Gálatas 4:5 - Bible in Tzeltal Bachajón

⁵ scuenta yu'un ya yac' ta libre te mach'atic cuentahimbilic yu'un te Ley, scuenta yu'un ya x'ic'ototic ta al-nich'anil.

Nuevo Testamento Tzeltal de Amatenango

⁵ Yuꞌun tal yakꞌ ta libre te machꞌatik ayotik to ta skuenta te mantaliletike, yuꞌun te Diose jich me ya yikꞌotik ta yal-xnichꞌan.

Bible in Tzeltal de Oxchuc y Tenejapa

⁵ Swenta yu'un tal yac'otic ta libre te bit'il wentainbilotic yu'un te mandalile, swenta yu'un jich me ya yic'otic ta yal-snich'an te Diose.

Gálatas 4:5 Referans Kwoze

Hebreos 9:15

Ha scuentahil te ha Jc'asesej-c'op yu'un yach'il chapbil-c'op te Cristo, scuenta yu'un te mach'atic ic'bilic ya x'a'bot yich'ic sbahtel q'uinal te bin yaloj te Diose. Hich ya xc'oht ta pasel yu'un te laj te Cristo yu'un ya yac'ticlan ta libre yu'un te mulil spasojic c'alal cuentahimbilic to yu'un te nahil chapbil-c'op.

Efesios 1:5

Ta scuenta te sc'uxul yo'tan namey chapal yu'un te ya yal-snich'aninotic ta scuenta te Jesucristo, hich te bin ut'il la sc'an te yutsil sc'anojel yo'tan,

Efesios 1:7

Ha ta scuenta te colotic ta libre ta scuenta sch'ich'el, te ay perdón yu'un mulil, ha chican te sc'uhlejal te yutsil yo'tan

Apocalipsis 5:9

Soc la sc'ayojtayic yach'il c'ayoj te hich ya yal: Ha mero awu'un te yac atsac te balbil hun soc te yac ajam te sellohetic yu'une, como ha'at la awich' milel, soc ta scuenta ach'ich'el la amambe scolel te ants-winiquetic te ha yu'un Dios ya xc'ohtic, ta spisil ta chahp ts'umbaliletic, c'opiletic, pueblohetic soc nacionetic.

Hebreos 9:12

Ma ba och ta scuenta sch'ich'el tat tentsunetic o jcolel wacaxetic, ha och ta scuenta sch'ich'el nix stuquel, och bahel junax buelta ta Mero Ch'ul Awilal, te bin ut'il wehtemix yu'un te colel scuenta sbahtel q'uinal.

Gálatas 3:13

Cristo la scoltayotic loq'uel ta stojol te chopol c'oblalil yu'un te Ley, ha chopol sc'oblal c'oht stuquel ta jcuentatic, (yu'un hich ts'ihbabil: Chopol sc'oblalic spisil mach'atic ya yich'ic johc'anel ta te', xchi),

Romanos 8:23

Ma stuqueluc nax, ha nix hichotic te quich'ojtic te sba sit yu'un te Espíritu, ha nix hich yacotic ta ahcan ta co'tantic te c'alal yacotic ta smahliyel te iq'uel ta al-nich'an yu'un Dios, ha te colel yu'un te jbaq'uetaltic,

Gálatas 4:7

Ha yu'un ma ba mosohatix, ha al-nich'anilatix; soc te bin ut'il al-nich'anilat, Dios la yac' te yac awich'be hilel te bintic ay yu'un ta scuenta Cristo.

Gálatas 3:26

Apisilic yal-snich'anex Dios ta scuenta bin ut'il ach'uhunejic te Cristo Jesús,

Romanos 9:4

te ha israeletic te ha yu'unic te iq'uel ta al-nich'anil, ha yu'unic te utsilal, te chapbil-c'op, yich'el te Ley, yich'el ta muc' te Dios soc te bintic halbil hilel ta jamal.

San Juan 1:12

Pero spisil te mach'atic la yich'ic ta cuenta, te la sch'uhumbeyic te sbihile, la yac' te ha yal-snich'nab Dios ya xhu' ya xc'ohtic.

Tito 2:14

Ha la yac' sba ta lajel cu'untic yu'un la smanotic loq'uel ta stojol spisil bintic chopol soc yu'un ya sch'ultes jun pueblo te yu'un ya xc'oht, te ya yo'tantayic spasel lequil a'teliletic.

Romanos 8:19

como spisil te bintic pasticlambil c'ax lec yo'tan yac smahliybel ya xchicnajtesot te al-nich'aniletic yu'un Dios.

Efesios 5:2

C'ux me xawa'iy abahic spisil ora, hich te bin ut'il c'ux la ya'iyotic te Cristo soc te la yac' sba ta lajel ta jcuentatic, te ha milbil smahtan Dios te sumet yic' c'ohem ta stojol.

Gálatas 4:21

Halbonic ca'iy, ha'ex te yac ac'anic cuentahinel yu'un te Ley, ¿ma bal lajuc awa'iyic bin ya yal te Ley?

San Lucas 1:68

Bayel yutsil te Cajwaltic, te Dios yu'un Israel, yu'un tal swehtesbe scolel te pueblo yu'une.

Hebreos 1:3

Ha sts'anabul yutsilal te Diose, ha mero slop'tayej sba a, soc spisil bintic ay ipajem ta scuenta yu'el te sc'ope. Te c'alal hu' yu'un stup'belotic stuquel te jmultic, la shuhcan sba ta swa'el-c'ab te Mach'a c'ax bayel yutsilal ta toyol,

San Mateo 20:28

como te Nich'anil ay ta scuenta winic ma ba tal ta a'batinwanej, ha tal yac' sba ta a'batinel, soc tal yac' sba ta lajel scuenta yu'un ya xweht scolel bayelic, xchi.

Hechos 20:28

Ha yu'un canantaya abahic soc canantayahic spisil te tuminchijetic te awich'oj awa'telic ta obispo ta scuenta te Ch'ul Espíritu, scuenta yu'un yac amac'linic te iglesia yu'un te Cajwaltic, te ha la sman ta scuenta sch'ich'el,

1 Pedro 3:18

Como ha nix hich te Cristo jmehl nax laj ta scuenta mulil, ha laj te mach'a toj ta scuenta te mach'atic ma tojuquic, yu'un ya yiq'uex bahel ta stojol Dios. Ac'ot ta lajel ta sbaq'uetal, pero cuxaj ta scuenta espíritu,

Apocalipsis 14:3

Yac sc'ayojtaybelic yach'il c'ayoj ta stojol te muc'ul-huctajibal soc ta stojol te chaneb bintic cuxajtic soc te mamaletic. Mayuc mach'a ya xhu' yu'un snopel te c'ayoj, ha nax stuquel te waxaclajunpic (144,000) ta tuhl te mambil scolelic ta yohlil te mach'atic ayic ta bahlumilale.

Romanos 8:14

Ha me al-nich'aniletic yu'un Dios spisil mach'atic ayic ta tojobtesel yu'un te Espíritu yu'un Dios,

Romanos 8:15

yu'un ma ba awich'ojic te espíritu yu'un mosohinel scuenta yu'un ya xiwex yan buelta, ha awich'ojic te espíritu yu'un al-nich'antayel, te ha ta scuenta ya caltic: ¡Abba, Jtat! xchihotic.

Romanos 10:4

como te Cristo la slajimbe sc'oblal te Ley, scuenta yu'un toj ya xc'ohtic ta stojol Dios spisil te mach'atic ya sch'uhunique.