Génesis 1:28 - Bible in Tzeltal Bachajón

²⁸ Dios la yac'ticlambe bendición, hich la yalbe: Sitinan soc p'ohla abahic, nojesahic ta swohlol te bahlumilal, soc tuhunahic te q'uinale. Ajwalilat ya xc'ohat yu'un te schayul ha'etic, te mutetic te ya xwihlic ta toyol soc spisil te chambahlametic te ya xbehenic ta lumq'uinal, xchi.

Bible in Tzeltal de Oxchuc y Tenejapa

²⁸ Dios la yac'bey bendición, jich la yalbey: —Esmajanic ta lec, nojesaic ta spamal te balumilale, tuuntesaic te q'uinale. Ja' me ya awentainic xchayul ja'etic soc te mutetique, soc spisil te chambalametic te ya xbeenic ta lumq'uinal —xi'.

Génesis 1:28 Referans Kwoze

Génesis 9:1

Dios la ya'be bendición te Noé soc te snich'nab, hich la yalbe: Sitinan, p'ohla abahic, nojesahic te q'uinale.

Génesis 9:7

Te ha'exe sitinan soc p'ohla abahic, al-nich'anajanic, nojesahic te bahlumilal, xchi te Diose.

Levítico 26:9

yu'un ho'on ya suhton ta atojolic, ya cac' xp'ohluquex, ya cac' esmajuquex soc ya cac' c'ohtuc ta acuentahic te chapbil-c'op cu'une.

Génesis 1:22

Dios la yac'ticlambe bendición, hich la yal: Sitinanic soc p'ohla abahic, nojesahic te ha'etic ta maretic soc ac'a sp'ohl sbahic te mutetic ta bahlumilal, xchi.

Isaías 45:18

Como hich ya yal te Jehová, te la spas te ch'ulchan, te ha Dios stuquel, te la spas te lumq'uinal soc la schahpan, la ya'be yich' yip. Ma tojoluc la spas, ha la spas scuenta yu'un ay mach'atic ya xnahinic tey a: Ho'on Jehovahon, mayuc yan.

Génesis 17:20

Yan te Ismael, la jca'iy te bin la awal. Ya ca'be bendición, ya cac' p'ohluc bayel sts'umbal; ha stat lahchayeb ajwaliletic ya xc'oht, soc muc'ul nación ya xc'oht cu'un.

Génesis 8:17

Soc ya me aloq'ues spisil te chambahlametic te sjoquinejat, spisil ta chahp mutetic, chambahlametic, soc te bintic staslajan ya xbehenic ta lumq'uinal; behenanic ta q'uinal, sitinan soc p'ohla abahic ta bahlumilal, xchi.

Salmos 107:38

Dios ya ya'be bendición, c'ax bayel ya xp'ohlic, soc ma ba ya yac' te ya xpehc'aj te wacaxetic yu'unique.

1 Crónicas 4:10

Te Jabes la sc'opon te Dios yu'un Israel, hich la yal: A'bon bendición soc muc'ubtesbon jq'uinal; coltayawon soc ac'awon ta libre yu'un te bin chopol, scuenta yu'un ma xc'ax jwocol a, xchi. Hich a'bot yu'un Dios te bin la sc'ane.

Génesis 26:24

Te Jehová tey la yac' sba ta ilel ta ahc'abal ta stojol, hich la yalbe: Ho'on Dioson yu'un te atat Abraham, ma me xiwat, yu'un joquinejat, ya ca'bat bendición, ya cac' p'ohluc ats'umbal ta scuenta bin ut'il c'ux ta co'tan te ca'bat Abraham, xchi.

Génesis 17:16

Ya ca'be bendición, soc ya ca'bat anich'an ta scuenta. Hich, ya ca'be bendición soc ha nanil ya xc'oht yu'un bayel nacionetic; ya xchicnaj ta scuenta bayel ajwaliletic, xchi.

Génesis 49:25

ta scuenta te Dios yu'un atat, te ha ya scoltayat, ta scuenta te Dios te spisil ya xhu' yu'un, te ya ya'bat bendición, ha te bendicionetic yu'un te ch'ulchan ay ta toyol, ha te bendicionetic yu'un te sc'ubulil ha' ay ta ye'tal, ha te bendicionetic yu'un chu'ul soc yalajib ants.

1 Crónicas 26:5

swaquebal Amiel, shuquebal Isacar, soc swaxaquebal Peultai. Como te Dios ya'beyej bendición te Obed-edom.

Génesis 33:5

Te Esaú la shach sit, la yil te antsetic soc te alaletic, hich la sjoc'oy: ¿Mach'atic a ini? xchi. Ha te alaletic te Dios ya'beyej te a'bat awu'un, xchi te Jacob.

Génesis 24:60

La ya'beyic bendición te Rebeca, hich la yalic: Ha'at quihts'inatcotic, ha'uc me nanil ya xc'ohat yu'un tsobol ta mil, soc te ats'umbal ya yu'untaybeyic spuertahul te scontratac, xchihic.

Salmos 69:34

¡Ac'a yalbeyic yutsil sc'oblal Jehová te ch'ulchan, bahlumilal, te maretic soc spisil bintic cuxajtic tey a!

Job 42:12

Te Jehová c'ax hich la ya'be bendición a te Job te bin ut'il ay ta nahil to. Ay jpic soc ho'lajunbahc' (14,000) tuminchijetic, ho'lajunbahc' (6,000) camellohetic, lajunwinic yoxbahc' (1,000) ta chahp j'a'tel-wacaxetic, soc lajunwinic yoxbahc' (1,000) me' burrahetic.

1 Timoteo 4:3

Ya xcomawanic ta nuhpunel soc ya yalic mandar te ay we'elil te ma me swe'ic, te ha nix pasbil yu'un Dios te ya swe'ic ta scuenta halbeyel wocol Dios te mach'atic sch'uhunejic soc te sna'ojic te bin melele.

Génesis 5:2

Winic soc ants la spas, soc la yac'ticlambe bendición. C'alal pasbilic yu'un la ya'be sbihilin ants-winic.

Salmos 8:6

La awa'be scuentahimbat te bintic apasticlanej ta ac'ab, la awa'be spisil ta ye'tal yoc:

Génesis 6:1

Te c'alal bin ora hahch sp'ohl sbahic te ants-winiquetic ta sba te bahlumilal soc te ayin yantsil-nich'nabic,

Job 39:11

¿Ya bal smuc'ulin awo'tan yu'un te bayel yip, soc ya bal awa'be spasbat te awa'tele?

Salmos 8:7

spisil tuminchijetic soc wacaxetic, soc te ha'mal chambahlametic,

Salmos 115:16

Yu'un Jehová te ch'ulchan, ha la ya'be te ants-winiquetic te lumq'uinale.