Gálatas 6:3 - Bible in Tzeltal Bachajón

³ Teme ay mach'a muc' ya sp'is sba, te melel mayuc sc'oblal, ha nix ya slo'loy sba.

Nuevo Testamento Tzeltal de Amatenango

³ Teme ay machꞌa skuyoj sbaix te lek aye kꞌalal maꞌyuk tut ya xjuꞌ yuꞌune, stukel nax mismo sloꞌlayej sba.

Bible in Tzeltal de Oxchuc y Tenejapa

³ Melel teme ay mach'a scuyojix sba ta muc' teme ma meleluque, jich slo'layej sba stuquel a.

Gálatas 6:3 Referans Kwoze

Proverbios 26:12

¿Ay bal awiloj te mach'a ya scuy sba ta p'ij? ¡Ay xan bin lec ay ta mahliyel yu'un te mach'a ma sna' q'uinal te bin ut'il te mach'a ya scuy sba ta p'ij!

1 Corintios 3:18

Ma me ayuc mach'a ya slo'loy sba; teme ay mach'a ay ta awohlilic te ya scuy sba ta p'ij ta scuenta te bahlumilal ini, ac'a sp'is sba te mayuc bin ya sna' scuenta yu'un hich ay sp'ijil yo'tan ya xc'oht.

1 Corintios 8:2

Teme ay mach'a ya scuy te ay bin ya sna', ma to hichuc sna'oj a te bin ut'il ya sc'an ya na'e.

Romanos 12:3

Ta scuenta te bin a'bilon yu'un Dios, ya calbeyex ta apisilic te ma me c'ax hich muc' yac acuy abahic a te bin ut'il ya sc'ane, yich'ojuc me scuentahil te yac ap'is abahic, ha chican hich smuc'ul sch'uhunel awo'tan a'botex yu'un Dios ta jujutuhlex.

2 Corintios 3:5

Ma yu'unuc ya calcotic te jtuquel-o'tancotic ya xhu' cu'uncotic; ha nix Dios ya yac' te ay bin ya xhu' cu'uncotic spasel.

1 Corintios 13:2

Teme ya cal sc'op-jalwanej soc na'bil cu'un spisil bintic wocol ta na'el soc spisil bintic ay ta na'el, teme ay bayel sch'uhunel co'tan te ha ya sjelbe yawil witsiltic ta scuenta, pero teme mayuc sc'uxul co'tan, tojol ayon.

1 Juan 1:8

Teme ya caltic te mayuc jmultic, ya jlo'loy jbahtic, ma ba ay ta co'tantic te smelelil c'ope.

Romanos 12:16

Junuc me awo'tan abahic. Ma me xatoy abahic, joquinahic te mach'atic peq'uel ayique. Ma me p'ijuc xacuy abahic.

San Lucas 18:11

Te fariseo la stehc'an sba, hich hahch yal sba ta sc'oponel Dios: Dios, wocol awal te ma hichucon te bin ut'il yantic winiquetic: ha j'eleq'uetic, ma tojuc yo'tanic, j'antsiwejetic, soc wocol awal te ma hichucon te bin ut'il te jc'an-patan ini.

Santiago 1:22

Pasahic te bin ya yal te sc'op Dios, ma ha'uc nax te yac awa'iyic, te hich yac alo'loy abahic a.

Proverbios 25:14

Hich te bin ut'il tocaletic soc ic' te mayuc ya'lel, hich ay te mach'a ya stoy sba yu'un te mahtanil te ma ba yac'oje.

Santiago 1:26

Teme ay mach'a sch'uhunej Dios ta sc'op, pero teme ma ba ya scom ye, ya slo'loy sba ta yo'tan, tojol te sch'uhunej Dios ya yale.

2 Timoteo 3:13

Yan te mach'atic chopolic soc te jlo'loywanejetic behbe bohlobelic stuquel, ya xlo'loywanic soc ha nix lo'loybilic.

2 Corintios 12:11

Hich jpasoj jba te bin ut'il mach'a ma sna' q'uinal, pero ha'ex la awa'bonic te hich jpase. Ya sc'an te ha'uquex yac awalbonic lec jc'oblal, como ma ba peq'uel ayon yu'un te muc'ul jpuc-c'opetic, aunque mayuc jc'oblal te ho'one.

Gálatas 2:6

Pero te mach'atic hich ya'iyel te ay sc'oblalic (ma yu'unuc ay sc'oblal ta co'tan bin ut'il ayic; Dios ma tsahbiluc nax mach'a ay sc'oblal yu'un), te mach'atic ay sc'oblalic mayuc bin yach'il la ya'bonic jna'.

Hechos 5:36

Como ta nahil to chicnaj jtuhl winic, ha te Teudas, te la yal sba te bayel sc'oblal. Ay wan jbahc' (400) ta tuhl te la stsob sbahic soc, pero laj ta milel, hich puhquic bahel spisil mach'atic t'unot yu'un, hich mayuc scuentahil c'oht.

Gálatas 2:9

Te Jacobo, Cefas soc te Juan, te ich'bilic ta cuenta te ha yoyal te iglesia, c'alal la yilic te a'tel te a'bibilon, la ya'botcotic swa'el-c'abic ho'on soc te Bernabé scuenta seña te jmohlol jbahtic ta a'tel, scuenta yu'un ho'otcotic ya xbohotcotic ta stojol te jyanlumetic, yan stuquelic ya xbahtic ta stojol te mach'atic yich'ojic circuncisión.