Gálatas 5:10 - Bible in Tzeltal Bachajón

¹⁰ Ta scuenta te Cajwaltic sch'uhunej co'tan te ma ba yan bin yac anopique; pero te mach'a yac schebalc'optaybelex ya me x'a'bot castigo, mach'ayuc a.

Nuevo Testamento Tzeltal de Amatenango

¹⁰ Y te joꞌone jich ay ta koꞌtan ta skuenta te Kajwaltike te ma me tut yan ya anopik te jaꞌexe. Pero Dios ya me yaꞌbe kastigo te machꞌatik ya xchebentesbeyex awoꞌtanike, ma yocheluk machꞌauk a.

Bible in Tzeltal de Oxchuc y Tenejapa

¹⁰ Xch'uunej co'tan te ma'yuc yan te bila ya anopic ta swenta te Cajwaltique. Ja'uc me to, Dios me ya yac'bey castigo te mach'a ya xchebantesbeyex awo'tanique. Chican mach'a a.

Gálatas 5:10 Referans Kwoze

Gálatas 5:12

¡Ayuc ya yehchentes sbahic ta c'axel te mach'atic yac sjimbelex awo'tanique!

Filipenses 3:15

Ha yu'un jpisiltic te ayix yip co'tantic, pajaluc me hich ac'a jnoptic; teme ay yan bin yac anopic, ha nix hich Dios ya me ya'beyex ana'ic.

Gálatas 1:7

Ma yu'unuc te ay yan lec yach'il c'op, ha nax te ay mach'atic ya showiytesex soc ya sc'an ya syanijtesic te lec yach'il c'op yu'un te Cristo.

2 Corintios 2:3

Hich la jts'ihbabeyex scuenta yu'un te c'alal ya xc'ohon ma ba ya ya'bonic jmel co'tan te mach'atic sc'oblal ya ya'bon stse'elil co'tan. Sch'uhunej co'tan te ha awu'unic ya xc'oht te stse'elil co'tane.

1 Timoteo 1:20

Hich te bin ut'il la spasic te Himeneo soc te Alejandro, te la jcaq'uic ta sc'ab Satanás scuenta yu'un ya snopic te ma me sbohlc'optayic te Diose.

Gálatas 6:17

Ta ora ini soc ta patil, ma me ayuc mach'a ya yuts'inonix, como quich'oj ta jbaq'uetal te marcahetic yu'un Jesús.

Gálatas 4:17

Te yantic xut'et yo'tanic ta atojolic, pero ma ha'uc yu'un alequilic; ha nax ya sc'anic te parte yac awac' abahic ta jtojolcotic, scuenta yu'un ayuc xut'et awo'tanic ta stojolic a.

Gálatas 3:1

¡Galaciahetic, ma xana'ic q'uinal! ¿Mach'a la smombeyex awo'tanic scuenta yu'un ma ba yac ach'uhuniquix te smelelil c'op, te ha'ex te jamal a'botex awil ta asitic bin ut'il laj ta cruz te Jesucristo?

Gálatas 2:6

Pero te mach'atic hich ya'iyel te ay sc'oblalic (ma yu'unuc ay sc'oblal ta co'tan bin ut'il ayic; Dios ma tsahbiluc nax mach'a ay sc'oblal yu'un), te mach'atic ay sc'oblalic mayuc bin yach'il la ya'bonic jna'.

Gálatas 2:4

aunque muquen ochic ta cohlilcotic yu'un ya yotsesotic ta mosohil te mach'atic sp'isoj sbahic te ha quermanotactic yu'un ya stsahtayic bin ut'il ay te libre ayotic ta scuenta Cristo Jesús.

2 Corintios 10:6

Soc teme ts'acalix yac ach'uhunic mandar, chapalotic te ora nax ya ca'becotic castigo spisil jc'axun-mandar.

1 Corintios 5:5

ac'a yich' aq'uel ta sc'ab Satanás te winic scuenta yu'un ya xc'ax swocol ta sbaq'uetal, scuenta yu'un hich ya xcol sch'uhlel a te c'alal ya xtal te Cajwaltic Jesús.

Hechos 15:24

La jca'iycotic te ay loq'uem ta cohlilcotic cha'oxtuhl te mayuc bin jpasojcotic ta mandar, te la ya'beyex amel awo'tanic soc la ya'beyex awocolic yu'un te bin la yalique.

Filemón 1:21

La jts'ihbabat yu'un sch'uhunej co'tan te yac ach'uhumbon jc'op, soc ya jna' te c'ax hich yac apas a te bin ut'il la jcalbate.

2 Tesalonicenses 3:4

Ta scuenta Cajwaltic sch'uhunej co'tancotic te hich nix yac apasbelic a soc hich ya xc'oht ta pasel awu'unic te bin la jpasexcotic ta mandare.

Gálatas 4:20

co'tan ayucon ta awohlilic ta ora ini soc te yacuc xyanij te bin ut'il ya xc'opojon, yu'un xna'et co'tan awu'unic.

Gálatas 4:11

Ya jxi' te tojol a'tejemon ta awohlilic.

2 Corintios 13:10

Ha scuentahil te la jts'ihbabeyex te carta ini te c'alal ma to ba joquex a, scuenta yu'un te c'alal ya xc'ohon ma ba tulan ya jtuhun te yip ca'tel te ya'beyejon te Cajwaltic yu'un ya yich' yip awo'tanic, ma yu'unuc ajinelic.

2 Corintios 10:2

hawocolicuc, te c'alal ya xc'ohon manchuc me tulan ya cac' jba te hich jnopoj te ya jpas ta stojol te mach'atic scuyojic te ha ta scuenta nax ch'ich'-baq'uet te bin ya jpascotique.

2 Corintios 8:22

Soc ya jticombecotic sjoquinic bahel jtuhl quermanotic te bayel buelta quilojcotiquix te jun yo'tan, te hich ya xchicnaj ta scuenta bayel bintic spasoj, soc yo'tic c'ax to xan hich jun yo'tan a ta scaj te bayel smuc'ul yo'tan ta atojolic.

2 Corintios 7:16

Tse'el co'tan yu'un te ta spisil junix co'tan ta atojolic.

2 Corintios 5:16

Ha yu'un yo'tic soc ta patil bahel mayuc mach'a ya jna'becotic sba ta scuenta ch'ich'-baq'uet, aunque ta nahil to hich la jna'becotic sba te Cristo, ma hichuquix ta ora ini.

2 Corintios 2:6

Tic'uc a te castigo te tsobolex la awa'beyique.

2 Corintios 1:15

Te bin ut'il hich sch'uhunej co'tan, la jc'an te ha nahil ya quilex scuenta yu'un yac atahic stse'elil awo'tanic cheb buelta a.

Gálatas 5:7

Ta nahilal lec hahchex ta ahnimal, ¿mach'a la scomex ta sch'uhunel te smelelil c'ope?