Gálatas 5:21 - Bible in Tzeltal Bachajón

²¹ ti'ti'o'tantaywanej, yacubel, spasel bohlq'uin, soc yantic bintic pajal soc. Ya jtsitsex yu'un spisil ini, hich te bin ut'il la jcalbeyex ta nahil to, te mach'atic hich ya spasulanic ma ba ya x'a'bot yich'ic te cuentahinel yu'un te Diose.

Nuevo Testamento Tzeltal de Amatenango

²¹ Jꞌil-oꞌtanetik, jmilawetik, jyakubeletik, jpas-kꞌinetik te tut ma tsaꞌamuke, y ay xan yanetik te pajal soke. Jaꞌ ya kakꞌ anaꞌik te jaꞌexe yuꞌun nail a kalbeyex: Te machꞌatik jich ya snop spasele, ma xjuꞌ ya xkꞌot te ba ay ta ajwalil te Diose.

Bible in Tzeltal de Oxchuc y Tenejapa

²¹ jbic'tal-o'tanetic, jmilawaletic, jyacubeletic, jpas-q'uinetic, soc ay to xan yan te pajal soc te bila ya spasique. Ya jtac'uyex jich bit'il te la calbeyex ta neelale: Te mach'atic jich yat'elique, ma ba ya xc'o ainuquic tey a ta banti ay ta ajwalinel te Diose.

Gálatas 5:21 Referans Kwoze

Romanos 13:13

Lecuc me ac'a ayinucotic ta q'uinal, hich te bin ut'il ya sc'an ta c'ahc'alel; ma me ha'uc ya xbaht ta co'tantic puro we'el soc yacubel, ma me xca'iytic antsiwej soc ma me xawac' abahic ta antsinel, ma me xca'iytic chijil-o'tanil, ma me xca'iytic hach-c'op soc ti'ti'o'tantaywanej.

Romanos 8:13

como teme ha yac awa'telinic spasel te bin ya smulan stuquel, ya me xlajex yu'un; yan teme ta scuenta te Espíritu yac awac' ta lajel te ya'tel te jmulawil baq'uet, ya me xcuxajex yu'un.

Efesios 5:18

Ma me xyacubex yu'un vino, te ha ya xbohlobteswan; ha'uc me nojel ta awo'tanic te Ch'ul Espíritu.

1 Corintios 5:11

Pero ya jts'ihbabeyex te ma me xajoquinic te mach'a ya scuy sba ta hermano, teme ha j'antsiwej, o te ay st'ut'il, sch'uhunej lotil diosetic, j'ixta'c'op, jyacubel o j'elec'; ma me xajoquin abahic ta we'el soc.

Apocalipsis 21:27

Ma x'och tey a te bin bohloben sc'oblal o te mach'a ya spas bin ilobtic sba o te mach'a ya ya'iy lot; ha nax te mach'atic ts'ihbabil sbihilic ta libro scuenta cuxlejal yu'un te Jcolel Tuminchij.

1 Pedro 4:3

Tic'uquix a te yorahil te c'axix awu'unic ta spasel te bin ya smulanic spasel te mach'atic ma ba ya sna'be sba te Diose, ha te ma q'uexlalil, chijil-o'tanil, yacubel, pas-q'uin, yac'oltayel q'uinal, soc sch'uhuntayel lotil diosetic te ihlaybilique.

Colosenses 3:6

Ha ta scuentahic ini te ya xtal te yilimba Dios ta stojol te jc'axun-c'opetique.

1 Tesalonicenses 5:7

Como te mach'atic ya xwayic, ta ahc'abal ya xwayic, soc te mach'atic ya xyacubic, ta ahc'abal ya xyacubic.

1 Corintios 15:50

Pero ya calbeyex, quermanotac, te ch'ich'-baq'uet ma xhu' ya x'a'bot yich' te cuentahinel yu'un Dios, soc te bin scuenta c'a'el ma xhu' ya x'a'bot yich' te bin ma xc'a'e.

Apocalipsis 22:15

Yan te ts'i'etic, te j'ilojeletic, j'antsiwejetic, j'antsineletic, jmilawetic, te mach'atic sch'uhunejic loc'ombahetic soc spisil mach'atic te ya smulanic te ya ya'iyic lot, ya me xhilic ta pat ts'ahc stuquelic.

San Mateo 25:34

Te ajwalil hich me ya yalbe te mach'atic ayic ta swa'el: La'ic, ha'ex te a'botex bendición yu'un te Jtat, ich'ahic hilel te cuentahinel yu'un Dios te chahpambotex ta shachel to tal bahlumilal,

Isaías 3:11

¡Ay me swocol te mach'a chopol! Ma ba lec ya xc'oht ta loq'uel, como ya x'a'bot stojol sc'ab ha chican te bin spasojique.

San Lucas 21:34

Tsahtaya abahic te manchuc ya xbic'taj awo'tanic yu'un yac'oltayel cuxlejalil, yacubel soc sna'ulanel bin ut'il ya xcuxajex, yu'un ya xan awilic c'ohtix yorahil,

Deuteronomio 21:20

hich ya xc'oht yalbeyic: Ha'i cal-jnich'ancotic ini mero tulan yo'tan soc toyol yac'oj sba, ma ba ya sch'uhun jc'opcotic, ha nax bahem ta yo'tan we'el soc yacubel, xchihic.

Hebreos 13:4

Apisilic ich'biluc me ta muc' awu'unic te nuhpunel, ma socuc mulil te yac awic' abahique. Ya me x'ich'otic ta c'op yu'un Dios te mach'atic ya ya'iyic chijil-o'tanil soc te ya ya'iyic antsiwej soc antsinel.

2 Tesalonicenses 2:5

¿Ma bal yacuc ana'ic te hich nix la jcalbeyex a te c'alal joquex to ahe?