Gálatas 4:4 - Bible in Tzeltal Bachajón

⁴ Pero te c'alal la sta yorahil, Dios la sticon tal te Snich'an, te alatayot yu'un ants soc cuentahinot yu'un te Ley,

Nuevo Testamento Tzeltal de Amatenango

⁴ Pero te kꞌalal la sta stiempoile, Dios a stikon tal te Xnichꞌane te alatayot yuꞌun jtul antse, sok te ay ta skuenta te mantaliletik yuꞌun te Moisese.

Bible in Tzeltal de Oxchuc y Tenejapa

⁴ Ja'uc me to, te c'alal la sta yorail yu'un te Diose, la sticun tel ta balumilal te Snich'ane. Alatayot yu'un jtul ants soc swentainot yu'un te mandalile.

Gálatas 4:4 Referans Kwoze

Isaías 7:14

Ha yu'un, ha nix Jehová ya ya'beyex señahil: Ya me xhahch yal te ach'ix, ya me x'ayin squerem-al, Emanuel sbihil ya xc'oht yu'un.

Romanos 1:3

ha te lec yach'il c'op la yalbe sc'oblal te Snich'an, ha te Cajwaltic Jesucristo, te ha sts'umbal David ta scuenta ch'ich'-baq'uet,

San Juan 1:14

Te C'opil la yich' sbaq'uetal soc nahin ta cohliltic, nojel ta yutsil-o'tanil soc ta bin smelelil. La jquilbetic yutsilal, hich yutsilal te bin ut'il yutsilal te hip jtuhl Snich'an te Tatile.

San Marcos 1:15

Hich la yal: La stahix yorahil, nopol ya xhahchix te cuentahinel yu'un Dios. Suhtesa awo'tanic, ch'uhunahic te lec yach'il c'op, xchi.

San Juan 3:16

Como hich c'ux ta yo'tan Dios te bahlumilal te la sticon tal te hip jtuhl Snich'an, scuenta yu'un spisil te mach'atic ya sch'uhunic ma ba ya xch'ayic, ay scuxlejalic sbahtel q'uinal yu'un.

San Mateo 1:23

Ay jtuhl ach'ix te ya xhahch yal soc ya x'ayin squerem-al, Emanuel sbihil ya xc'oht, te xchihe. (Dios sjoquinejotic, xchi te c'asesbile.)

1 Juan 4:14

Ho'otcotic quilojcotic soc ya calcotic ta testigo te Tatil la sticon tal te Nich'anil scuenta Jcoltaywanej yu'un te bahlumilale.

Efesios 1:10

te ha ta scuenta Cristo ya stsob spisil bintic ay ta ch'ulchan soc spisil bintic ay ta bahlumilal te c'alal ya sta yorahil te chapal yu'une.

San Lucas 2:7

Hich ayin te sba-al, la smey ta mehyil pac', la smehtsan ta scanoa wacax, como mayuc lugar yu'unic ta na banti ya xwayic.

Romanos 8:3

Como te bin ma ba hu' yu'un te Ley ta scaj te mayuc yip te ch'ich'-baq'uet, Dios la spas te bin ut'il la sticon tal te Snich'an te hich nix sbaq'uetal te bin ut'il te jmulawil baq'uet, soc ta scaj mulil, hich la yac' ta tojel te mulil ta baq'uet,

San Lucas 1:35

La sjac' te ch'ul a'bat: Ya me xhul ta atojol te Ch'ul Espíritu, ya spotsat ta yaxinal yu'el te Mach'a ay ta toyol; ha yu'un te Ch'ul Alal te ya x'ayine, Snich'an Dios sbihil ya xc'oht.

San Juan 6:38

Como cohemon tal ta ch'ulchan, ma ha'uc yu'un te ya jpas te bin ya sc'an co'tan, pero yu'un ya jpas te bin ya sc'an yo'tan stuquel te mach'a la sticonon tale.

Jeremías 31:22

¿Jayeb xan c'ahc'al te ya xhowiyat ta behel, ach'ix te ma junuc awo'tan? Como te Jehová spasojix te bin yach'il ta bahlumilal: jtuhl ants ya smac jtuhl winic, xchi.

Hebreos 2:14

Te bin ut'il ch'ich'-baq'uet te al-nich'anetic, ha nix hich la yac' sba te Jesús scuenta yu'un, ta scuenta te laj stuquel, tey ya slajin a te mach'a scuentahinej te lajele, ha te pucuje,

San Juan 10:36

¿ha xan te mach'a tsahbil yu'un Dios soc te ticombil tal ta bahlumilal yu'un, te ha'ex yac awalic: Yac abohlc'optaybel Dios, xchihex, ta scaj te la jcal: Ha Snich'anon te Diose, te xchihone?

Zacarías 6:12

Hich me xawalbe: Hich yaloj te Jehová te scuentahinej spisil: Li' ay te jtuhl winic te Spuhl sbihil, ha ya xpuhlin loq'uel tal ta slohp', soc ya spas te templo yu'un Jehová.

Isaías 48:16

Nohpojanic tal ta jtojol, a'iya awa'iyic ini: C'alal ta shahchibal mayuc banti muquen c'opojon; c'alal hich c'oht ta pasel, tey ayon a, xchi te Jehová. Yo'tic te Cajwaltic Jehová la sticonon bahel soc te Espíritu yu'une.

Génesis 3:15

Soc ya cac' te contra yac awil aba soc te antse, soc te ats'umbal contra ya yil sba soc te sts'umbale; ha ya yehchentesbat ajol, yan te ha'ate yit nax yoc yac awehchentesbe stuquel, xchi sc'oblal.

1 Timoteo 3:16

C'ax muc' sc'oblal te bin muquen ay ta ch'uhunel te Diose, hich te bin ut'il ya yal: Ha chicnaj ta ch'ich'-baq'uet, ac'ot ta na'el yu'un te Espíritu te toj yo'tan, ilot yu'un te ch'ul a'batetic, halbot sc'oblal ta yohlil te jyanlumetic, ch'uhunot ta bahlumilal, ic'ot mohel ta utsilal.

Romanos 15:8

Ya calbeyex, te Cristo Jesús tal yac' sba ta a'batinel ta stojol mach'atic yich'ojic circuncisión yu'un ya yac' ta ilel te bin smelelil yu'un Dios, scuenta yu'un ya yac' c'ohtuc ta pasel te bin yaloj ta jamal ta stojol te me'iltatiletic,

Hechos 1:7

La yal te Jesús: Mayuc ta acuentahic sna'el bin ora o bin c'ahc'alil te chapal yu'un te Tatil te ha nax ay ta scuenta stuquel;

San Lucas 1:31

Ya me xhahch awal, ya x'ayin jtuhl aquerem-al, JESÚS me sbihil ya xc'oht awu'un.

San Mateo 3:15

La sjac' te Jesús: Hich ac'a c'ohtuc ta ora ini, como hich ya sc'an ya jc'ohtestic ta pasel spisil bin stojil ta pasel, xchi. Hich la sch'uhun te Juan.

Génesis 49:10

Ma ba ya xloc' bahel te bastón ta stojol Judá, ma ba ya xloc' bahel te seña ya'tel ta yohlil te yoc, ha to c'alal ya xtal te mach'a ha yu'un stuquel, te ya xch'uhumbot smandar yu'un te pueblohetique.

1 Juan 4:2

Hich ay ta na'el teme ha yu'un te Espíritu yu'un Dios: Spisil te mach'atic te jamal ya yalic te xtaluc soc sbaq'uetal te Jesucristo, ha me yu'un Dios stuquel.

Hebreos 9:10

como ha nax sc'oblal we'el-uch'el, te bintic ut'il la spoc sbahic, soc te mandariletic scuenta baq'uet; ha ac'bilic ha to c'alal ya sta yorahil te ya yich' ach'ubtesel te bintic aye.

Colosenses 2:14

La stup'botic ta hun te jbetic te quechel ta jcuentatic stojel, te hich ya yal te mandariletic, te ha ya scontrahinotic, la sloq'ues ta cohliltic soc la sbaj ta lawux ta cruz.

Romanos 9:5

Ha yu'unic te namey tatiletic, soc ta scuenta ch'ich'-baq'uet tey talem a te Cristo, te ha Dios yu'un spisil bintic ay, te stalel ay ta ich'el ta muc'. Hichuc.

San Juan 8:42

Halbotic yu'un te Jesús: Te ha'uc atatic te Diose, c'ux yac awa'iyonic te hichuque, como talemon ta stojol te Dios soc li' ayon; ma jtuquel-o'tanuc nax te talemon, ha nix sticonejon tal te Diose.

San Mateo 5:17

Ma me xacuyic te tal jin te Ley o te bin yalojic te jalwanejetic; ma ba tal jin, ha tal cac' c'ohtuc ta pasel.

Malaquías 3:1

Ilawil, ya jticon talel te jal-c'op cu'un te ya schahpambon te be cu'une. Ora nax ya xtal ta Templo te Ajwalil yac alehbelique; te jal-c'op yu'un te chapbil-c'op, ha te mach'a mulambil awu'unic, yaquix ta talel, xchi te Jehová te scuentahinej spisil.

Números 28:22

Soc ya me awaq'uic jcoht tat tentsun scuenta mahtanil yu'un stojel amulic.

Romanos 5:6

Te c'alal mayuc quiptic a la sta yorahil te cham Cristo yu'un te jmulawiletique.

1 Timoteo 2:6

te la yac' sba ta lajel yu'un smambeyel scolel spisilic, ha te la yich' halel ta testigo c'op te c'alal la sta yorahil.

San Lucas 20:44

Te David ya yal: Cajwal, xchi; ha yu'un ¿bin ut'il ay a te ha snich'an? xchi te Jesús.