; hich ya slic te q'uinal joybilic ta ha' te bin ut'il ts'u'lum.

Isaías 24:15

Ha yu'un halbeya yutsil sc'oblal Jehová ta banti ya xloc' tal c'ahc'al, ta ti'ti'mar toybeya sc'oblal te sbihil Jehová, te Dios yu'un Israel.

Salmos 72:10

Te ajwaliletic yu'un Tarsis soc yu'un ti'ti'maretic ya me yich'ic tal spatanic; te ajwaliletic yu'un Sabá soc Seba, ya me yich'beyic tal mahtaniletic.

Génesis 10:25

Ayin cheb snich'nab Heber: Peleg sbihil te jtuhle, yu'un ha yorahil a te la sjat sbahic ta q'uinal; Joctán sbihil te yihts'ine.

Génesis 10:4

Te snich'nab Javán: ha Elisa, Tarsis, Quitim soc Rodanim.

Génesis 10:6

Te snich'nab Cam: ha Cus, Mizraim, Fut soc Canaán.

Ezequiel 26:15

Te Jehová, te Ajwalil, hich la yalbe te Tiro: ¿Ma bal yacuc xnihc' te mach'atic ayic ta ti'mar yu'un te xnilet yu'un ajihnele, c'alal ya x'awonic te mach'atic ehchenajemic, c'alal ya x'ayin miltamba ta awohlil?

Ezequiel 26:18

Yo'tic ya xnihquic te ti'ti'mar ta yorahil te jinel awu'un; te q'uinaletic te ayic ta yohlil ha' ya xnihc yo'tanic ta scaj alajibal.

Daniel 11:18

Patil ya xbaht ta banti te pueblohetic ta ti'ti'mar, ya me yu'untay tsobol. Pero ay jtuhl jtsobaw yu'un soldadohetic te ya scom te tse'layel yu'une, ha ya yac' c'ohtuc ta stojol te tse'layel yu'une.

Génesis 9:19

Ha'ic te oxtuhl snich'nab te Noé, ha ta scuentahic te noj xan te bahlumilale.

Génesis 10:32

Hich ay te snich'nab Noé ta cajalcaj sts'umbal soc ta jujuchahp nacionetic. Tey hahchic tal a te jujuchahp nacionetic te la spuc sbahic bahel ta q'uinal te c'alal c'axix a te puhlele.

Deuteronomio 32:8

Te Mach'a Toyol, c'alal la ya'be sq'uinalic te nacionetic, c'alal la ya'be sjat sbahic te yal-snich'nab ants-winiquetic, la yac'ticlambe smojonil te pueblohetic, chican hich yipalic te snich'nab Israel.

Ester 10:1

Te ajwalil Asuero la yac' ta tojel pataniletic ta stojol spisil q'uinal, c'alal ta sti'il mar.

Isaías 11:11

Soc ta hich ora te Jehová ya scha'hach sc'ab ta stsobel tal te pueblo yu'un te ayic ta Asiria, Egipto, Patros, Etiopía, Elam, Sinar, Hamat soc ta ti'ti'mar.