Génesis 1:29 - Bible in Tzeltal Bachajón

²⁹ La yal te Diose: La jca'beyex spisil te bintic ya xcol ta lumq'uinal te ya yac' sbac', soc spisil te'etic ya sitin, ha me yac awe'elinic.

Bible in Tzeltal de Oxchuc y Tenejapa

²⁹ Dios la yal: —Aiya awaiyic stojol, cac'ojbeyex awe'elinic spisil awalts'unubil te ya xju' ta tuuntesel sit te ya yac' ta lumq'uinale, soc spisil te' te ya xju' ta lo'el te site, ja' me ya awe'elinic.

Génesis 1:29 Referans Kwoze

Génesis 9:3

Ya xhu' yac awe'ic spisil bintic cuxul soc te ya xbehenic, hich te bin ut'il te itaj soc te yaxal ha'mal. La jca'beyexix spisil.

Salmos 24:1

Ha yu'un Jehová te q'uinal soc spisil bintic ay tey a, te bahlumilal soc spisil mach'atic nahinemic tey a;

Hechos 17:28

Como ha ta scuenta te cuxulotic, te ya xbehenotic soc te hich ayotic; hich te bin ut'il yalojic te mach'atic awu'unic te ya sna'ic tsahbil c'opetic: Ha sts'umbalotic, te xchihique.

Hechos 14:17

ma yu'unuc te mayuc testigo yu'un, lec bin ya spas, ha te ya ya'botic tal ha'al ta ch'ulchan soc ya yac' sitinuc awal-ts'unubiletic ta yorahil, hich ya ya'botic jwe'eltic soc stse'elil co'tantic, xchihic.

Salmos 147:9

Ya ya'be swe'el te chambahlametic, soc te yalatac jojetic te c'alal ya x'awonic.

Salmos 136:25

Te mach'a ya ya'be swe'el spisil bintic cuxajtic, como sbahtel q'uinal ay sc'uxul yo'tan.

San Mateo 6:11

A'botcotic jwe'elcotic yo'tic scuenta jujun c'ahc'al.

Job 36:31

Hich ya smac'lin te pueblohetic, hich ya yac' bayel we'eliletic a.

Génesis 2:16

Te Jehová Dios hich la spas ta mandar te winique: Spisil te'etic ay ta ts'umbil q'uinal ya xhu' yac alo'be sit,

1 Timoteo 6:17

Halbeya mandar te jc'uhlejetic te ma me stoy sbahic soc ma me xyac' smuc'ulin yo'tanic a te ta sc'uhlejalic te ma staleluc aye; ha ac'a smuc'ulin yo'tanic te cuxul Dios, te c'ax bayel bin ya ya'botic spisil yu'un ya jmulantic.

Oseas 2:8

Ma ba la sna' te ho'on la jca'be te trigo, vino soc te aceite; te la jp'ohltes te plata soc te oro te la smahtantesic a te Baal.

Isaías 33:16

ha ya xnahin ta toyol, ha ahnibal yu'un te ch'entiquil; ya x'a'bot swe'el, soc ma ba ya spas falta te ya'ale.

Salmos 146:7

te toj ya schahpan te mach'atic ay ta uts'inel, te ya ya'be swe'elic te mach'atic ayic ta wi'nal. Te Jehová ya yac' ta libre te mach'atic chuculic;

Salmos 115:16

Yu'un Jehová te ch'ulchan, ha la ya'be te ants-winiquetic te lumq'uinale.

Salmos 111:5

Ha ya ya'be swe'elic te mach'atic ya yich'ic ta muc'; spisil ora ya sna' te chapbil-c'op yu'une.

1 Timoteo 4:3

Ya xcomawanic ta nuhpunel soc ya yalic mandar te ay we'elil te ma me swe'ic, te ha nix pasbil yu'un Dios te ya swe'ic ta scuenta halbeyel wocol Dios te mach'atic sch'uhunejic soc te sna'ojic te bin melele.

Génesis 6:21

Soc tsoba ochel spisil ta chahp we'eliletic, yu'un yac awe'ic, xchi sc'oblal.