Gálatas 5:11 - Bible in Tzeltal Bachajón

¹¹ Quermanotac, teme yacon to ta yalel te ya sc'an circuncisión, ¿bin yu'unix a hiche te yacon ta uts'inel? Te hichuque, la yich'ix loq'uesel te bin chopol ya ya'iyic sc'oblal te cruz.

Nuevo Testamento Tzeltal de Amatenango

¹¹ Te joꞌone, kermanotak, te jaꞌuk to ya kakꞌ ta pasel te ya xchꞌuunik yichꞌel te sirkunsisione, maꞌyukon ta tenel yuꞌun te juriyoetik te jichuke. Sok ma kolauk ya yaꞌiyik te skꞌoplal te laj ta krus te Cristoe.

Bible in Tzeltal de Oxchuc y Tenejapa

¹¹ Jich yu'un, quermanotac, te yu'unuc ya to cac' ta ch'uunel te circuncisione, ma'yucon ta uts'inel yu'un judioetic te jichuque. Soc ma swentauc cojchinjibal ta stojolic te bit'il ay ta alel ta bayuc te laj ta cruz te Cristo te jichuque.

Gálatas 5:11 Referans Kwoze

1 Corintios 1:23

yan te ho'otic ya calbetic sc'oblal te cham ta cruz te Cristo: te ha c'ohchinojibal c'ohem yu'un te judíohetic, soc ha howil c'op cuybil yu'un te griegohetique;

Gálatas 6:12

Te mach'atic ya sc'anic te ya x'ich'otic ta muc' ta scuenta sbaq'uetalic, ha yac sujbelex ta yich'el circuncisión, ha nax yu'un te manchuc ya yich'ic uts'inel ta scaj te cruz yu'un te Cristo,

Gálatas 4:29

Pero hich te bin ut'il ta namey, te mach'a ayin ta scuenta ch'ich'-baq'uet la yuts'in te mach'a ayin ta scuenta te Espíritu, ha nix hich ta ora ini.

Gálatas 2:3

Te Tito te sjoquinejon, te ha griego, ma ba la sujic te ya yich' circuncisión,

1 Corintios 15:30

Soc ¿bin yu'un te spisil ora quechelotcotic ta wocol?

Hechos 21:21

Pero puhquem ac'oblal ta stojolic te ha'at yac awa'be snop spisil judíohetic te nahinemic ta yohlil jyanlumetic te ma me sch'uhuniquix te bin ya yal Moisés, te yac awalbe te ma me xya'beyiquix yich' circuncisión te snich'anic soc te manchuc ya spasiquix te jcostumbretique.

Gálatas 6:17

Ta ora ini soc ta patil, ma me ayuc mach'a ya yuts'inonix, como quich'oj ta jbaq'uetal te marcahetic yu'un Jesús.

1 Corintios 1:18

Te mach'atic ch'ayel ya xbahtic, howil c'op cuybil yu'unic sc'oblal te cruz, yan te ho'otic te ya xcolotic, ha yu'el te Diose.

Hechos 21:28

hich la yalic ta aw: ¡Winiquetic yu'un Israel, coltayawotcotic! Ha te winic ini te ya yac' ta nopel ta bayuc te bin scontra te jlumaltic, te Ley soc te lugar ini. Soc ma ha'uc nax, la yic'ticlanix ochel griegohetic ta Templo, hich la sbohlobtesbe sc'oblal ha'i ch'ul lugar ini, xchihic ta aw.

Hechos 16:3

Te Pablo la sc'an ya yic' bahel te Timoteo; ha yu'un la ya'be yich' circuncisión ta scaj te judíohetic te tey ayic a, yu'un spisil sna'ojic te griego-winic te state.

Isaías 8:14

Ha ch'ul awilal ya xc'oht; pero ha ton scuenta c'ohchinojibal ya xc'oht soc ha jyahlteswanej ya xc'oht ta stojol te cheb na yu'un Israel, ha lazo soc syacol te mach'a nahinem ta Jerusalén.

Gálatas 3:1

¡Galaciahetic, ma xana'ic q'uinal! ¿Mach'a la smombeyex awo'tanic scuenta yu'un ma ba yac ach'uhuniquix te smelelil c'op, te ha'ex te jamal a'botex awil ta asitic bin ut'il laj ta cruz te Jesucristo?