Gálatas 5:12 - Bible in Tzeltal Bachajón

¹² ¡Ayuc ya yehchentes sbahic ta c'axel te mach'atic yac sjimbelex awo'tanique!

Nuevo Testamento Tzeltal de Amatenango

¹² Pero te machꞌatik yipalik ta xchebentesel awoꞌtanik te jaꞌexe, lek te jaꞌuk ya yichꞌik ejchentesel ta jmel nax stukelike.

Bible in Tzeltal de Oxchuc y Tenejapa

¹² Ja'uc me to, te mach'atic yacalic ta yuts'inbelex awo'tanic yu'un te circuncisione, ¡ja' lec te ayuc bit'il jc'axeluc ya sjosic loq'uel sc'olol te sbaq'uetalique!

Gálatas 5:12 Referans Kwoze

Gálatas 5:10

Ta scuenta te Cajwaltic sch'uhunej co'tan te ma ba yan bin yac anopique; pero te mach'a yac schebalc'optaybelex ya me x'a'bot castigo, mach'ayuc a.

1 Corintios 5:13

Te mach'atic ma ba ayic ta iglesia ya me yich'ic chahpanel yu'un Dios. Ha yu'un loq'uesa ta awohlilic te mach'a c'ax chopol bin spasoje.

Tito 3:10

Teme ay mach'a ya yac' jatamba, teme la atsits jun cheb buelta, loq'uesa,

Josué 7:25

Te Josué hich la yalbe: ¿Bin yu'un la awac' jwocolcotic? Te Jehová ac'a ya'bat awocol yo'tic, xchi. Hich spisil te snich'nab Israel la sch'ojic ta ton soc la schiq'uic te c'alal laj sch'ojbelic ta ton.

Levítico 22:3

Halbeya ya'iyic te mach'ayuc winiquil ta spisil ats'umbal ta cajalcaj awu'unic, teme bohloben sc'oblal a ya xnohpoj tal ta stojol te bin ch'ultesbil ya ya'bonic te snich'nab Israel, ya me yich' loq'uesel ta jtojol. Ho'on, Jehovahon.

Éxodo 30:33

Mach'ayuc a te ya spas yan aceite te pajal soc, o teme ya smal mach'ayuc a, ya me yich' loq'uesel ta yohlil te pueblo yu'un, xchi.

Éxodo 12:15

Huqueb c'ahc'al yac awe'ic pan te ma ba yich'oj levadura. Ta sba c'ahc'alil ya me aloq'uesic spisil levadura ta anahic, yu'un mach'ayuc a te ya swe' te bin yich'oj levadura ta sba c'ahc'alil ha to ta shuquebal c'ahc'al ya me yich' loq'uesel ta Israel.

Génesis 17:14

Yan te mach'a ma ba yich'oj circuncisión ya yich' loq'uesel ta alumal, como la sc'axuntaybon te chapbil-c'op cu'un, xchi.

Gálatas 2:4

aunque muquen ochic ta cohlilcotic yu'un ya yotsesotic ta mosohil te mach'atic sp'isoj sbahic te ha quermanotactic yu'un ya stsahtayic bin ut'il ay te libre ayotic ta scuenta Cristo Jesús.

Hechos 15:24

La jca'iycotic te ay loq'uem ta cohlilcotic cha'oxtuhl te mayuc bin jpasojcotic ta mandar, te la ya'beyex amel awo'tanic soc la ya'beyex awocolic yu'un te bin la yalique.

Hechos 5:9

Halbot yu'un te Pedro: ¿Bin yu'un te la achapic te yac atsajic te Espíritu yu'un te Cajwaltique? Ilawil, chicanix ta talel yoquic ta ti'nahil te mach'atic la smucbatix te amamalale, ha nix hich ya me sq'uechat bahel, xchi sc'oblal.

Hechos 5:5

C'alal hich la ya'iy te Ananías, puch' bahel ta lum, toj chamel. Spisil te mach'atic la ya'iyic bayel xiwic yu'un.

San Juan 9:34

La sjaq'uic: Ta scuenta mulil te ayinat, ¿ha'at bal yac anohptesotcotic? la yutic. Hich la stenic loq'uel.

Josué 7:12

Ha scuentahil te ma xhu' ya stsalic te scontra te snich'nab Israel, te ha ya xloq'uic ta ahnel ta stojol te scontra, como ha'ic nix parte ac'biliquix ta scuenta lajel. Ma ba ya joquinexix teme ma ba yac alajin ta awohlilic te bintic parte ac'bil ta scuenta lajel.

Deuteronomio 23:1

Ma xhu' ya x'och ta tsoblej yu'un Jehová te mach'a t'usbil stomutil sbac', o teme xot'bil loq'uel ste'el.

Génesis 30:34

Ha yu'un la yal te Labán: Lec ay, hich ac'a c'ohtuc te bin yac awale, xchi.