Gálatas 4:26 - Bible in Tzeltal Bachajón

²⁶ Yan te Jerusalén ta toyol, libre ay stuquel, ha jnantic te ho'otique,

Nuevo Testamento Tzeltal de Amatenango

²⁶ Pero te Jerusalen te ay ta chꞌulchan libre ay stukel, y joꞌotik yuntikilotikix.

Bible in Tzeltal de Oxchuc y Tenejapa

²⁶ Yan te Jerusalén te ay ta ch'ulchane, ja' me'il cu'untic ta jpisiltic te ay ta libre stuquele.

Gálatas 4:26 Referans Kwoze

Hebreos 12:22

Pero te ha'exe nohpojemex bahel ta wits Sión, ta muc'ul pueblo yu'un te cuxul Dios, ha te Jerusalén scuenta ch'ulchan, ta stojol tsobol ta mil ch'ul a'batetic,

Filipenses 3:20

Yan te ho'otic ha jlumaltic te ch'ulchan, te banti yac jmahliybeltic ya xtal te Jcoltaywanej, ha te Cajwaltic Jesucristo.

Apocalipsis 21:2

La jquil te ch'ul pueblo, te yach'il Jerusalén, yac ta cohel tal ta ch'ulchan ta stojol Dios, chahpambil hich te bin ut'il ya sch'ahl sba jtuhl ach'ix ta stojol te mach'a ya xnuhpun soque.

Apocalipsis 3:12

Te mach'a ya ya'iy tsalaw, ya cac' te ha yoyal ya xc'oht ta templo yu'un te Dios cu'un, soc mayuc bin ora ya xloc' tey a. Tey nix ta stojol ya me jts'ihbabe te sbihil te Dios cu'un soc te sbihil te muc'ul pueblo yu'un te Dios cu'un, ha te yach'il Jerusalén te ya xco tal ta ch'ulchan ta stojol te Dios cu'un; soc ya jts'ihbay te yach'il jbihile.

Isaías 66:10

Bayeluc me yutsil awo'tanic soc Jerusalén, tse'eluc me awo'tanic yu'un, apisilic te c'ux yac awa'iy ta awo'tanic; nojeluc me yutsil awo'tanic, apisilic te yac amel awo'tanic ta scuenta,

Gálatas 4:22

Como ts'ihbabil hilel te ay cheb snich'nab te Abraham, te jtuhle, ha yal te moso-ants, te yane, ha yal te ants ay ta libre.

Romanos 6:18

Libre ac'otex yu'un mulil, ha a'bat c'ohemexix yu'un te bintic toj ta pasele.

Romanos 6:14

Como ma ba ya scuentahinexix te mulil, como ma ba ayex ta scuenta te Ley, ha ayexix ta scuenta te yutsil-o'tanile.

San Juan 8:36

Ha yu'un teme ya yaq'uex ta libre te Nich'anil, yu'un nix libre ya xc'ohex ta melel a.

Joel 3:17

Hich me yac ana'ic a te ho'on Jehovahon te Dioson awu'unic, te nahinemon ta Sión, te ch'ul wits cu'une. Te Jerusalén ha ch'ul pueblo ya xc'oht, ma me ayuquix bin ora ya x'u'untayotix yu'un jyanlumetic.

Isaías 65:18

Ay me yutsil awo'tanic soc stse'elil awo'tanic spisil ora yu'un te bintic ya jpasticlan, yu'un ya cac' te ha yutsil-o'tanil ya xc'oht te Jerusalén soc te ha yutsil q'uinal ya xc'oht te ants-winiquetic yu'une.

Oseas 4:5

Ta c'ahc'aleltic ya xyahlat, soc pajal ya xyahlat soc te jalwanej ta ahc'abal, soc ya jimbat te anane.

Oseas 2:5

Como la yac' sba ta antsinel te snanic, q'uexlaltic sba te mach'a la yalatay. Como hich la yal: ya jt'un bahel te mach'atic ya smulanon, te ya ya'bonic jwe'el soc ha', stsotsel tuminchij soc lino, aceite soc te bin ya cuch', xchi.

Oseas 2:2

¡Halbeyahic smul ananic, halbeyahic smul, como ma quihnamuc, soc ma smamalalucon! Ac'a yihquitay hilel ta stojol te antsinel yu'un, te yajmul ta banti stahn.

Isaías 50:1

Hich la yal te Jehová: ¿Banti ay te hun te ya yal te la jquihquitaybeyex hilel te ananique? O ¿mach'a a te ay jbet ta stojol te la jchonex hilel yu'un? Ha ta scaj amulic te chombilex, ta scaj ac'axun-mandaric te la yich' ihquitayel te ananique.

1 Pedro 2:16

Hich ac'a cuxajuquex te bin ut'il mach'a ay ta libre, pero ma me librehuc ayex ta spasel te bin chopole; hich ac'a cuxajuquex te bin ut'il a'batetic yu'un Dios.

Gálatas 5:1

Te Cristo la yac'otiquix ta libre scuenta yu'un libre ayotic, ha yu'un jc'axel ayinanic ta libre, ma me xawac' abahic xan ta chuquel ta yugo yu'un mosohinel.

Isaías 52:9

¡Pajal hahchanic ta aw yu'un yutsil q'uinal, ha'ex te bintic jimbilex yu'un Jerusalén, como te Jehová la smuc'ubtesbe q'uinal ya'iy te pueblo yu'une, la yaq'uix ta libre te Jerusalén!

Apocalipsis 17:5

Ta sti'ba ay bihilil ts'ihbabil te muquen ay ta na'el: Muc'ul Babilonia, Snan J'antsinel Antsetic soc Bintic Ilobtic Sba ta Bahlumilal, xchi te sbihile.

Gálatas 4:25

Como te Agar, ha te wits Sinaí te ay ta sq'uinal Arabia, soc pajal c'ohem soc te Jerusalén te ay ta ora ini te pajal ay ta mosohil soc te yalataque.

Apocalipsis 12:1

Chicnaj ta ch'ulchan muc'ul seña: jtuhl ants sc'u'inej te c'ahc'al, ay ta ye'tal yoc te u soc scoronahinej lahchayeb (12) ec' ta sjol.