Gálatas 4:3 - Bible in Tzeltal Bachajón

³ Ha nix hichotic, te c'alal alalotic to a, ayotic ta mosohil yu'un te bintic scuenta te bahlumilale.

Nuevo Testamento Tzeltal de Amatenango

³ Jich mismo ya xkꞌot ta jkuentatik ekꞌa. Te kꞌalal chꞌinotik to aye jich ayotik ta skuenta te machꞌatik ay spoderik te ya spasawanik ta mantal liꞌ ba balmilale.

Bible in Tzeltal de Oxchuc y Tenejapa

³ Jich jc'oplaltic uuc te jo'otique. Te c'alal alalotic to ae, ayotic ta mosoil yu'un te mandal te ay ta alel ta balumilale.

Gálatas 4:3 Referans Kwoze

Colosenses 2:20

Teme pajal chamex soc Cristo te hich libre c'ohemex yu'un te bintic stalel ay ta na'el ta bahlumilal, ¿bin yu'un te hich cuxulex te bin ut'il ayex ta scuenta te bahlumilal, te yac awac' scuentahinex te mandariletic

Colosenses 2:8

Tsahtaya me abahic te manchuc ayuc mach'a ya slo'loyex ta scuenta biluc nax c'opil te mayuc scuentahil, te bintic ay ta nopel yu'un ants-winiquetic soc te bintic stalel ay ta na'el ta scuenta nax bahlumilal, te ma ha'uc yu'un te Cristo.

Gálatas 4:9

Pero yo'tic, te bin ut'il yac ana'beyiquix sba te Diose, o lec xan ya caltic te na'bilexix abahic yu'un Dios, ¿bin yu'un te ya xcha'suhtex xan ta apatic ta stojol te bintic mayuc yip soc te bintic scuenta bahlumilal, te c'an awac' xan abahic ta mosohil yu'un?

Gálatas 2:4

aunque muquen ochic ta cohlilcotic yu'un ya yotsesotic ta mosohil te mach'atic sp'isoj sbahic te ha quermanotactic yu'un ya stsahtayic bin ut'il ay te libre ayotic ta scuenta Cristo Jesús.

Gálatas 4:31

Ha yu'un, quermanotac, ma ha'uc yalotic te moso-ants, ha yalotic te ants te libre ay.

Hechos 15:10

Ha yu'un ¿bin yu'un yac atsajic te Diose, ha te yac awa'beyic ta snuc' te jnopojeletic jun yugo c'ohem yu'un ya scuchic te bin ma ba hu' scuchbelic te jme'jtatic soc te ho'otique?

Romanos 8:15

yu'un ma ba awich'ojic te espíritu yu'un mosohinel scuenta yu'un ya xiwex yan buelta, ha awich'ojic te espíritu yu'un al-nich'antayel, te ha ta scuenta ya caltic: ¡Abba, Jtat! xchihotic.

San Juan 8:31

Te Jesús la yalbe te judíohetic te ch'uhunot yu'une: Teme jun awo'tanic ya x'ayinex ta stojol te jc'ope, mero jnopojelex cu'un ya xc'ohex;

Hebreos 7:16

te ma ba la yich' ya'tel ta sacerdotehil ta scuenta te ley yu'un winiquetic, pero ha ta scuenta te yip te cuxlejal te ma xlaje.

Gálatas 4:25

Como te Agar, ha te wits Sinaí te ay ta sq'uinal Arabia, soc pajal c'ohem soc te Jerusalén te ay ta ora ini te pajal ay ta mosohil soc te yalataque.

Gálatas 3:19

Ha yu'un ¿banti ya xtuhun te Ley? Ha a'bot ta scaj sc'axuntayel mandar, ha to c'alal tal te sts'umbal Abraham, te ha nix yu'un te bin yaloj ta jamal te Diose; soc ha la yich' aq'uel ta scuenta ch'ul a'batetic, ha a'bot te mach'a ya xc'opoj yu'un te pueblo.

San Mateo 11:28

La'ic ta jtojol apisilic te luhbunex soc te ay awihcatsic, ho'on ya ca'beyex acux awo'tanic.

Romanos 7:14

Jna'ojtic te Ley ha scuenta espíritu; yan te ho'one ch'ich'-baq'ueton, chombilon ta a'batinel yu'un te mulile.

2 Corintios 11:20

yu'un ya xcuhch awu'unic teme ay mach'a ya smosohinex, o teme ya slajimbeyex bin ay awu'unic, o ya spojbeyex abiluquic, ya stoy sba, o ya smajbeyex awelawic.

Gálatas 4:2

ay ta cuentahinel yu'un jcanantaywanejetic soc jcuentahinwanejetic ha to c'alal ya sta yorahil te chapal yu'un te state.

Gálatas 4:8

Ta nahil to, te c'alal ma ba la ana'beyic sba te Diose, ayex ta mosohil yu'un bintic ma ha'uc diosetic.

Gálatas 4:24

Ha sloc'ombahil c'op ini, como te cheb antsetic, ha seña yu'un te cha'chahp chapbil-c'op; te jchahp tal ta wits Sinaí te la yalatay te mach'atic ayic ta mosohil; ha te Agar.

Hebreos 5:12

Ya sc'an te ha'uquex yac awa'iyiquix p'ijubteswanej te bin ut'il ayix ora te ach'uhunejique, pero ya sc'an te yac awich'ic xan p'ijubtesel a te bin ut'il ay te shahchibal ta nopel te sc'op Diose. Ya to xtuhun awu'unic chu'ul, ma ha'uc te tulan we'elil.