Gálatas 4:9 - Bible in Tzeltal Bachajón

⁹ Pero yo'tic, te bin ut'il yac ana'beyiquix sba te Diose, o lec xan ya caltic te na'bilexix abahic yu'un Dios, ¿bin yu'un te ya xcha'suhtex xan ta apatic ta stojol te bintic mayuc yip soc te bintic scuenta bahlumilal, te c'an awac' xan abahic ta mosohil yu'un?

Nuevo Testamento Tzeltal de Amatenango

⁹ Pero ta ora to ya anaꞌbeyikix sba te Diose, o jaꞌ mas lek ta alel te Dios ya snaꞌ abaik te jaꞌexe. ¿Tut yuꞌun te ya sujtex xan ta skuenta te tutꞌil maꞌyuk yip y te maꞌyuk spoderike, y te ya awakꞌ abaik ta mosoinel yuꞌune?

Bible in Tzeltal de Oxchuc y Tenejapa

⁹ Ja'uc me to, te bit'il la ana'beyiquix sba te Diose, soc te ja' la sna'beyex abaic stuquele, ¿bi la spas te awo'tanique, te ya sujt'ex xan ta mosoil yu'un te bila ma'yuc yip soc ma'yuc sc'oplal ta ch'uunele?

Gálatas 4:9 Referans Kwoze

1 Corintios 8:3

Yan te mach'a c'ux ya ya'iy ta yo'tan te Diose, na'bibil sba yu'un stuquel.

Gálatas 3:3

¿Yu'un bal ma xana'ic q'uinal? Te bin ut'il hahchex ta scuenta te Espíritu, ¿yo'tic bal yac ahu'tesic ta scuenta ch'ich'-baq'uet?

Romanos 8:3

Como te bin ma ba hu' yu'un te Ley ta scaj te mayuc yip te ch'ich'-baq'uet, Dios la spas te bin ut'il la sticon tal te Snich'an te hich nix sbaq'uetal te bin ut'il te jmulawil baq'uet, soc ta scaj mulil, hich la yac' ta tojel te mulil ta baq'uet,

1 Juan 5:20

Jna'ojtic te xtaluquix te Snich'an Dios soc te la yac' jna'tic q'uinal yu'un ya jna'betic sba te mach'a smelelil; soc ayotic ta stojol te mach'a smelelil, ha te Jesucristo. Ha me te mero Dios soc ha me te cuxlejal scuenta sbahtel q'uinal.

1 Crónicas 28:9

Soc ha'at, jnich'anat Salomón, na'a me te Dios yu'un te atate, ac'a aba ta a'batinel ta stojol ta spisil awo'tan soc ta sc'anojel awo'tan; como te Jehová ya yilbe yo'tanic spisilic soc ya sna' spisil te bintic ya snopic ta yo'tanic. Teme yac ale, yac ata ta lehel; yan teme yac awihquitay, ha ya sch'ayat hilel sbahtel q'uinal.

2 Pedro 2:20

Teme ahnemiquix loq'uel ta stojol te sbohlil te bahlumilal ta scuenta te ya sna'beyic sba te Jesucristo te Cajwaltic soc Jcoltaywanej cu'untic, teme ya xchuc xan sbahic soc ya xtsalotic yu'un, c'ax chopol ya xc'ohtic a te bin ut'il ta nahil to.

Hebreos 7:18

Hich laj sc'oblal te mandaril ay ta nahil to ta scaj te mayuc yip soc mayuc bin tuhun yu'un a,

2 Timoteo 2:19

Pero stalel ay te yich'o-ip yu'un Dios soc yich'oj te sellohil ini: Te Cajwaltic ya sna'be sba te mach'atic yu'une, xchi, soc: Ihquitayahic te bin chopol spisil mach'atic ya yich'ic ta muc' sbihil te Cristo, xchi.

Efesios 1:17

Ya jc'ambe te Dios yu'un te Cajwaltic Jesucristo, ha te Tatil yu'un utsilal, te yacuc ya'beyex espíritu yu'un p'ijil-o'tanil soc yu'un sna'el bin ac'bil ta na'el yu'un Dios, scuenta yu'un ya xhu' yac ana'beyic sba ta lec.

2 Corintios 4:6

Como te Dios te la yal mandar te ac'a sacubuc q'uinal ta banti ay yihc'al q'uinal, ha nix la yac' tal sts'anabul ta co'tantic scuenta yu'un hich ya jna'tic a te yutsilal Dios ta sit yelaw te Jesucristo.

1 Corintios 13:12

Ta ora ini yaxinal nax ya quiltic ta espejo; pero ta patil ya me quilbetic sit ta jsitic nix. Ta ora ini ma ba ts'acal jna'oj; pero ta patil ya me jna'be sba hich te bin ut'il ya sna'bon jba.

Éxodo 33:17

Te Jehová la yalbe te Moisés: Ya jpas te bin la awal, te bin ut'il lec ac'oblal ta jtojol soc te ya jna'bat te abihile, xchi.

Romanos 8:29

Como te mach'atic nahil la sna'be sba, ha nix la schahpan te pajal yilel ya xc'ohtic soc te Snich'ane, scuenta yu'un muc'ul banquilal ya xc'oht yu'un tsobol ihts'inaletic.

San Juan 17:3

Hich ay te cuxlejal sbahtel q'uinal: ha te ya sna'bat aba, te ha'at mero Diosat atuquel, soc te ya sna'be sba te Jesucristo te ticombil tal awu'une.

San Juan 10:27

Te tuminchijetic cu'un ya ya'iybonic jc'op soc ya jna'ticlambe sba, soc ya st'unonic;

San Juan 10:14

Ho'on te lequil jcanan-tuminchijon; ya jna'ticlambe sba te tuminchijetic cu'un, soc te tuminchijetic cu'un ya sna'bonic jba,

San Mateo 11:27

Spisil te bintic ay, a'bibilon ta jc'ab yu'un te Jtate; soc mayuc mach'a ya sna'be sba te Nich'anil, ha nax te Tatil te ya sna'be sba, soc mayuc mach'a ya sna'be sba te Tatil, ha nax te Nich'anil te ya sna'be sba soc te mach'atic ya sc'an ya x'a'botic sna'beyic sba yu'un te Nich'anil.

Habacuc 2:14

Como hich ya xnoj ta q'uinal sna'beyel yutsilal te Jehová, te bin ut'il te ha' ya snojes te mar.

Jeremías 31:34

Mayuquix mach'a ya snohptes te spat-xuhc, mayuc mach'a ya ya'be snop te yermano, te hich ya yal: Na'beya sba te Jehová, te xchihe, como spisilic ya me sna'bonic jba, muc' biq'uit, xchi te Jehová. Como ya jpasbe perdón yu'un te schopolilic soc ma ba ya jna'beyix xan te smulique, xchi.

Proverbios 2:5

hich me yac ana' a te xi'el te Jehová soc hich me yac ana'be sba a te Diose.

Salmos 9:10

Ha ya smuc'ulinat yo'tanic te mach'atic ya sna'bat abihil, como ha'at, Jehová, ma ba la awihquitay te mach'atic ya slehate.

Salmos 1:6

Como te Jehová ya scanantaybe sbe te mach'atic toj yo'tanic, yan te sbe te mach'atic chopol yo'tanic ya yac' te ch'ayel ya xbahtic.

1 Reyes 8:43

a'iybeya sc'op c'alal ta ch'ulchan, ta lugar te banti nahinemat, a'beya spisil bintic ya sc'ambat te jyanlum, scuenta yu'un spisil te pueblohetic ta bahlumilal ya sna'bat abihil soc ya yich'at ta muc', hich te bin ut'il te pueblo Israel awu'un, soc hich ya sna'ic a te ay ta halel abihil ta stojol te Na ini te la jpase.

1 Corintios 15:34

Cuxuluc me awo'tanic soc ma me xalehulan amulic, yu'un ay mach'atic ma ba ya sna'beyic sba te Diose. Scuenta aq'uexlalic te hich ya cal.

2 Corintios 11:20

yu'un ya xcuhch awu'unic teme ay mach'a ya smosohinex, o teme ya slajimbeyex bin ay awu'unic, o ya spojbeyex abiluquic, ya stoy sba, o ya smajbeyex awelawic.

Gálatas 4:3

Ha nix hichotic, te c'alal alalotic to a, ayotic ta mosohil yu'un te bintic scuenta te bahlumilale.

San Lucas 5:38

Te yach'il vino ya sc'an ya yich' pulel ta yach'il nuhcul, hich lec ya xhil schebal.