Gálatas 4:6 - Bible in Tzeltal Bachajón

⁶ Te bin ut'il yal-snich'anex Dios, ha la ya'beyex ta awo'tanic te Espíritu yu'un te Snich'an, te hich ya yal: ¡Abba, Jtat! xchi.

Nuevo Testamento Tzeltal de Amatenango

⁶ Y yuꞌun jich me ya xchiknaj a te yal xnichꞌanotikixe, Dios a stikon tal ta koꞌtantik te Espíritu yuꞌun te Xnichꞌane. Jaꞌ mismo te Espiritue ya xkꞌopoj: “Tat”, xchi ta stojol te Diose.

Bible in Tzeltal de Oxchuc y Tenejapa

⁶ Ta swenta te bit'il yal-snich'anex te Diose, la sticun tel ainuc ta awo'tanic uuc te Espíritu yu'un te Snich'ane. Ja' swentail te jich ya xc'opoje: “¡Abba, Jtat!”, xi' ta stojol te Diose.

Gálatas 4:6 Referans Kwoze

Romanos 5:5

soc te smuc'ul co'tanic ma xyac'otic ta q'uexlal, como malbilix ta co'tantic te sc'uxul yo'tan Dios ta scuenta te Ch'ul Espíritu te a'bilotiquixe.

Romanos 8:9

Pero te ha'exe ma ba ayex ta scuenta ch'ich'-baq'uet, ayex ta scuenta Espíritu, teme melel ayinem ta awo'tanic te Espíritu yu'un Dios. Te mach'a ma ba yich'oj te Espíritu yu'un Cristo, ma yu'unuc Cristo stuquel.

Filipenses 1:19

como jna'oj te ta scuenta te yac ac'opombonic Dios soc ta scuenta te ya scoltayon te Espíritu yu'un Jesucristo, ha ya yac' te ya xcolon ta libre.

Efesios 2:18

como ha ta scuenta te pajal ya xhu' ya x'ochotic ta stojol te Tatil ta scuenta junax Espíritu.

2 Corintios 3:17

Te Cajwaltic, ha te Espíritu; soc te banti ay te Espíritu yu'un te Cajwaltic, ayic ta libre tey a.

Efesios 4:30

Ma me xawa'beyic smel yo'tan te Ch'ul Espíritu yu'un Dios, te ha sello awich'ojic ha to teme la sta yorahil acolelique.

Judas 1:20

Yan te ha'ex te c'uxex ta co'tan, ac'a yipin awo'tanic te sch'uhunel awo'tanic te mero ch'ultesbil; c'oponahic Dios ta scuenta te Ch'ul Espíritu,

San Juan 16:7

Pero ya calbeyex te bin smelelil: Scuenta awutsil alequilic te ya xbohon, yu'un teme ma ba ya xbohon, ma ba ya xtal ta atojolic te Joquinwanej; yan teme ya xbohon, ya jticombeyex tal.

San Juan 14:16

Ho'on ya jc'ambe te Tatil, hich ya ya'beyex yan Joquinwanej awu'unic te sbahtel q'uinal ya sjoquinex,

San Lucas 11:13

Te ha'ex te chopol awo'tanic, teme yac ana'ic ya'beyel lequil mahtanil te awal-anich'anic, ¿ha'uc to balix a te Atatic ay ta ch'ulchan ya ya'be te Ch'ul Espíritu te mach'atic ya xc'ambot yu'une? xchi.

2 Corintios 1:22

ha nix la ya'botic sello soc la ya'botic ta co'tantic te Espíritu scuenta seña yu'un te bin ya xtale.

San Juan 15:26

Pero te c'alal ya xtal te Joquinwanej, ha te ya jticombeyex tal ta stojol te Tatil, ha te Espíritu yu'un te bin smelelil te ya xloc' tal ta stojol te Tatile, ha me ya yalbon jc'oblal.

San Lucas 11:2

Hich halbotic yu'un te Jesús: Te c'alal yac ac'oponic te Diose, hich me xawalic: Jtatic te ayat ta ch'ulchan, ac'a ich'ec ta muc' ach'ul bihil. Ac'a taluc te cuentahinel awu'un. Ac'a yich' pasel ta bahlumilal te bin ya sc'an awo'tan, hich te bin ut'il yac ta pasel ta ch'ulchan.

San Juan 3:34

como te mach'a ticombil tal yu'un Dios, ha ya yal te sc'op te Diose, como ma p'isbiluc nax ya yac' te Espíritu te Diose.

Jeremías 3:4

¿Ma bal yach'iluc to hich la awalbon: Jtat, ha'at joquinwanejat cu'un c'alal to ta jqueremil,

1 Pedro 1:11

yo'tanuc la sna'ic mach'a a soc bin ora ya xc'oht ta pasel, te la yac' ta na'el te Espíritu yu'un Cristo te ay ta yo'tanic, te ha nahil la yalbe sc'oblal te wocoletic ya xc'oht ta stojol Cristo soc te utsilal te ya xtal ta patil.

Efesios 6:18

Spisiluc ora c'oponahic Dios ta scuenta te Espíritu ta spisil ta chahp bintic yac ac'ambeyic te Diose. Cuxuluc awo'tanic, soc c'opombeyahic Dios spisil ora te mach'atic ch'ultesbilique.

Jeremías 3:19

Hich la jcal: Mero la jc'an te ya caq'uex ta al-nich'anetic cu'un soc te ya ca'beyex t'ujbil q'uinal, ha te q'uinal te c'ax hich yutsil a te bin ut'il te yich'ojic yantic nacionetic. La jcal te, Jtat, xchihuquex ta jtojol, te ma ba yac awihquitay aba at'umbelon.

Apocalipsis 19:10

La jpahcan jba ta ye'tal yoc yu'un ya jch'uhuntay, pero la yalbon: ¡Ma me hichuc xapas! Pajal ayotic ta a'batinel soc nix te awermanotac te ay ta yo'tanic te testigo-c'op yu'un te Jesús. Ch'uhuntaya te Diose, xchi. (Te testigo-c'op yu'un Jesús ha te espíritu yu'un te sc'op-jalwanej.)

Efesios 1:13

Ha nix hichex te c'alal la awa'iyic te smelelil c'op, ha te lec yach'il c'op yu'un acolelic, te c'alal la ach'uhunic la awich'ic asellohilic, ha te Ch'ul Espíritu te halbil ya xtale.

1 Corintios 15:45

Hich ts'ihbabil: Te sba winic Adán, a'bot scuxlejal, xchi; te slajibal Adán, ha espíritu te ya yac' cuxlejal.

Hechos 16:7

C'alal c'ohtic ta Misia, c'an bahticuc ta Bitinia, pero ma ba ac'otic bahel yu'un te Espíritu.

San Juan 7:39

Ha la yalbe sc'oblal te Espíritu te ya x'a'botic te mach'atic ya sch'uhunique. Como ma to ba talem a te Ch'ul Espíritu, yu'un ma to ba ac'ot ta ich'el ta muc' a te Jesuse.

San Marcos 14:36

Hich la yal: Abba, Jtat, spisil ya xhu' awu'un; loq'uesa ta jtojol te taza ini; pero ma ha'uc te bin ya sc'an co'tan, ac'a c'ohtuc ta pasel te bin ya sc'an awo'tan atuquel, xchi.

1 Tesalonicenses 4:8

Ha yu'un te mach'a ya sp'aj ini, ma ha'uc ya sp'aj te winic, ha ya sp'aj te Dios te ha nix ya'beyejex te Ch'ul Espíritu.