Génesis 1:11 - Bible in Tzeltal Bachajón

¹¹ La yal te Diose: Ac'a coluc ta lumq'uinal yaxal ha'maletic, ha te bic'tal ha'maletic te ya yac' sbac' soc te'etic te ya yac' sit, chican bin yilel sit ya yac' te jujuchahpe, xchi. Hich c'oht yu'un.

Bible in Tzeltal de Oxchuc y Tenejapa

¹¹ jich yu'un la yal: “Ac'a ch'iuc te'etic soc ch'in wamaletic ta lumq'uinal: te wamal te ya yac' sbaq'ue, soc te'etic te ya yac' site, chican bi yilel sit te juju-jchajp”, xi'. Jich pastaj yu'un.

Génesis 1:11 Referans Kwoze

Hebreos 6:7

Te lumq'uinal te ya yuch' te ha'al te bayel buelta ya xco tal tey a, soc te ya yac' ts'unub awaletic te ya xtuhun yu'un te mach'atic la schahpanic te lume, ya yich' bendición yu'un Dios.

Salmos 147:8

Ha ya smac ta tocal te ch'ulchan, ya yac' tal ha'al ta bahlumilal, ya yac' coluc aquiltic ta witsiltic.

Génesis 1:29

La yal te Diose: La jca'beyex spisil te bintic ya xcol ta lumq'uinal te ya yac' sbac', soc spisil te'etic ya sitin, ha me yac awe'elinic.

Génesis 2:9

Te Jehová Dios la yac' coluc ta lumq'uinal spisil ta chahp te'etic te t'ujbil ta ilel soc te lec ta lo'beyel sit. Soc ta yohlil te ts'umbil q'uinal ay te te' scuenta cuxlejal soc te te' scuenta sna'el te bintic lec soc te bintic ma lecuque.

San Marcos 4:28

como stuquel ya yac' sitinuc te q'uinal: nahil te ya'binal, patil te snich, patil ya xnoj ta sit.

San Mateo 6:30

Teme hich a'bot sc'u'in yu'un Dios te ha'mal te junax c'ahc'al cuxul soc ta yan c'ahc'al ya yich'ix chiq'uel a, ¿ma bal c'axuc to xan hich ya spasbeyex a, ha'ex te mayuc lec sch'uhunel awo'tanique?

Job 28:5

Ta sba te lumq'uinal ya xcol tal we'elil, pero ta yutil c'atp'ujem ta c'ahc',

Salmos 1:3

Hich ya xc'oht te bin ut'il te' te ts'umbil ta ti' muc'ul-ha', te ya yac' sit ta yorahil soc ma xluhbaj te ya'binal; soc lec ya xc'oht spisil bintic ya spas.

Génesis 2:5

ma to ayuc te'etic ta lumq'uinal a soc ma to chicanuc ha'maletic a, como te Jehová Dios ma to ba la yac' tal ha'al ta bahlumilal soc ma to ayuc winic a te ya x'a'tej ta lumq'uinal;

Santiago 3:12

Quermanotac, ¿ya bal xhu' ya yac' aceituna te higuera-te', o ya bal xhu' ya yac' higo ta ts'usubiltic? Ha nix hich te sloq'uib ha' ma xhu' ya yac' chi'il ha' soc ha' ay yats'amul.

San Mateo 3:10

Te echej chapalix yu'un sbojel te slohp' te te'etique. Ha yu'un spisil te te'etic te ma ba lec sit ya yac' ya yich' ts'etel soc ya yich' otsesel ta c'ahc'.

Jeremías 17:8

Hich ya xc'oht te bin ut'il jtehc' te' ts'umbil ta ti'ha' te ya yac' bahel slohp' ta banti ya x'oquin bahel te ha'e. Ma ba ya xi' te c'alal ya xtal sc'uxul c'ahc'al, stalel yax ya'binal a. Ta ha'bil te ya xtaquij te q'uinal ma ba ya smel yo'tan soc ma ba ya xquehchaj ta yaq'uel sit.

Génesis 2:16

Te Jehová Dios hich la spas ta mandar te winique: Spisil te'etic ay ta ts'umbil q'uinal ya xhu' yac alo'be sit,

1 Corintios 15:38

Dios ya ya'be sbaq'uetal, ha chican yo'tan stuquel bin yilel, te jujuchahp awalil ay sbaq'uetal yu'un.

Génesis 1:12

Hich col te yaxal ha'maletic ta lumq'uinal: ha te bic'tal ha'maletic te ya yac' sbac' te site, soc te te'etic te ya yac' sbac' te site, chican bin yilel sit ya yac' te jujuchahpe. Lec la yil te Diose.

Isaías 61:11

Hich te bin ut'il te lumq'uinal ya yac' loc'uc spuhl, soc te ts'umbil q'uinal ya yac' ch'ihyuc te bin ts'umbile, ha nix hich te Cajwaltic Jehová ya yac' puhlinuc te bin stojil ta pasel soc te yutsil c'oblalil ta stojol spisil te nacionetique.