Génesis 1:16 - Bible in Tzeltal Bachajón

¹⁶ Dios la spas te cheb muc'ul c'ahq'uetic, ha te muc'ul c'ahc' te ya scuentahin te c'ahc'alel, soc te tut c'ahc' te ya scuentahin te ahc'abal. Soc la spas te eq'uetique.

Bible in Tzeltal de Oxchuc y Tenejapa

¹⁶ Dios la spas cheb muc'ul lucetic te ya xtilique: ja' ya swentain yaq'uel saquil q'uinal ta c'aaleltic te muq'ue, te ch'ine ja' ya swentain te ajc'ubale. Soc la spas te eq'uetique.

Génesis 1:16 Referans Kwoze

Deuteronomio 4:19

Soc ma me xatoy mohel asit ta ch'ulchan, te c'alal yac awil te c'ahc'al, u, eq'uetic, spisil te bintic ayic ta ch'ulchan, te ya yu'untaybat awo'tan, te yac aquejan aba ta stojolic soc te yac ach'uhuntay, como ta spisil ini te Jehová te Dios awu'un la yac'ticlambe spisil te nacionetic ta ye'tal te ch'ulchane.

Salmos 8:3

C'alal ya quil te ch'ulchan awu'un, te ya'tel ac'ab, soc te u soc te eq'uetic te apasoje,

Isaías 40:26

Toyahic mohel asitic, ilawilic: ¿mach'a la schicnajteslan spisil ini? ha te mach'a scholet ya sloq'ues te eq'uetic yu'un, ya yic'ticlan tal ta sbihil te jujune. Te bin ut'il c'ax muc' te yu'el soc te c'ax bayel yip, hich mayuc junuc ya xch'ay.

Salmos 148:5

Ac'a yalbeyahic yutsil sc'oblal te sbihil te Jehová, como ha la yal mandar, hich pastajic.

Salmos 74:16

Ha'at awu'un te c'ahc'alel, soc ha'at awu'un te ahc'abal; ha'at la awac' ayinuc ta yawil te u soc te c'ahc'ale.

Salmos 148:3

Halbeyahic yutsil sc'oblal, ha'ex c'ahc'al soc u; halbeyahic yutsil sc'oblal, ha'ex eq'uetic te ay ats'anabulic.

Job 38:7

te c'alal yacalic ta c'ayoj a spisil te eq'uetic ta sacubel q'uinal, soc te tse'el yo'tan awonic spisil te snich'nab te Diose?

1 Corintios 15:41

Yan yutsilal a te c'ahc'al, yan yutsilal a te u, yan yutsilal a te eq'uetic; yantic yilel yutsilalic ta jujun chahp.

San Mateo 27:45

Ohlil c'ahc'al a, ihc'ub q'uinal ta spisil te q'uinal, ha to c'alal ta oxeb ora suhtel c'ahc'al.

Habacuc 3:11

Tehc'aj te c'ahc'al soc te u ta banti ayic, yu'un te sjahts' te ya'tejibalul t'ihmalte' te t'im bahel, yu'un te sts'anabul te lanza te xlipet sjahts'.

Isaías 45:7

Ya jchahpan te sacal q'uinal soc ya jchicnajtes te yihc'al q'uinal, ya cac' lahmajuc q'uinal soc ya cac' taluc wocol. Ho'on Jehovahon ya jpas spisil ini.

Isaías 13:10

Te eq'uetic soc te xana-eq'uetic ta ch'ulchan ma ba ya yac' sc'ahc'al; ya x'ihc'ub te c'ahc'al te c'alal ya xloc' tal, soc te u ma ba ya yac' sts'anabul.

Salmos 19:6

Ta jehch sti'il ch'ulchan ya xloc' tal, ya xbehen bahel c'alal ta yan jehch; mayuc bin ya snac' sba yu'un te sq'uixinale.

Apocalipsis 21:23

Te muc'ul pueblo ma xtuhun yu'un te sts'anabul te c'ahc'al o te u, como ha sacuben q'uinal yu'un te yutsilal te Diose, soc ha jsacubtesej q'uinal te Jcolel Tuminchij.

Isaías 24:23

Ya xtsajub yu'un q'uexlal te u, ya xq'uexaw te c'ahc'al te c'alal ya x'och ta ajwalil ta wits Sión, ta Jerusalén te Jehová te scuentahinej spisil, soc te ya xtihl yutsilal ta stojol te mamaletic yu'une.

Job 31:26

teme la jquil te c'ahc'al te c'alal la yac' tal te sjahts', o te u te buen t'ujbil yac ta behele;

San Mateo 24:29

Xc'ax nax a te bayel wocole, ya x'ihc'ub te c'ahc'al, ma xyac' sts'anabul te u, ya xch'ay cohel tal ta ch'ulchan te eq'uetic soc ya me syuc' sbahic te bintic ay ta sjamalil ch'ulchan.

Génesis 1:15

Ac'a tihluquic ta sjamalil ch'ulchan yu'un ya sacubtes q'uinal ta bahlumilal, xchi. Hich c'oht yu'un.

Jeremías 31:35

Hich yaloj te Jehová, te ya yac' te c'ahc'al scuenta sacal q'uinal ta c'ahc'alel, soc te ya yalbe mandar te u soc te eq'uetic te ya xtihlic ta ahc'abal; te ya ya'be stij sba te mar soc ya xc'opoj te tulan stselajan, ha Jehová te scuentahinej spisil te sbihile, hich ya yal: