Génesis 1:6 - Bible in Tzeltal Bachajón

⁶ Soc la yal te Diose: Ayuc sjamalil ta yohlil te ha', yu'un ya sjat sba te ha'etique, xchi.

Bible in Tzeltal de Oxchuc y Tenejapa

⁶ Soc la yal te Diose: “Ac'a chicnajuc moel xyaxal te ch'ulchane, ac'a sq'uep sba moel ta sba te ja'e, soc ac'a spaman sba ta yet'al”, xi'. Jich pastaj yu'un.

Génesis 1:6 Referans Kwoze

Job 37:18

¿ya bal xhu' awu'un yac acoltay ta slimel bahel te ch'ulchan, te tulan ya xc'oht hich te bin ut'il espejo pasbil ta uhltesbil taq'uin?

Jeremías 51:15

Ha la spas te lumq'uinal ta scuenta yu'el, la ya'be yip te bahlumilal ta scuenta sp'ijil yo'tan, soc la slim bahel te ch'ulchan ta scuenta te snopojibal yu'une.

Salmos 33:6

Ta scuenta te sc'op te Jehová la yich' pasel te ch'ulchan, spisil te bintic ay tey a pasbilic ta yic'al ye.

Salmos 104:2

Te Dios potsbil ta sacal q'uinal hich te bin ut'il c'u'ul; ha ya slim te ch'ulchan hich te bin ut'il pac',

Salmos 33:9

como ha c'opoj, hich pastaj; la yal mandar, hich chicnaj.

Salmos 148:4

Halbeya yutsil sc'oblal Jehová, ha'at ch'ulchan te mero toyol ayat, soc te ha'etic te ayic ta sba te ch'ulchane.

Zacarías 12:1

Ha ini te sc'op Jehová sc'oblal Israel. Te Jehová te la slim bahel te ch'ulchan soc te la ya'be yich'o-ip te q'uinal, te ya ya'be sch'uhlel te ants-winiquetic, hich ya yal:

Salmos 19:1

Te ch'ulchan ya yalbe sc'oblal te yutsilal te Diose, te sjamalil ch'ulchan ya yalbe sc'oblal te ya'tel te sc'abe.

Génesis 1:20

La yal te Diose: Ac'a chicnajuc bintic ya xcuxajic ta ha', soc mutetic te ya xwihlic ta sba te bahlumilal, ta yohlil te sjamalil te ch'ulchane, xchi. Hich c'oht yu'un.

Job 26:13

La shuhxiy bahel te tocaletic ta ch'ulchan; ta sc'ab la slow te chan te xyalet ta behel.

Salmos 150:1

¡Aleluya! Halbeyahic yutsil sc'oblal te Dios ta ch'ul awilal yu'un; halbeyahic yutsil sc'oblal ta smuc'ul sjamalil ch'ulchan yu'un.

Job 37:11

Ya snojes ta ya'lel te pimil tocaletic, soc ya spuc ta tocaletic te tsantsehwal.

Eclesiastés 11:3

Teme ay bayel ya'lel te tocale, ya smal cohel ya'lel ta lumq'uinal. Teme ya xbuch bahel ta sur o ta norte te te'e, ta banti ya xbuch bahel tey ya xhil a.

Génesis 1:14

La yal te Diose: Ac'a chicnajuc bintic ya xtihl sc'ahc'al ta sjamalil ch'ulchan scuenta yu'un parte ya xc'oht a te c'ahc'alel soc parte ya xc'oht a te ahc'abal, te ha señahiletic ya xc'oht yu'un te ya sjel sba te q'uinal, soc te jujun c'ahc'al soc te jujun ha'bile.

Jeremías 10:10

Yan te Jehová ha Dios ta melel, ha cuxul Dios soc Muc'ul Ajwalil scuenta sbahtel q'uinal. Ya xnihc te lumq'uinal c'alal ya x'ilin, te nacionetic ma xcuhch yu'unic te yilimbahe.

2 Pedro 3:5

Pero yoloj xanix te ya xch'ay ta yo'tanic te ha ta scuenta sc'op Dios la yich' pasel te ch'ulchan soc bahlumilal ta namey, soc te chicnaj ta ha' te bahlumilal soc tey nix ipajem a,

Isaías 40:22

Te Dios hucul ta smuc'ul huctajib ta stoyolil te bahlumilal, te mach'atic nahinemic tey a hich ayic te bin ut'il c'ulubetic. Ha ya slim bahel te ch'ulchan hich te bin ut'il pac', ha ya sjam bahel hich te bin ut'il nahilpac'.

Salmos 19:2

Jujun c'ahc'al ya yalbe sbahic sc'oblal, jujun ahc'abal ya yalbe sbahic p'ijil-c'op.