Gálatas 5:1 - Bible in Tzeltal Bachajón

¹ Te Cristo la yac'otiquix ta libre scuenta yu'un libre ayotic, ha yu'un jc'axel ayinanic ta libre, ma me xawac' abahic xan ta chuquel ta yugo yu'un mosohinel.

Nuevo Testamento Tzeltal de Amatenango

¹ Te Cristoe la yakꞌotik ta libre, yuꞌun jich me libre ayotik a. Y ma me awakꞌ abaikix ta chukel yuꞌun te mosoile.

Bible in Tzeltal de Oxchuc y Tenejapa

¹ Te Cristo la yac'otic ta libre swenta yu'un jc'axel libre ayotic ta melel. Jich yu'un ma me xawac' abaic xan ta yugo yu'un te mosoile.

Gálatas 5:1 Referans Kwoze

2 Corintios 3:17

Te Cajwaltic, ha te Espíritu; soc te banti ay te Espíritu yu'un te Cajwaltic, ayic ta libre tey a.

Gálatas 5:13

Ha'ex, quermanotac, ic'bilex scuenta yu'un libre ya x'ayinex; pero ma yu'unuc libre ayex ta spasel te bin ya smulan abaq'uetalic; ha me ya sc'an te talel c'axel yac awa'batin abahic ta scuenta sc'uxul awo'tanic.

1 Pedro 2:16

Hich ac'a cuxajuquex te bin ut'il mach'a ay ta libre, pero ma me librehuc ayex ta spasel te bin chopole; hich ac'a cuxajuquex te bin ut'il a'batetic yu'un Dios.

Romanos 6:14

Como ma ba ya scuentahinexix te mulil, como ma ba ayex ta scuenta te Ley, ha ayexix ta scuenta te yutsil-o'tanile.

Romanos 8:2

como te ley yu'un te Espíritu te ya yac' cuxlejal ta scuenta Cristo Jesús la yac'onix ta libre yu'un te ley yu'un te mulil soc te lajele.

Gálatas 4:9

Pero yo'tic, te bin ut'il yac ana'beyiquix sba te Diose, o lec xan ya caltic te na'bilexix abahic yu'un Dios, ¿bin yu'un te ya xcha'suhtex xan ta apatic ta stojol te bintic mayuc yip soc te bintic scuenta bahlumilal, te c'an awac' xan abahic ta mosohil yu'un?

Hebreos 10:23

Ayuc me yip co'tantic spisil ora ta stojol te bin calojtic te yacotic ta smahliyel, ma me xchebetuc co'tantic, como ma xch'ay te bin yalojix te Diose.

Gálatas 2:4

aunque muquen ochic ta cohlilcotic yu'un ya yotsesotic ta mosohil te mach'atic sp'isoj sbahic te ha quermanotactic yu'un ya stsahtayic bin ut'il ay te libre ayotic ta scuenta Cristo Jesús.

Gálatas 4:31

Ha yu'un, quermanotac, ma ha'uc yalotic te moso-ants, ha yalotic te ants te libre ay.

Apocalipsis 3:3

Na'a me hiche te bin awich'oj soc awa'iyej; pasa soc suhtesa awo'tan. Teme ma ba yac acux awo'tan, ya xtalon ta atojol hich te bin ut'il j'elec', ma na'biluc awu'un bin ora ya xtalon.

2 Pedro 2:19

Ya yalbeyic te libre ya xc'ohtic, pero ha'ic nix mosohimbilic yu'un te bin ya xjinawan, como ha moso ya xc'oht yu'un te bin ya xtsalot yu'une.

1 Corintios 16:13

Wihc'a me asitic, ayuc me yip sch'uhunel awo'tanic, pasahic me lec winiquil, ac'ahic me fuersa.

Romanos 7:6

Pero yo'tic libre ayotiquix yu'un te Ley, te bin ut'il chamenotiquix ta stojol te bin la smosohinotic, scuenta yu'un ya cac' jbahtic ta a'batinel yu'un te bin yach'il yu'un te Espíritu, ma ha'uc yu'un te bin namey ts'ihbabil hilele.

Romanos 6:18

Libre ac'otex yu'un mulil, ha a'bat c'ohemexix yu'un te bintic toj ta pasele.

Isaías 61:1

Ay ta jtojol te espíritu yu'un te Cajwaltic Jehová, yu'un ha la stsahon te Jehová. La sticonon bahel ta yalbeyel lec yach'il c'op te pobrehetic; ta spoxtayel te mach'atic pich'il yo'tanic, ta yalbeyel te ya xcolic ta libre te mach'atic ayic ta chuquel, soc ta yalbeyel te mach'atic chuquelic te jamalix te cárcel;

Hechos 15:10

Ha yu'un ¿bin yu'un yac atsajic te Diose, ha te yac awa'beyic ta snuc' te jnopojeletic jun yugo c'ohem yu'un ya scuchic te bin ma ba hu' scuchbelic te jme'jtatic soc te ho'otique?

1 Corintios 7:22

Como te mach'a ay ta mosohil a te ic'ot yu'un te Cajwaltic, libre ay yu'un te Cajwaltic; ha nix hich te mach'a libre ay a te ic'ot yu'un te Cajwaltic, ha moso yu'un Cristo.

Salmos 51:12

A'bon yan buelta te yutsil co'tan yu'un te colel awu'une, soc a'bon slequil co'tan te tey ya quich' quip a.

Proverbios 23:23

Mana te bin smelelil, ma me xachon; mana p'ijil-o'tanil, nohptesel soc sna'beyel scuentahil.

Judas 1:3

Ha'ex te c'uxex ta co'tan, aunque tulan sc'oblal ta co'tan te ya jts'ihbabeyex sc'oblal te jcoleltique, hich la jc'an te ya jts'ihbabeyex yu'un ya ca'beyex yip awo'tanic yu'un yacuc xc'opojex yu'un te bintic jch'uhunejtic, te jc'axel a'bibil te mach'atic ch'ultesbilique.

Filipenses 1:27

Ha nax ya calbeyex wocol te hichuc ya x'ayinex te bin ut'il ya sc'an te lec yach'il c'op yu'un Cristo, scuenta yu'un teme ya xtal quilex o ma ba ya xtal quilex, ya me ca'iybeyex ac'oblalic te jun awo'tan abahic soc te pajal yaquex ta ya'beyel yipal yu'un sch'uhunel te lec yach'il c'op,

Efesios 6:14

Tehc'ana abahic hiche, chuca ach'uhtic ta smelelil c'op, lapa smahquil atahnic ta toj-o'tanil,

Apocalipsis 2:25

pero te bin ay awu'unic ich'ahic ha to c'alal ya xtalon.

Hebreos 4:14

Ha yu'un, te bin ut'il ay muc'ul sacerdote cu'untic te sohl bahel ta ch'ulchan, ha te Jesús te Snich'an Dios, ma me xquihquitaytic te bin jch'uhunejtique.

Hebreos 3:14

como jun c'ohemotic soc Cristo teme quich'ojtic c'alal ta slajibal c'ahc'al te smuc'ul co'tantic te ay cu'untic ta shahchibal.

Hebreos 3:6

Yan te Cristo, te bin ut'il ha nich'anil, jun yo'tan scuentahimbeyej te na yu'un Dios. Ho'otic te snahotic, teme stalel ay c'alal ta slajibal c'ahc'al te smuc'ul co'tantic soc te ya xtohy q'uinal ca'iytic yu'un te bin yacotic ta smahliyel.

2 Tesalonicenses 2:15

Ha yu'un, quermanotac, junuc me awo'tanic soc canantayahic te nohptesel te a'botex anopic, teme ta c'op o ta carta cu'uncotique.

1 Tesalonicenses 3:8

Hich cuxulotcotic xan la jca'iycotic te bin ut'il la jna'cotic te jun awo'tanic ta stojol te Cajwaltique.

Gálatas 4:26

Yan te Jerusalén ta toyol, libre ay stuquel, ha jnantic te ho'otique,

Gálatas 3:25

Te bin ut'il talix yorahil te ya cac' sch'uhunel co'tantic, mayucotiquix ta cuentahinel yu'un te jcanan al-nich'an.

1 Corintios 15:58

Ha yu'un, quermanotac te c'uxex ta co'tan, ayuc me yip awo'tanic soc junuc me awo'tanic, spisil ora behbehuc me ta muc'ubel awu'unic te ya'tel te Cajwaltic, como ana'ojic te ma tojoluc ya xc'oht te awa'telic yu'un te Cajwaltique.

San Mateo 23:4

Ya xchuquic ihcatsil te alic soc wocol ta ich'el bahel, ya ya'beyic ta snehquel te ants-winiquetic, pero ni jch'ixuc yal sc'ab ya scoltayic ta sliquel.

Romanos 7:3

Ha yu'un teme cuxul to te smamalal ya x'ic'ot yu'un yan winic, j'antsinel, xchi sc'oblal; yan teme cham te smamalale, hilemix ta libre yu'un te ley abi, teme ya x'ic'ot yu'un yan winic ma j'antsineluquix abi.

Romanos 8:15

yu'un ma ba awich'ojic te espíritu yu'un mosohinel scuenta yu'un ya xiwex yan buelta, ha awich'ojic te espíritu yu'un al-nich'antayel, te ha ta scuenta ya caltic: ¡Abba, Jtat! xchihotic.

2 Corintios 11:20

yu'un ya xcuhch awu'unic teme ay mach'a ya smosohinex, o teme ya slajimbeyex bin ay awu'unic, o ya spojbeyex abiluquic, ya stoy sba, o ya smajbeyex awelawic.

San Lucas 5:38

Te yach'il vino ya sc'an ya yich' pulel ta yach'il nuhcul, hich lec ya xhil schebal.